Máis que CIG-Autonómica

Convoca protestas en todo o país este xoves para reclamar unhas prestacións dignas

A CIG decidiu intensificar a campaña que está a desenvolver en defensa das pensións ante o grave perigo que corre o sistema público como consecuencia da ofensiva do Goberno español do PP e da gran banca para promover os plans de pensións privados. O colectivo de Xubilados/as e Pensionistas convoca unha ducia de mobilizacións nas sete cidades e en varias vilas do país este xoves día 15 de marzo.

A central, que promove estas protestas no marco da campaña para reclamar emprego, salarios e pensións dignas, decidiu convocar manifestacións e concentracións nas sete cidades galegas e nas localidades de Lalín, As Pontes, Boiro, Cee e Burela en horarios que van dende as 11:00 até as 19:30 horas. No centro das reivindicacións, evitar o “roubo” das pensións públicas, garantir o nivel adquisitivo das prestacións e derrogar as últimas reformas aprobadas por PSOE e PP.

A CIG convoca manifestacións en Ferrol e Vigo co gallo do Día da Clase Obreira Galega

O próximo 10 de Marzo, Día da Clase Obreira Galega, a CIG mobilizarase pola recuperación dos nosos dereitos laborais e sociais e contra a precariedade e a pobreza. Nesta data reivindicativa, a central sindical chama a participar nas manifestacións que ten convocadas en Ferrol e Vigo para combater e derrotar todas as contrarreformas que nos impuxeron e para esixir emprego, salarios e unhas pensións dignas.

Mobilizacións do 10 de Marzo, Día da Clase Obreira Galega

- Ferrol, ás 12:00 horas manifestación dende o local do sindicato (Avenida do Esteiro) até o monumento ao 10 de Marzo, onde se realizará a tradicional ofrenda floral.

- Vigo, ás 12:00 horas manifestación dende o cruce da Dobrada.

Medra a precariedade e a pobreza laboral

"As galegas estamos situando Galiza no mapa mundial do Paro Internacional de Mulleres"

Mulleres traballadoras da administración, da sanidade, do ensino, do comercio, da industria, dos centros de chamadas, do téxtil, do mar, das conserveiras,... mais tamén as xubiladas, as estudantes, as desempregadas, as mulleres que traballan arreo pero non teñen unha remuneración; miles de galegas están a secundar os paros laborais e as mobilizacións convocadas pola CIG neste 8 de Marzo ao longo de todo o país, demostrando que se as mulleres paran, o mundo para.

Mobilizacións da provincia de Pontevedra

"As galegas estamos demostrando a nosa capacidade de mobilización, a través da que somos quen de situar Galiza no mapa mundial do Paro Internacional de Mulleres e participar activamente nunha xornada histórica, revolucionaria, que marca un punto de inflexión na conmemoración do 8 de Marzo e en como temos que concibir a celebración desta data".

 

Convocan mobilizacións en A Coruña, Lugo, Ourense, Pontevedra, Vigo, Ferrol, Compostela e Vilagarcía

O colectivo de xubilados/as e pensionistas da CIG convoca para o vindeiro martes, día 27 de febreiro, concentracións en Vigo, Lugo, Compostela, A Coruña, Pontevedra, Ferrol, Vilagarcía, A Estrada e Ourense en defensa do sistema público de pensións, en demanda de que se garanta o seu poder adquisitivo e para exixir que as mínimas sexan iguais ao Salario Mínimo Interprofesional.

MOBILIZACIÓNS

VIGO: 18:00 h na Dobrada

LUGO: 19:00 h na Praza maior

PONTEVEDRA: 11:30 H NA Praza da Peregrina

VILAGARCÍA: 11:30 h na Rúa Castela (edificio sindical)

FERROL: 12:00 h (edif Xunta)

A CORUÑA: 11:30 h no Obelisco

OURENSE: 11:30 h n C. Municipal Anxel Valente (antigo Banco de España)

COMPOSTELA: 11:00 h na Praza do Toural

A ESTRADA: 11:30 h na Praza do Mercado

Manifestación, xoves 22 de febreiro, ás 18:30 desde Vía Norte (Vigo)

Diante da continuada negativa do Partido Popular a indultar dous traballadores inocentes, temos que redobrar esforzos para exixir que se faga xustiza. Véñense de cumprir catro anos de espera por un indulto reclamado por un clamor unánime a nivel social e institucional, e que pode evitar que os compañeiros Carlos e Serafín ingresen en prisión por causa de participar dunha folga.

Con tal fin está convocada para este xoves 22 unha grande manifestación en Vigo para reclamar o indulto para os compañeiros Carlos Rivas e Serafín Rodríguez. Ás 18:30h desde Vía Norte. Acompáñase cartel.

Porque Carlos e Serafín somos todos, somos todas. Porque defender a clase traballadora non poder ser delito. INDULTO XA!

Os sindicatos convocantes manteñen as mobilizacións previstas para os vindeiros días

A xuntanza celebrada este luns 12 entre o comité de folga de xustiza e os directores e subdirectores de Función Pública e Xustiza rematou sen acordo. Continúa así a folga indefinida e mantéñense as mobilizacións convocadas para os vindeiros días, nomeadamente as manifestacións que están previstas para o vindeiro xoves nas distintas cidades galegas, e as asembleas nas que o comité de folga explicará en que consistiu a xuntanza.

