Ferrol

Denuncian os mínimos no Xulgado e interpelan a organizacións políticas e sociais para sumar forzas

Axentes forestais e medio ambientais secundaron masivamente as dúas primeiras xornadas de paro convocadas por CIG e UGT para o 25 e 26 de xullo en toda Galiza. O xoves 26 manifestábanse ademais polas rúas de Compostela, desde a Dirección Xeral de Montes (San Lázaro) até San Caetano, para demandar unha negociación real. Xunto a isto os sindicatos presentamos denuncia pola imposición duns servizos mínimos abusivos e remitimos un escrito ás organizacións políticas e sociais en demanda do seu apoio. A Administración –á que as e os manifestantes pedían a viva voz “sentidiño”- non deu sinais de vida nestes días polo que, de momento, todo parece indicar que a folga se converterá en indefinida a partir do día 1 de agosto.

No escrito, as organizacións convocantes dos paros, CIG e UGT, explicamos que a consellaría de Medio Rural xunto coa de Medio Ambiente e Ordenación do Territorio e a Dirección Xeral de Función Pública presentaron unha proposta abusiva para a reordenación das condicións de traballo do persoal funcionario das escalas de axentes ambientais e forestais da Galiza.

O luns 23 ás 13:11 h, a Consellería de Medio Ambiente e Ordenación do Territorio convocou unha xuntanza para o vindeiro xoves día 26 ás 10:00hs, mediante correo electrónico do xefe de Servizo de Xestión de Recursos Humanos da Consellería de Medio Ambiente e Ordenación do Territorio con motivo de análise dos cadros de quendas do persoal da Escala de Axentes Facultativos Medioambientais, de dita Consellería.

As organizacións sindicais CIG e UGT respondemos a dita convocatoria ás 11:00 h da mañá do martes 24, considerando que unha vez convocada a folga de Axentes Facultativos Medioambientais e Forestais na que entre outros puntos se reivindica o uso abusivo de quendas que impiden a conciliación familiar e laboral do colectivo, carece de sentido a reunión tal e como está programada, debendo ser convocado o Comité de Folga para a dita negociación.

A Consellería de Facenda publicou no DOG do 13/07/2018 a Orde de confección de nóminas do ano 2018, con efectos de 1 de xaneiro do 2018.

Pese ao denso do tema (55 páxinas), o caso é que imos cobrar 1,5% máis bruto nas nosas nóminas, cos atrasos posibelmente nun só pago. Quedaría pendente outro 0,25%, que estaba condicionado ao obxectivo de cumprimento do déficit no 2017.

Esto significa que, grazas ao magnífico acordo dos gobernos do PP e os sindicatos CCOO, UGT e CSIF, e ao estar o IPC no mes de xullo xa no 2,3%, este ano volvemos a perder poder adquisitivo.

Como recibir un pago de entre 100 e 200 euros nunha única nómina por atrasos é algo que vamos notar, é de supoñer que nas vindeiras semanas poidamos ler nos boletíns as bondades dos acordos, xunto con bombardeo na prensa dicindo que somos privilexiados e case xa ricos.

A maiores dese pago único, o incremento do 1,5% bruto quedará consolidado, o que nos permitirá compensar a suba da luz, máis ou menos.

Se queres saber exactamente o incremento que che vai supoñer, colle a nómina de maio, multiplica o salario bruto por 0,015 para calcular o incremento mensual, e por esa cantidade por 7 para o pago único por atrasos.

A Consellería de Sanidade decidiu repartir un complemento de produtividade ás persoas dependentes da Subdirección Xeral de Inspección, Auditoría e Acreditación. Os importes máximos poden ir dende 4.800 €/anuais ata os 1.200 dependendo do posto e grupo.

A consellería actúa unilateralmente contravindo as súas obrigas de negociación fixadas na Lei 2/2015 do Emprego Público de Galiza.

A CIG enviou escrito a Función Pública e Sanidade esixindo información, negociación e suspensión de calquera medida mentres a consellería non cumpra as súas obrigas.

Incumprindo as obrigas de negociación coa representación sindical que fixa a Lei do Emprego Público de Galiza, a Consellería de Sanidade decidiu fixar os criterios e importes para o reparto dun complemento de produtividade entre o seu persoal da Subdirección Xeral de Inspección, Auditoría e Acreditación.

O persoal da subdirección recibiu un escrito de “aceptación de criterios de distribución de incentivos do persoal da subdirección xeral de inspección, auditoría e acreditación de servizos sanitarios 2018”, que debían asinar, asumindo así os criterios decididos sen negociación.

Todo isto é froito dun acordo asinado en setembro do 2017 pola Consellería de Sanidade e o Ministerio de Emprego e Seguridade Social para o control das incapacidades temporais no período 2017 a 2020. As bases do convenio marcan uns obxectivos e unhas retribucións diferenciados en concepto de “complemento de produtividade” diferenciado segundo a escala/grupo de pertenza do persoal funcionario.

Pero a Lei é clara: “serán obxecto de negociación [..] a determinación e aplicación das retribucións complementarias do persoal funcionario, [..] as que afecten ás retribucións do persoal funcionario [..]”, ou “a asignación deste complemento realízase conforme criterios obxectivos establecidos regulamentariamente coa necesaria información e participación dos órganos de representación sindical”.

A CIG dirixiu escrito a Función Pública e á Secretaría Xeral Técnica de Sanidade solicitando a suspensión de todo acto relacionado con este complemento de produtividade mentres non se proceda ao estrito cumprimento das obrigas de información e negociación que ten a Administración coa representación sindical das empregadas e empregados públicos.

