Outras informacións e conflitos xerais

Informa o director xeral de Función Pública: 

- RPT: antes de 15 días enviarán ás OOSS a proposta de RPT na que se contemplarán 1734 prazas. Provisión das prazas de dirección nas E.I e CAPMD cun sistema parecido ao da consellería de educación (¿?). Todos os postos serán a xornada completa. Incluirán postos itinerantes que serán a tempo completo nun centro e/ou tempo dividido entre varios centros (negociarán limites xeográficos e o seu alcance). Os postos en RPT sairán como persoal laboral, e despois serán convertidos a postos de funcionarios/as conforme aos procesos selectivos. Informa de que están valorando como encaixar na RPT, aqueles postos cubertos por persoal de apoio sen a titulación requirida para o mesmo.

- Listaxes de contratación: o mes de marzo abriranse as listaxes da Xunta para anotarse nas categorías de PSX e xerocultoras/es; o resto de categorías irán progresivamente, dependendo dos medios técnicos e humanos dos que dispoñan (problemas cos avisos por sms). Valorarase o tempo traballado no consorcio igual que na Xunta.

A Consellaría de Sanidade da Xunta organizou unha xornada na Coruña o día 14 de febreiro coa finalidade de promocionar a dous dos candidatos do PP a alcaldías de grandes cidades: Beatriz Mato, antiga conselleira de Política Social e candidata do Partido Popular á alcaldía da Coruña e Jesús Vázquez, antigo conselleiro de “Cultura”, actual alcalde de Ourense e candidato do PP á alcaldía desa cidade.

A organización de actos coa única finalidade de dar visibilidade aos candidatos a alcaldías feitos desde a Administración é unha vulneración de calquera tipo de ética, desde a cristiana á agnóstica. A coorganización polo Cluster da Saúde de Galicia, outro chiringuito creado polo PP e presidido por Rocío Mosquera, exconselleira de sanidade, completa coa Fundación Barrié os organizadores do evento.

Unha mostra máis de como desde o Partido Popular se utilizan as institucións co orzamento que sae do diñeiro de todas e de todos nós para intereses exclusivamente partidistas.

Vindeiras asambleas informativas do Acordo de Concertación do Emprego Público de Galiza:

Burela
- Martes 19/02/19, ás 12:30 h, na casa sindical da CIG.
- Martes 19/02/19, ás 14:30 h, na Residencia de Maiores.

O Barco de Valdeorras
- Martes 19/02/19, ás 13:00 h, no salón de actos da Casa Grande de Viloira

Vigo
- Mércores 20/02/19, ás 12:30 h, na sala de actos da Residencia Asistida do Meixoeiro.

Sarria
- Mércores 20/02/19, ás 14:30, no CAPDP

Coruña
- Mércores 20/02/19, ás 13:30 h, no salón de actos do edificio de Monelos
- Mércores 20/02/19, ás 18:00 h, no 8º andar do edificio sindical, Avda. Alfonso Molina s/n detras da SEAT.

Celanova
- Mércores 20/02/19, ás 10:00 h, OAC

Bande
- Mércores 20/02/19, ás 13:00 h, Distrito

Carballo
- Xoves 21/02/19, ás 13:45 h, no edificio do Forum de Carballo

Seguimos coas asambleas informativas do Acordo de Concertación do Emprego Público de Galiza:

Verín
- Martes 12/02/19, ás 13:00 h, na sala do distrito forestal.

Pontevedra
- Martes 12/02/19, ás 8:15 h, no Parque de maquinaria da AXI Pontevedra

Ourense
- Mércores 13/02/19, ás 14:00 h, na Oficina de Emprego do Posio

Lugo
- Mércores 13/02/19, ás 17:00 h, no Salón de actos da casa sindical, planta baixa, Ronda da Muralla, 58.

Monforte
- Mércores 13;02/19, ás 10:00 h, na Casa sindical, CIG-Monforte, R/ Roberto Baamonde, 29

Se che interesa, pomos a túa disposición un boletín informativo. Descargar.

