Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...



A este respecto, a organización sindical CIG mobilizou aos seus delegados e delegadas para a realización dun acto de protesta na referida Mesa Xeral que contou co rexeitamento dos sindicatos CIG, CCOO e UGT, e o apoio do CSIF á medida demagóxica do Partido Popular, continuando con outra concentración o día en que a modificación da Lei foi tratada e aprobada polo Parlamento de Galiza.

Unha vez aprobada esta medida que vai na liña de exterminar a presenza do idioma propio de Galiza, do  idioma dos nosos antergos, consistente inicialmente en respostar nun formulario tipo test a un cuestionario redactado no idioma que nos define como galegos, sucumbindo así ás esixencias de  “Galicia Bilingüe”, FAES, UPyD, Falange Auténtica e CSIF, quenes antepoñen o dereito do servidor público a elixir a súa lingua ao dereito dos cidadáns, a Dirección Xeral da Función Pública amplía o prazo para participar nos procesos selectivos que, moitos deles, xa foron convocados no ano 2008, creando unha enorme inquedanza entre quenes xa levan moitos meses preparando os exames, ampliación defendida pola asociación profesional CSIF, rexeitada pola CIG e na que non se manifestaron CCOO e UGT.

A Dirección Xeral da Función Pública, en resposta ás protestas dos candidatos e candidatas, publicou unha nota informativa na que, segundo eles, os prazos previstos para a realización dos exercicios vaise respetar. Mais a nosa experiencia nos di que se finalmente o conseguen, sería algo nunca visto na administración galega, algo do que o sindicato dubida, e que valora como unha mera escusa para calmar os ánimos. Non se pode esquecer que, trala publicación da ampliación de prazo (20 días naturais), haberá que agardar a que cheguen todas as solicitudes (inclusive as que se presenten en embaixadas), revisalas, confeccionar o listado de admitidos e excluídos, publicalo no Diario Oficial de Galiza (DOG), abrir un prazo de subsanación de defectos, novamente agardar a que chegue a documentación complementaria dos excluídos, revisala, e finalmente confeccionar un novo listado definitivo a publicar no DOG. Sinceramente, a CIG dubida moito da palabra dada polos responsábeis políticos da Función Pública.

Entende a CIG que, consecuencia indirecta desta decisión é a dilatación dos prazos e a posibilidade de que entremos no 2010 sen que comecen os exames da oferta do 2008.

Contra esta decisión, CIG-Autonómica está traballando na liña de interpoñer recurso contencioso-administrativo por entender que non se axusta a dereito, pendente do que diga a nosa asesoría xurídica.

A CIG preguntase se detrás desto pode haber intereses ocultos, pois a recente ampliación do prazo vai acompañada doutras medidas: en días pasados fomos informados polo Director Xeral da Función Pública de que os sindicatos xa non proporán membros para os tribunais de selección. Estamos a falar dos órganos colexiados, formados por cinco membros, nomeados por Función Pública, tres deles a proposta da propia Función Pública, un da Escola Galega de Administración Pública (EGAP) e un quinto proposto polas organizacións sindicais. En total, cinco membros que supostamente actúan a titulo individual, pero que a realidade é que as decisións moitas veces xa viñan dadas, ou polo menos, era habitual que os catro membros designados pola administración tivesen unha postura común chocando co parecer do único membro designado polos sindicatos.

A retirada da presenza nos tribunais de selección do membro proposto polas organizacións sindicais, quen na inmensa maioría dos casos limitábase a un papel de control ou vixianza, supón que o tribunal en pleno vai ser designado pola Dirección Xeral de Función Pública e, inda que non vai contar con membros de caracter político, si vai estar composto por persoas que ocupan postos de traballo de “Libre Designación”, polo que a súa suposta independencia é posta en dubida pola Confederación Intersindical Galega.

Dende a CIG reinvicamos que para garantir a total compentecia, capacidade e imparcialidade dos membros dos tribunais de selección se proceda a escoller a estes a través dun proceso público regulado por unha convocatoria na que estean prefixados de antemán os méritos que se puntuaran e a puntuación asignada a cada mérito coas correspondentes listaxes nas que se dea audiencia aos interesado; desta maneira si quedaría garantida a  competencia, capacidade e imparcialidade dos tribunais, xa que o persoal da administración que así o desexe podería presentar a súa solicitude de participación e nomearíase sempre aos candidatos máis idóneos en virtude da súa formación, competencia e capacidade, independentemente do credo ou relixión política á que pertenzan.

A CIG sempre mantivo, e mantén, que os tribunais de selección deben estar compostos por persoas escollidos por sorteo, non designadas nin por responsábeis políticos nin sindicatos. Mais agora, o conxunto do tribunal vai estar composto por empregados públicos de dubidosa independencia e designación exclusiva dos responsábeis políticos da Función Pública e goberno.

No DOG do martes 21 de xuño, publicanse os nomeamentos dos primeiros tribunais. Dunha banda chamamos a atención sobre a má fe de Función Pública por ocultar as suas intencións, comunicado fai so uns dias. Doutra banda, a publicación pretende desmobilizar a concentración do mercores. A este respecto, abondan os exemplos de procesos nos que se producen continuas autorizacións de prórrogas nos prazos máximos entre nomeamento de tribunal e computo de prazos, polo que o feito de nomear un tribunal non garante os prazos. A CIG anuncia un novo contencioso.

En vista desta perigosa suma de acontecementos destinados a eliminar o galego da administración galega, de acabar coa trasparencia dos procesos selectivos e de soterrar a independencia e imparcialidade dos tribunais, a CIG manifesta o seu apoio á concentración convocada e na que estaremos presentes.