Inicio
Venres, 19 Abril 2024

A Xanela (boletín de CIG-Autonómica, abril/2024)

Neste boletín de CIG-Autonómica falamos de:

- Concursos de traslados e as 1.100 prazas bloqueadas- Concurso específico- Campaña pola xornada de 35 horas semanais e as semanas de 4 días- Lentitude dos procesos selectivos- Condicións de traballo do persoal non docente de centros de ensino- Como recibir información da CIG-Autonómica.


Luns, 15 Abril 2024

A AGASP e a Dirección Xeral da Defensa do Monte aplican criterios discriminatorios na selección para a formación

A Academia Galega de Seguridade Pública (AGASP), organismo autónomo de carácter administrativo adscrito organicamente á consellaría competente en materia de interior e xustiza, imparte formación ao persoal axente forestal (art. 4 da Lei 1/2007). A Dirección Xeral de Defensa do Monte, da Consellaría do Medio Rural, participa na organización da formación e nos procesos de selección.

A AGASP vén de convocar a actividade formativa “Análise de incendios forestais”, de 120 horas e 40 prazas, ...


Luns, 15 Abril 2024

O Consorcio ordena facer a programación do período de adaptación... na casa?

A CIG-Autonómica denuncia ante a autoridade laboral a decisión da Xunta e máis do Consorcio de cargar ás traballadoras coas horas de programación sen reducir o horario de atención directa. 

O Consorcio impuxo, dentro da xornada de 35 horas semanais, que toda a xornada de traballo fose de atención directa ás crianzas. Esta medida supón un novo atentado contra os servizos públicos, dado que afecta á calidade do servizo ao eliminar a programación educativa, as xuntanzas coas familias, a ...


Venres, 12 Abril 2024

Recurso de reposición ao concurso ordinario de traslados de ciencias+enxeñarías+arquitectura

A CIG presentou un recurso de reposición á Resolución que convocou o concurso ordinario para a provisión de postos de traballo vacantes de escalas de enxeñarías, arquitectura, arquitectura técnica e ciencias (administración especial).

No recurso solicitamos unha relación das prazas que desapareceron do concurso, con información polo miudo de cada unha delas. Tamén da relación de prazas que teñen reserva. Ao tempo, reclamamos a convocatoria inminente das prazas de concurso específico, que ...


Venres, 12 Abril 2024

Emendas da CIG ás leis básicas de bombeiros/as forestais e axentes forestais e medioambientais

Dende a CIG, e con ánimo de mellorar os textos dos proxectos de leis básicas de bombeiros/as forestais e axentes forestais e medioambientais, enviamos aos grupos parlamentares do Congreso as nosas achegas a estes documentos dentro da fase de emendas.

Para nós estes textos son claramente mellorables porque poden chegar a limitar o ámbito de actuación e funcións de competencia da comunidade galega e non afondan en dar solucións aos principais problemas deste persoal que sí son cuestións de ...


Venres, 12 Abril 2024

Educación retira a axuda por discapacidade ao seu persoal funcionarizado

A Consellería de Educación, de xeito unilateral e sen previo aviso, retirou a axuda por persoa con discapacidade a cargo que o persoal funcionarizado tiña recoñecida en base ao V Convenio Colectivo da Xunta de Galiza.

O persoal laboral ten dereito a unha axuda de 180 € mensuais cando ten ao cargo unha persoa con discapacidade e con ingresos inferiores ao SMI. En teoría ese dereito íase manter parar o persoal laboral funcionarizado da citada consellería pero na práctica foille retirado. É ...


Xoves, 11 Abril 2024

O Consorcio Galego de Servizos de Igualdade e Benestar incumpre a normativa de conciliación da vida familiar e laboral

O Consorcio introduce unha cláusula nas resolucións de reducións de xornada que impide que o persoal poida desfrutar do dereito á conciliación mentres non se cubra con persoal substituto a franxa horaria na que reduce a xornada.

A CIG levamos anos denunciando a situación que se produce na concesións de reducións de xornada por conciliacións, incumprindo o artigo 37.7 do Estatuto das Persoas Traballadoras.

Agora, vimos de denunciar perante a Valedora do Pobo a conculcación, na práctica, ...


Mércores, 03 Abril 2024

A CIG solicita que o grao en Educación Social sexa a única titulación habilitante para exercer como educador/a social

A CIG presenta unha proposta para que se modifique a Lei de Emprego Público de Galiza de tal xeito que o grao en Educación Social sexa a titulación especializada única que habilite para o exercicio da profesión de Educador/a Social

A CIG vén de presentar perante a Dirección Xeral da Función Pública e ante as Secretarías Xerais Técnicas das consellerías onde está presente a figura dos/as Educadores/as Sociais (Consellería de Cultura, Educación, Formación Profesional e Universidades, ...


Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

A EGAP comprometese desde xa a que en toda a formación que sexa simultánea o concepto "número de edición" deixe de funcionar. A funcionaria responsábel amosounos a través da aplicación como na selección neses casos o número de edición deixa de estar xa dispoñíbel.

Na selección dos cursos de negociado e sección está eliminada esa peculiaridade do número de edición por pedimento noso.