Continuamos coas asambleas por diversas localidades e centros de traballo, para informar sobre o Acordo de Concertación do Emprego Público de Galiza. As seguintes asambleas programadas son as seguintes:

Mabegondo (A Coruña)
- Martes 5/2/19, ás 11 h, no CIAM

Pontevedra
- Mércores 6/2/19, ás 14:00 h, no salón de conferencias do Edif. Administrativo.

Lugo
- Xoves 7/2/19, ás 14:00 h, no Edificio Administrativo.

Ferrol
- Xoves 7/2/19, ás 13:00 h, no Edificio Administrativo.

No DOG do luns 28/01/2019 publican a Orde pola que se publica o Acordo de concertación do emprego público de Galiza, asinado entre Goberno de Feijoo, CCOO e UGT.

En relación a este acordo, anunciamos as seguintes asambleas programadas pola CIG-Autonómica:

Vigo
- Martes 29/1/19, ás 8:15, no Edificio Admtivo. Vigo. Dirixido ao persoal laboral.
- Mércores 30/1/19, ás 8:15, no Edificio Admtivo.Vigo. Dirixido ao persoal funcionario.
- Xoves 31/1/19, ás 10:00, en ISSGA de Rande. Falaremos tamén da súa RPT.
- Venres 1/2/19, ás 14:00, no Sergas (R/ García Barbón).

Compostela
- Xoves 31/1/19, ás 9:30, no salón de actos de Sanidade, en San Lázaro.
- Xoves 31/1/19, ás 13:30, no salón 2 de San Caetano.

Ourense
- Xoves 31/1/19, ás 11:00, no Salón de actos do Edificio Administrativo de Ourense.

Coruña
- Martes 29 de xaneiro, ás 10:30, no Laboratorio de Medio Ambiente da Coruña.

As liñas fundamentais serían o carácter universal, incluíndo a todas as persoas empregadas públicas no sistema extraordinario, e a redución dos períodos para cobrar o 100% en dous anos nos graos I e II como no SERGAS.

Para isto a CIG presentou un escrito este xoves día 24 solicitando que se convoque a Mesa Xeral de Negociación, xa que o acordo foi votado na Comisión de Persoal e posteriormente foron alterados os contidos ás agachadas, tendo como resultado que o que se asinou non é o que se votou, e que isto privou á CIG do dereito de negociación.

De aí que solicitemos que se devolva o texto a esa Mesa co fin de mellorar o acordo, para o que propoñemos que teñan en conta os seguintes puntos:

  1. Rematar coa discrimación das persoas dos grupos A1 e A2 de funcionarios/as e I e II de persoal laboral cambiando a periodización do sistema extraordinario de carreira profesional. Non é comprensible que haxa que agardar 3 anos para cobrar as cantidades íntegras do grao I e 4 máis para o grao II. A nosa proposta é de 2 anos para cada grao igual que no SERGAS.
  2. Acotar o período para cobrar integramente o grao II dos grupos B, C1, C2 e AP de funcionarios e III, IV e V de persoal laboral a 2 anos, en vez dos 3 que actualmente son, tamén tomando como referencia a carreira profesional do SERGAS.
  3. Aumentar as contías de xeito que non se incremente a brecha salarial entre grupos
  4. Incluir ao persoal interino, temporal, indefinido e ás escalas excluídas da Lei 17 no sistema excepcional e transitorio para os graos I e II, sen que teñan que esperar ata o sexto ano para cobrar, sempre e cando teñan prestados servizos de igual xeito que o persoal funcionario de carreira e laboral fixo.
  5. Non condicionar ao persoal laboral fixo a acollerse á carreira profesional só no caso de funcionarizarse.
  6. Integrar ao persoal laboral de categorías que non son funcionarizables no sistema de carreira profesional, tanto no sistema ordinario como no extraordinario.

Baixo estas premisas a CIG está disposta a renegociar o sistema de carreira profesional, sempre e cando se segregue este acordo do de concertación social e sempre que se corrixan as discriminacións establecidas no acordo actual.

