O día 11 de abril eran as eleccións sindicais do persoal funcionario, e presentábanse un e outra: Pablo Alejandro, número 1, e Mª Elena, número 21 da candidatura de SEPGA.

Pablo Alejandro, director de Departamento con rango de subdirector xeral, suma agora unha nova faciana: ser representante sindical dos funcionarios e funcionarias como membro da Xunta de Persoal de Servizos Centrais.

Nas seguintes negociacións que haxa, participará como Administración ou como representante sindical? É legal e moral que se sente nunha mesa de negociación? Que influencia da “ideoloxía” dese sindicato está xa metida na proposta de RPT que nos presentou a Administración?

Van defender pola mañá como representantes da Administración os recortes de dereitos aos funcionarios (incluídos os do A1), e pola tarde, darse golpes no peito en defensa dos mesmos?

Está claro que non van defender nin ás persoas do subgrupo A1, nin a ningúen, senón aos intereses da Administración e aos do lobby de subdirectores xerais.