Cursos para o persoal sanitario funcionario da lei 17

Este persoal non era aceptado nos cursos da EGAP por ser persoal sanitario, porén tampouco era aceptado nos cursos do FEGAS (escola de formación do persoal sanitario) por non ser persoal estatutario. Esta falta de entendemento entre as dúas escolas de formación deixaba no limbo da formación a máis de 1000 persoas que están baixo o paraugas desta lei 17.

Desde a CIG levamos tempo reclamando insistentemente unha solución xurídica que garanta o acceso á formación a este persoal. Cómpre facer fincapé en que o maior problema se estaba producindo coa formación ligada á lingua galega.

Por fin a EGAP vai sacar antes do verán formación para este persoal xa que se comprometen a ter asinado de xeito inmediato un convenio coa FEGAS (amosan o texto) De acordo a ese convenio na EGAP vaise convocar formación para eles a partir de xuño. Nesta data sairán as primeiras convocatorias de diversos cursos a destinados a este persoal comezando polo ámbito da lingua galega no que se ten producido o 99,9% dos problemas.


Cursos específicos das consellarías

Nas accións formativas das consellarías a nosa proposta é que se deixen unha proporción de prazas para a distribución xenérica baremada entre todo o persoal e acabar así coa endogamia formativa.

Aí o secretario inundounos de información sobre como varía o proceso de selección: hai consellarías  que envían a proposta para seleccionar cos criterios xerais da EGAP, outras con indicación expresa das persoas as que vai dirixida a formación e outras, as máis restrinxidas, que apuntan que esa formación é preferente para X persoas de determinadas unidades.

A EGAP selecciona de acordo ao comunicado das consellaría e amosa unha relación de cursos onde ficaran estes fechados ao resto do persoal, que eran os mínimos no total de formación das consellarías, na que eles non podían intervir. A única solución que deron foi que se unha acción formativa ten moita demanda alén da xerada pola consellaría nas solicitudes, que se faga como formación da EGAP por proposta nosa.

Nese caso pedimos, desde a CIG, que se nos informe das demandas actuais desa formación. A EGAP insiste que as veces esa formación é moi especializada, como no recente curso sobre transportes da Consellaría de Medio Ambiente, no que había algunha solicitude de persoal alleo, e consideran que o temario é especializado dabondo para non ter intereses xeral. De todos os xeitos, desde a CIG insistimos de que se nos informe do número de persoas que fican fóra da totalidade dese tipo de cursos, por seren solicitudes fora do ámbito da consellaría para estudar de reclamar esa formación dentro do ámbito da propia EGAP.


Reclamación do persoal de xustiza para que se manteñan os cursos de portugués

A EGAP afirma que efectivamente houbo moita demanda da lingua portuguesa na Administración de Xustiza mais achega tamén a acta da comisión de formación da área de xustiza onde todos os sindicatos solicitaran suprimir esa formación e acrecentar a de inglés, de aí que este ano non se oferte.

Porén, alén diso,  desde a CIG-Autonómica reclamamos como solución provisional se acepte este persoal na oferta xenérica de Portugués da EGAP. Non aceptan solución.

Formación de linguas


Pídese que a formación nesta área, xa que hai moitas peticións que a CIG ten recibido como queixa, se considere un itinerario formativo e que na selección de cada nivel superior se teña en conta as persoas que no ano anterior fixeron a etapa anterior.

Manifesta a EGAP que iso o aceptan desde xa e que o van considerar un elemento determinante no proceso de selección.


Temarios e lingua

Aí o director segue erre que erre que os temarios ten que dispolos na lingua na que son feitos para ben das persoas destinatarias, independentemente de teren a versión en galego ou castelán. O problema é que entre as persoas que busca para facer os temarios (empregados públicos desta ou doutras Admnistracións) é estraño atopar alguén que llos faga directamente en galego e terminan facendo traducións que reducen a calidade do texto inicial ou mesmo que non son completas (coma o caso dos textos das imaxes do temario de legoeiros/as).

O que totalmente inadmisible é que a EGAP lle pague a empregados públicos para que elaboren os temarios, que deben estar dispoñibles en galego, e que os fagan só en castelán, debendo despois a EGAP pagar a tradución ao galego a empresas externas. Dado que os empregados públicos que traballan nas Administracións galegas teñen que acreditar un coñecemento suficiente da nosa lingua para acceder a estas (de outra maneira sería imposible materializar o dereito da cidadanía a dirixirse á Administración en galego), non valen a excusa de que descoñecen o idioma. Ou é que hai interese en darlle cartos a empresarios afíns para que fagan as traducións?

Neste tema a CIG manifesta a súa permanente queixa do incumprimento do mandato imperativo da Lei de normalización lingüística no seu artigo 24 e denuncia que no proceso normalizador da nosa lingua importa máis aparentar que facer.

Outros

Está en proceso de pronta solución o tema da validación dos diplomas de Política Linguísitica en varias accións formativas de linguaxe realizadas pola CIG. Quen teña algún problema con algún diploma que dirixa un correo electrónico a nosa conta.