Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...


Un dos puntos que motivou a petición de convocatoria da comisión de seguimento pola nosa parte foi o establecemento dun protocolo de transmisión da información que aparece recoñecida na orde. Recordamos que ata a actualidade esta información estaba sendo mandada á prensa pero non á representación das traballadoras e traballadores. Neste sentido Función Pública comenta que pretenden facer como as comisión de servizo (consulta en tempo real). Porén, a CIG comenta que dada a indeterminación para esta solución é necesario chegar a unha solución transitoria. Acórdase que remitirán a información por correo electrónico de xeito mensual (nos 5 primeiros días do mes mandarían os datos do mes anterior). Nesta información irán os seguintes números así como no caso das denegacións a súa motivación detallada por posto.

02/01/2014 - 20/02/2014 Solicitudes Concedidas Denegadas
Flexibilidade particular 4276 3736 30
Flexibilidade familiar 268 180 19
Teletraballo 171 0 0

 

 

 

Motivación das denegacións

  • Flexibilidade “automática”:6 persoas nun centro de Ourense porque permanece o edificio pechado e ningún traballador/a aceptou a chave, 6 persoas con horario especial, 2 a petición propia, 1 que traballaba a quendas no SPDCIF...
  • Flexibilidade familiar: por non validar o horario de referencia, por solicitalo como proba.

En canto á valoración de datos, pódese observar que flexibilidade foi só solicitada por un 33% do total das persoas potencialmente usuarias (12.000) e para o teletraballo tan só un 10% (2.000) sempre segundo estimacións da propia Administración. Preguntamos pola valoración fai a Administración (por ver se é tan entusiasta como nos medios). Avaliación responde que creen que é moi positiva e que aínda están entrando solicitudes porén recoñécese que hai unha diminución no ritmo destas.

 

Flexibilidade familiar e modificación da orde

Unha das cuestións que máis urxen a modificación da orde actual é a configuración flexibilidade familiar no senso de que a redacción actual ten visos de contravir a Lei 7/2004, do 16 de xullo, galega para a igualdade de mulleres e homes. O dito artigo establece que se establecerá o “máis amplo horario de referencia posible” e “determinado en cada caso”. Neste senso, observamos unha posible vulneración da orde co dereito recollido na lei coa adaptación das actuais resolucións por flexibilidade familiar que non permite un horario de referencia máis aló das 20h ou os venres pola tarde.

Por outra banda, destacamos o inaceptable das presións que sufriron traballadoras e traballadores de determinadas unidades para que se autoimpuxeran un horario de referencia máis reducido que o que permite a orde e mesmo establecer a lapiz na solicitude un horario de presenza.

A negativa dalgúnhas persoas está facendo que se prolonge sine die a resolución da súa solicitude da flexibilidade por motivos familiares. Neste termo sinalamos que é necesario establecer un tempo máximo de resolución deste procedemento que debe ser sensiblemente inferior aos 3 meses que rixe na actualidade segundo a Lei de Procedemento Administrativo e establecer o carácter positivo do silencio. Comparativamente chamamos a atención de que a orde establece 3 meses para resolver a solicitude de teletraballo, moito máis complexo procedimentalmente, e un sentido positivo do silencio. Cómpre facer fincapé en que o texto que saiu da Comisión de Persoal levaba 15 días para resolver esta flexibilidade, o cal foi cambiado trala restructuración da orde polo informe da Asesoría Xurídica.

A Administración responde que a orde leva pouco en funcionamento e que aínda é cedo para facer algunha modificación e que os problemas de aplicación diferenciada quedarán solucionados a través das instrucións de aplicación. En todo caso, a CIG deixa claro que está estudando xuridicamente o tema e non descarta a formulación do oportuno recurso se non existe vontade de solucionar esto en vía negocial.

Outras consideracións e instrucións de desenvolvemento

Comunicámoslle a Adminsitración que detectamos aplicacións difenciadas segundo o centro, queixas (sobre o funcionamento e información da aplicación informática, sobre a apertura e peche dos centros, na concesión do teletraballo...) e tamén moitas dúbidas de interpretación xerais e aplicación a diferentes colectivos

Sen entrar a debater ningunha cuestión concreta, insiten en que para a semana teremos na caixa de correo das organizacións sindicais un borrador das Instrucións de aplicación da orde que solventaran moitas destas problemáticas. Avaliación sinala a existencia dun “manual de preguntas frecuentes” que se pode consultar en intranet e din que con elas solventan unha alta porcentaxe de dúbidas que lles chegan. Sobre o tema específico da mellora da aplicación din que lle chegaron moitas queixas e están traballando coa AMTEGA e van a modificala para que mostre, entre outros, as horas mensuais restantes.

Desde a CIG facemos fincapé en que a proposta e eleboración das ditas instrucións deberían partir desta comisión de seguimento para ser negociada no ámbito da Mesa Xeral; non ser unha cuestión unidireccional da Administración. Función Pública responde que vai ser negociada e insisten en que mandarán o borrador para que presentemos alegacións.

Por último, seguimos instindo en que as traballadoras e traballadores públicos sigan achegándonos as queixas pero tamén deixando constancia por escrito das súas problemáticas drixidas a esta Comisión de Seguimento, xa que cando existe unha gran demanda ou ben unha resposta colectiva acaban facéndose eco, como foi o tema da modificación da aplicación ou a variación do horario de peche do centro da Secretaría Xeral de Montes.

Continúa o uso político da flexibilidade e teletraballo

A CIG transmitiu o malestar e o cabreo non só da nosa organización senón tamén da maioría de traballadoras e traballadores públicos por ver cada dous por tres unha nota de prensa da Xunta sacando a colación o tema da flexibilidade e teletraballo. Nomeadamente citase que en menos de un mes a Dirección Xeral da Función Pública sacou tres notas de prensa onde publicaba os datos de implantación da flexibilidade e telebrallo, datos polos que as organizacións sindicais tivemos que agardar, tras moito insistir, case 2 meses.

Por outra banda, tampouco nos gusta o enfoque que lle están dando nestas notas nas que a propia Administración deixa de lado o seu propio beneficio organizativo, centrándose no feito da “concesión" dun dereito co obxecto tratar de contrarrestar a erosión política derivada do recorte de dereitos económicos. Porén, a utilización política actual dos dereitos das traballadoras e traballadores públicos só contribúe a promover unha visión sesgada do persoal dos servizos públicos desde o conxunto da sociedade; unha visión sesgada que axuda a vender os plans privatizadores do goberno actual.

Nomeadamente pídiuse que non seguirán estirando a corda e se comprometera a non sacar unha nova nota de prensa co motivo da constitución desta comisión, que ata nos parecería ridículo dada a pouca entidade informativa. Neste sentido un director dixo da Función Pública bastante cabreado dixo que podían sacar as notas que quixeran, como as sacábamos nós, e que o van seguir facendo (falou de liberdade de expresión e de censura...); que outra cousa é o que publique a prensa. Efectivamente, así o fixeron outra vez máis.

Desde a CIG non lle imos a censurar esas notas non só porque non teñamos a capacidade cos medios que ten o Goberno senón por propia ideoloxía. Porén, o que non imos deixar de facer é amosar ás persoas representantes da Administración a nosa desconformidade co seu proceder. e o malestar que nos transmiten as traballadoras e traballadores públicas por estas contínuas notas de prensa.