A CIG insta a incluír o dereito  na normativa sobre pensións e nos Presupostos Xerais do Estado

As seccións sindicais da CIG das cinco Xuntas de Persoal funcionario da Xunta de Galiza instamos a presentación dun escrito dirixido ao Presidente do Consello Xeral da Seguridade Social –que foi aprobado polas Xuntas de Persoal- a través do que demandamos o recoñecemento do dereito á xubilación parcial para todas e todos os empregados públicos.

A CIG-Autonómica convoca a todo o persoal da Xunta (funcionario e laboral) en Ourense a unha asemblea informativa na que trataremos as consecuencias do "Acordo de concertación" asinado pola xunta, CCOO e UXT:

   Xoves 31 de xaneiro de 2019, ás 11:00, no salón de actos do edificio administrativo de Ourense (Avd. Habana, nº 79).

O día 15 de xaneiro de 2019 a Xunta de Galiza e as organizacións sindicais CCOO e UGT asinaron o Acordo de concertación do emprego público. Este acordo, negociado dentro do ámbito da Mesa Xeral de negociación dos empregados/as públicos/as foi rexeitado polos sindicatos CIG e CSIF, que ostentan a maioría absoluta nesa mesa e nas cinco Xuntas de Persoal funcionario, que representan ao redor de 10.000 funcionarios/as da Xunta de Galiza.

A Xunta de persoal funcionario de Servizos Centrais rexeitou o acordo este mércores. O xoves día 17 as de Coruña, Lugo e Pontevedra tamén o rexeitaron. O venres sumouse a de Ourense a este rexeitamento.

Os motivos que levaron ás cinco Xuntas de Persoal a rexeitar o sistema de carreira profesional recollido neste acordo son os expostos nos seus comunicados:

 

COMUNICADO DAS XUNTAS DE PERSOAL SOBRE O ACORDO DA CARREIRA PROFESIONAL

Á vista do Acordo de concertación do emprego público asinado o día 15 de xaneiro de 2019 entre a Consellería de Facenda e as organización sindicais CC.OO e UGT, esta Xunta de Persoal, debe rexeitar de modo rotundo o sistema de carreira profesional contido no mesmo, en base aos seguintes razoamentos:

  1. Porque este sistema de carreira profesional supón un agravio comparativo e unha discriminación co persoal doutras Administracións Públicas, non só doutras Comunidades Autónomas, senón incluso dentro da propia Comunidade Galega, como é o caso do Parlamento de Galicia, que está a punto de ser aprobado.
  2. Porque este sistema de carreira profesional supón un agravio comparativo e unha discriminación con respecto ao persoal de administración e servizos do SERGAS, que sendo un organismos autónomo da Xunta de Galiza, desenvolve unha carreira profesional onde o seu persoal pode acceder de xeito extraordinario a dous dos graos nun período de tempo menor que o persoal da Xunta de Galiza, o que significa unha diferenza salarial notable que non ten razón de ser.
  3. Porque este sistema de carreira profesional, establece limitacións respecto ao persoal temporal e interino ao impedirlles acceder ao encandramento extraordinario, consagrando así unha discriminación por razón da temporalidade no emprego contraria as Directivas Europeas de Igualdade no Traballo.
  4. Porque, se todo esto non abondase, este sistema de carreira profesional establece unhas discriminacións intolerables entre os propios funcionarios de carreira da Xunta ao establecer por unha banda períodos de cobro mais perxudiciais aos Subgrupos A1 e A2, que tardarían en cobrar o grado III tres anos máis, e establecer tamén respecto ás contías unhas diferenzas inxustificables entres os diferentes subgrupos, neste caso perxudicando aos Subgrupos C1, C2, e AP, afondando a brecha salarial.

Por todo isto, ante o desprezo continuado que o actual Goberno galego, profesa aos empregados públicos da Administración Xeral, e reclamando unha verdadeira carreira profesional, xusta nos seus emolumentos, equilibrada no seu reparto, integradora en canto ao persoal que afecte e progresiva no recoñecemento da antigüidade do persoal público, non podemos permanecer silentes e rexeitamos de modo contundente o sistema de carreira profesional contido no Acordo de concertación de emprego público asinado por CCOO e UGT coa Xunta de Galiza.