Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...



No DOG de onte publícanse varias resolucións da Dirección Xeral de Función Pública emprazando aos interesados nos recursos contencioso-administrativos presentados pola Asociación Profesional de Letrados da Xunta de Galicia contra as Ordes polas que se convocan os procesos selectivos de consolidación de emprego dos distintos grupos profesionais, grupo A1, A2, C1, C2 e Agrupación de Funcionarios Subalternos.
 
A CIG denuncia a falta da ética máis elemental desta asociación de letrados -á que pertence o actual director da Función Pública- que en lugar de defender os intereses, as normas e demais resolucións que dita a Xunta de Galicia, se dedica precisamente a todo o contrario, a recorrer, a torpedear a actuación administrativa da Xunta de Galicia.

Como se pode entender e consentir que os letrados que teñen que defender a Xunta de Galicia, sexan os mesmos que recorran  unha Orde do Conselleiro de Presidencia e Administracións Públicas. Como se pode entender que os letrados que agora teñen que defender a Xunta de Galicia nos tribunais de xustiza sexan os mesmos que a través da Asociación recorreron as propias ordes da Xunta de Galicia?. Dende logo é dificil de entender.

Pero o máis lamentabel é que a última hora de onte nos comunica o Director Xeral da Función Pública que esta asociación desestiu da presentación do recurso. Desestiu? Pero non presentaban un recurso por un acto que eles entedía non se axustaba a Lei por parte da Xunta de Galiza?
 
Despois de estas novas de última hora, novas que non están confirmadas pero que ao ser anunciadas polo Director Xeral da Función Pública dende a C.I.G.-Autonómica lle damos toda a validez, denunciamos a esta asociación de “letrados” que non utiliza os recursos contencioso-administrativos para defender a legalidade, senón para defender os seus intereses espúreos, os seus intereses económicos. Persigue con estes recursos unicamente presionar á Xunta de Galicia para que lle mellore as retribucións aos seus socios, aos letrados, a conta precisamente duns pobres opositores que o único que perseguen e conquerir un posto de traballo. ¿Por qué non recorreron as convocatorias de temporais que se fixeron no seu día, auténticos chanchullos?, ¿Por qué  non recorreron no seu día as asistencias técnicas, que todos sabiamos que se utilizaban para colocar aos seus amigos?. Daquela estiveron calados, daquela nin muu. Ou é que co cambio de goberno xa son legais as oposicións?
 
Consideramos totalmente desacertado e dificil de explicar como un membro dunha asociación de letrados tan pouco leal coa Administración da Xunta de Galicia, é nomeado precisamente como director da Función Pública. ¿Que vai defender agora, as convocatorias publicadas no seu día no Diario Oficial de Galicia ou os recursos presentados pola súa asociación de letrados?, ainda que neste momento se desistira demostrando ainda unha menor lealdade, dende o noso punto de vista, xa que o Letrados da Xunta de Galiza non están ao servizo de ningunha cor política. O Presidente da Xunta,  A Conselleira de Facenda e Función Pública, o propio Director Xeral deben aclarar isto urxentemente.