Na provisión deste posto de coordinación de ATS-DUE non se cumpre este principio de excepcionalidade; todo o contrario, é un posto vacante dende hai varios anos e a súa ocupación ten que ser de acordo co procedemento de provisión provisional en adscrición temporal. Este posto de traballo ten que ofertarse no web de función pública para a súa cobertura en adscrición temporal e, se non hai interesadas/os, en superior categoría.

O escurantismo, a arbitrariedade e o nepotismo seguido pola dirección do CRAPD confirma a súa, cando menos, pouca capacidade para o exercicio de funcións directivas. Pouca capacidade que tamén se manifesta no abuso das modificacións das quendas de traballo do persoal. O que debería ser unha excepción, convértese na norma diaria diante da mala planificación das necesidades de persoal.