Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...


Traslados e consolidación de laborais

A publicación da resolución do concurso do Grupo V esta prevista para a primeira quincena de maio. A toma de posesión da OPE 2005, teñen prevista facela entre o 25 maio e 15 de xuño.

O vindeiro luns, 30 de abril, publicarase no DOG o Concurso dos Grupos I-IV, esperando rematar o proceso a finais de ano. Aprazado ata o 4 de maio.

En canto á consolidación, agardan facelo a continuación de que remate o Concurso de Traslados I-IV e seguirán como fixeron co concurso, primeiro o grupo V e logo os demais grupos. E despois de rematar coa consolidación (faltan uns flecos por negociar para elaborar o Decreto que a regula) empezarán coa estabilización.


Modificación decreto de listas 37/2006

Están traballando na proposta, abordando na súa totalidade para realizar modificacións e axustes puntais dentro do propio Decreto. Tratarán de elaborar un calendario sobre o dito anteriormente. Con data 30 de abril a CIG solicita xuntanza co director xeral de Función Pública para tratar a modificación deste decreto.


Aplicación da lei 1/2012

A postura do director xeral foi incríbel pois no tema da compensación por domingos e festivos literalmente botoulle a culpa ás organizacións sindicais (OOSS). de deixar ao persoal laboral sen compensación económica por non querer negociar no seu día, iso si deixa a porta aberta a que sexamos as OOSS as que collamos e fagamos unha proposta ao respecto.

Preguntamos se os días 24 e 31 de decembro se van compensar. Responden que é materia de negociación e que pode incluírse dentro do borrador das instrucións de permisos e licenzas que acaban de entregar as OOSS.

Solicitamos a Función Pública que poña unha instrucións de aplicación da lei 1/2012, o que resposta que xa esta desenvolto na maior parte da lei e que non é preciso. Compre lembrar que ben está regulado (as novas carteleiras, redución de xornada, I.T., FAS, etc.). Informan que o punto 8 da lei esta pendente do Consello Consultivo: Réxime económico aplicable aos órganos de goberno ou dirección e ao persoal directivo das entidades do sector público autonómico


Unificación de criterios na xubilación de 64 anos

Aquí hai unha problemática que eles non negan: antes cando unha persoa se xubilaba aos 64 anos, contratábase a unha persoa en paro para desempeñar o mesmo posto que deixaba a persoa, agora poden coller e contratar esa persoa por contrato de relevo para outro posto. E deixa entrever que o van seguir facendo porque é legal, cousa que poñemos en cuestión


Aplicación dos servizos mínimos ante a ausencia de asistidos

Pedimos que inste á Secretaria Xeral de Traballo para que evite mandar instrucións onde faga interpretacións moi “sue generis” do Convenio, como poñerlle como ausencia masiva dos asistidos o 75%. Solicitamos unha instrucións xenéricas e comúns para tódalas Consellarías, e eles resposta que non pois non todas as consellarías idénticas. Insistimos nunhas instrucións xenéricas vinculantes para tódalas as consellarías, iso si tendo en conta a casuística de cada centro. Non están pola labor.


Actualizacion das vacantes nas diferentes Consellarías

Demandamos que se volva a poñer a V (Vacante) nas RPT pero eles din que non pois soen ser atrasadas no tempo e pode darlle atrancos diante dos xulgados e xa se empezou a retirar desde o 2003.

Solicitamos que se vaian poñendo ao dia das RPT, eles alegan que isto conleva unhas modificacións das rpt e que non pode ser. Insistimos que sexa unha actualización das rpt para saber realmente cales son os postos vacantes e cales non.


Pluses de postos codigo 0

Aquí solicitamios que as novas creacións que fai Educación, con código 0, se lles poña o plus de especial dedicación e penosidade para todas as coidadoras e interprete de signos. Falarán con Educación.


Criterio e publicidade das adscricións temporais

O criterio figura no V Convenio e a publicidade estase a realizar como agora.