Mediante escrito ao efecto CIG e UGT vimos de preavisar no día de hoxe a convocatoria dunha folga coas seguintes características:

1. A convocatoria da folga realízase por acordo de dúas organizacións sindicais, logo de varias asambleas e mobilizacións dos axentes medioambientais e forestais, CIG e UGT, con ámbito na Mesa Xeral de Empregados Públicos da Administración Autonómica de Galiza.

2. A folga comezará o día 25 ata o 27 de xullo, ás 08 horas, e, a partir do 1 de agosto, ás 00hs terá unha duración indefinida, afectando á escala de axentes forestais/facultativos medioambientais, funcionarios e funcionarias ao servizo da Administración Autonómica galega.

Convocadas as organizacións sindicais pola subdirección coa seguinte convocatoria na orde do día: "Configuración das escalas do Spdcif e desenvolvemento dos procesos de adaptación necesarios para a provisión dos postos mediante persoal funcionario".

DE TODO O QUE PROPOÑÍA NA ORDE DO DÍA, DENDE A SUBDIRECCIÓN SO SE LEVABA PREPARADO ISO, O TÍTULO DA ORDE DO DÍA.

Abre a reunión o subdirector de persoal presentando esta a modo de declaración de intencións, onde logo de non aportar ningunha novidade sobre o proceso convida as organizacións a que expoñan o seu parecer sobre o proceso. Dende a CIG amosamos a nosa queixa polo sinsentido desta maneira de facer.

Por Orde do 4/7/2018, DOG do 13/07/2018, a Consellería de Facenda declara inhábil o mes de agosto para os efectos do cómputo de prazos de diversos procesos selectivos da Xunta de Galiza.

Acompañan a Orde dunha relación dos procesos selectivos afectados.

O luns 9/7/2018 houbo unha xuntanza extraordinaria do Comité de Seguridade e Saúde Laboral da Consellería de Medio Ambiente e Ordenación do Territorio.

Trátase o catálogo de roupa para o persoal de campo do Servizo de Conservación da Natureza e da Dirección Xeral de Patrimonio Natural, que foi elaborado polo Grupo de Traballo do CSSL Comité de Seguridade e Saúde Laboral da Consellería de Medio Ambiente e Ordenación do Territorio.

Especificamente tratáronse as seguintes cuestións:

  • Repasouse a relación e as características das prendas, chegando a conclusión de que un experto en normas UNE revise todo o referente a estas no texto de cara a que estas sexan as actuáis e correspondanse o definido.
  • Coma ainda non se sabe canto presuposto se conta, nin cal e o valor das prendas, os representantes da consellería pediron que se priorizara según as necesidades e cantidade de roupa a entregar por traballador.
  • Ainda que se pediu en moitas das reunions mantidas non foros capaces de concretar se o persoal técnico da conselleria lle van a entregar roupa.
  • Acordouse que esto era o mínimo que se entregaría na seguinte adxudicación:
    ◦ Anorak – Parka 1
    ◦ Chaqueta cortaventos 1
    ◦ Polo manga longa 2
    ◦ Pantalon multipetos 2
    ◦ Botas de inverno 1
    ◦ Chuvasqueiro 1
    ◦ Polo manga curta 2
    ◦ Pantalón multipetos verán 2
    ◦ Botas verán 1
    ◦ Funda de traballo (según necesidades) 1
  • Acordouse entregar a roupa antes de finalizar o ano.

Pomos á túa disposición a "guía de conciliación" da CIG, actualizada a xullo/2018, coa inclusión dos cambios no permiso de paternidade.

No documento inclúense os seguintes apartados:

  • Permisos, xestións relacionados coa maternidade.
  • Permisos, xestións relacionados coa paternidade.
  • Permiso de lactación.
  • Redución de xornada por coidado de fillas/os e familiares.
  • Redución de xornada por coidado de menores afectados/as por candro e enfermidade grave
  • Excedencia por coidado de crianzas e familiares.
  • Permisos para coidado de familiares con enfermidade.
  • Flexibilidade horaria e outros permisos para conciliar a vida familiar, laboral e persoal.
  • Risco no embarazo e na lactación natural.
  • Acoso sexual e por razón de sexo.
  • Violencia de xénero.
  • Plans, protocolos e medidas de igualdade.
  • Modelos de solicitudes.
  • Propostas da CIG en materia de negociación colectiva con perspectiva de xénero.

Os contidos desta guía están referenciados á lexislación básica. A Lei do emprego público de Galiza mellora algúns puntos concretos. Por poñer un só exemplo, a duración do permiso por parto (16 semanas no Estatuto dos traballadores, 20 semanas na LEPG).

O CIG presentou por rexistro escrito dirixido a Función Pública solicitando a convocatoria urxente da Comisión de seguimento do Acordo de Integración. O motivo son os reiterados incumprimentos por parte da Administración na aplicación do Acordo asinado no mes de febreiro de 2017, especialmente no referido a Listas de substitución e RPT.

O propio Acordo prevía expresamente que no prazo de 3 meses se procedería a incorporación no Rexistro Central de Función Pública da Relación de postos de Traballo do Consorcio así como que se procedería a abrir un prazo extraordinario para a apertura de listas e realizar as contratacións a través do Decreto 37/2006.

Estes incumprimentos reiterados, e a distorsión continua na aplicación dos beneficios do Convenio en canto a horarios, permisos e cursos leváronnos a considerar que se en 15 días non se convoca a Comisión daremos por morto o Acordo e solicitaremos a mediación/arbitraxe prevista na Lei 2/2015 do Emprego Público de Galiza.