Segundo explica o representante da CIG no comité de folga, os representantes da administración preferían centrar na cuestión económica o debate e ofreceron unha suba duns 15 euros por corpo respecto da proposta que presentaran con anterioridade. Deste xeito agora a proposta da Xunta sería dun incremento de 90€ para Xestión; de 76€ para tramitación e de 68€ para auxilio.

Ademais reducirían as tres anualidades a dúas aplicando o 50% dese incremento para 2019 e o 50% restante para 2020, unha diferenza tamén respecto da proposta anterior xa que do outro xeito a suba completaríase en 2021.

Fronte a isto, a proposta sindical foi de incrementos de 100€ para 2018, que aceptarían que se atrasaran até marzo, cando a administración conta con que estean aprobados os orzamentos xerais do Estado, desaparecendo así a restrición de incremento retributivo para 2018.

O resto das subas serían de 75€ para 2019 e de 50€ para 2020, acadando un incremento total de 225 euros.

Negociación global, non só económica

Con todo, para as/os representantes do comité de folga os temas a abordar terían que ir máis alá da cuestión económica, temas que foron presentado punto por punto, limando asperezas na cuestión das amortizacións das 106 prazas previstas e no tema das 36 prazas de consolidación, posteriormente abordouse a cuestión as amortizacións e finalmente chegouse ao das baixas por incapacidade temporal. Un punto no que “a negativa da administración foi rotunda”, afirma o representante da CIG que explica que “consideraron que a distancia aínda era moita”.

Con todo, os representantes de Función Pública e Xustiza da Xunta de Galiza comprometéronse a volver convocar unha nova xuntanza esta mesma semana para seguir avanzando na negociación, polo que se manteñen as mobilizacións previstas, incluídas as manifestacións que previsibelmente se celebrarán o xoves ás 12:00 horas en todas as cidades galegas. Ademais entre este martes e o mércores, onde non sexa festivo, están convocadas asembleas para expor a todo o persoal do sector o falado na xuntanza.

O vindeiro sábado, 17 de Maio, a Plataforma Queremos Galego, da que a CIG forma parte, fai un chamamento a multiplicar por oito a defensa da nosa lingua, participando nalgunha das mobilizacións expansivas que se van realizar nas sete cidade e en Foz, baixo o lema “Un paso adiante, e outro ADIANTE, Galiza! Defendamos o noso idioma”.

Os actos desenvolveranse ás 12:00 horas nos seguintes lugares:
 
- A Coruña: A carón do Teatro Rosalía de Castro (confluencia das rúas Real e Rego de Auga)
- Ferrol: Praza de Armas.
- Santiago: Porta Faxeira.
- Pontevedra: Praza da Peregrina.
- Vigo: Manifestación con saída de Vía Norte.
- Ourense: Alameda (diante da estatua de Eduardo Blanco Amor).
- Lugo: Xardíns de San Roque (diante da estatua de Xoán Montes).
- Foz: Praza do Conde de Fontao.
O venres, 2 de maio, ás 20 horas, na Coruña, Ourense, Ferrol, Vigo e Compostela
 
Cinco galegas mortas en apenas catro meses. Dúas delas en menos dunha semana. A última asasinada na madrugada deste mércores na Coruña. Non podemos ficar impasíbeis ante esta situación, por iso, a CIG fai un chamamento a participar activamente nos actos convocados para amosar a repulsa ante o terrorismo machista.

A CIG fai un chamamento a toda a sociedade galega a participar nas concentracións en rexeitamento á violencia machista, convocadas polo movemento feminista tras do asasinato este xoves de María Elena Rodríguez Quiroga, en Foz.

Dende a CIG manifestamos o rexeitamento a todas as estruturas e valores patriarcais que perpetúan e consolidan na sociedade esta violencia sexista, instamos aos poderes públicos a combatela de xeito prioritario e integral, recuperando o seu carácter prioritario, dotando de orzamentos suficientes as políticas de igualdade, xunto con programas de prevención e actuación. Comezando tamén por unha política educativa desde idades temperás que permita erradicar comportamentos discriminatorios, de xeito que sexamos quen de acadar unha Sociedade libre de violencia.

Por todo isto, a CIG chama a manifestarse coa cidadanía e non xunto cos políticos responsábeis deste tipo de recortes que provocan a marcha atrás que esta Sociedade está a sofrer con respecto aos dereitos das mulleres. Chamamos a manifestarse tamén por outro tipo de dereitos fundamentais das mulleres, que é o dereito ao aborto, cercenado e vilipendiado polos mesmos que se van facer a foto hoxe en San Caetano e nas delegacións provinciais da Xunta de Galiza.

As concentracións que hoxe se van desenvolver no noso país (en Vigo e Ferrol xa se celebraron o pasado sábado) son:

Ante a insistencia da Xunta solicitando das organizacións sindicais que remitan as posíbeis alegacións, a CIG reitera o absoluto rexeitamento ao “Código ético institucional” promovido polo Goberno galego e demanda do PP que aplique este mesmo baremo aos seus cargos políticos implicados/as en casos de corrupción; cargos aos/ás que até o momento non esixiu responsabilidades. A CIG solicita, unha vez máis, a retirada inmediata deste borrador.