Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...


A Administración nos da conta dos problemas detectados e das medidas correctoras adoptadas, así como dos problemas que aínda persisten.

Sensores de luz

Foron movidos cara ao interior xa que recibían moita intensidade lumínica e polo tanto as luces non se encendían cando era necesario.

Aire acondicionado

Modificouse o sistema e agora funciona de forma automática mellorando as condicións de temperatura e humidade para que se encontren dentro dos límites (17ºC-27ºC). Nesta época a temperatura mínima subiuse a 22º.

O ruído producido polo sistema de aire acondicionado débese ao peche dos conductos por parte do persoal polo que este sae con máis presión por onde están abertos. Vaise mandar un correo a cada traballador para ver os problemas posto por posto.

Control da entrada da luz solar e temperatura

Estudouse na zona sur cambiar os estores por outros máis opacos.

Risco de aplastamento e tropezos nos arquivadores compactos

Estes arquivadores non seguen pechando si atopan con algún obstáculo polo que non existe risco de aplastamento.

Mobiliario de oficina mal colocado

En moitos postos non hai soporte para as CPU e moitos postos están lonxe de enchufes e se atopan cables soltos Isto débese a que as mesas non están colocadas de acordo coas caixas dos enchufes.

Cadeiras con respaldos curtas para persoas de tronco longo

As cadeiras cumpren coa lexislación e dispoñen dun mecanismo para elevar o respaldo.

Colocación de carteis dos extintores, mecanismos de alerta, etc..

Todo o edificio dispón de carteis que cumpren coa normativa. Nalgunhas plantas hai extintores que foron movidos polo persoal.

Falta de colocación de aspersores no teito

Pola tipoloxía e deseño do edificio solo os aspersores de gas argon están nos arquivos. Alarma e peche de portas antes de soltar o gas.

Sinalización das saídas de emerxencia e plan de emerxencias e evacuación

O edificio está correctamente sinalizado de acordo coa normativa vixente.

Correntes de aire producidas polas escaleiras

Esta incidencia so se reduciría se todo o persoal colabora en pechar as portas das escaleiras

Chan esvaradío na entrada principal

O chan está tratado para evitar os esvarón. De todos os xeitos polo volume de xente que entra no edificio e posible que no chan se formen pequenos charcos. Para minimizalo se vai colocar algún tipo de tecido que absorba a auga e evite as caídas.

Condicións do semisoto.

Existe un sistema de climatización que renova o aire e introduce calor ou frío segundo se necesite. As correntes de aire se poden reducir si se manteñen as portas pechadas.

Mala climatización das zonas interiores nas plantas 1ª e 2ª

Estas son zonas que non reciben luz nin dende a zona norte nin na do sur polo que son máis sombrías. No caso da 1ª planta, o sistema de aire está regulado de maneira que solte máis claro do establecido por lei. Na 2º esta climatizada de acordo coa zona norte .

Falta de soportes para as CPU, atriles, repousapés, etc.. no rexistro.

Estase a dotar a todas as mesas de soportes para as CPU naqueles postos no que o traballador o      quere e de canalización dos cables. Isto aínda está en marcha. Todos os traballadores que non chegan cos pes o chan dispoñen de repousapés.

No caso dos atriles non dispoñen todos dos mesmos e pola actividade que fan e recomendable que dispoñan deles.

Protocolos específicos de actuación en caso de accidente ou emerxencia no Laboratorio de Saúde Pública

Os traballadores teñen a disposición as “Fichas de datos de seguridade” dos productos que utilizan nos que se especifica que facer en caso de contacto accidental con eles, derrame, intoxicación, etc.

O documento de Medidas de Emerxencia do edificio tamén contempla o Laboratorio de Saúde Pública.

TELÉFONO DE EMERXENCIA

Vaise crear un teléfono de emerxencia: 775.


PLAN DE AVALIACIÓN DE RISCOS

A próxima semana entregarán o plan de avaliación de riscos.


SIMULACRO DE EVACUACIÓN

En xaneiro porase en marcha un simulacro global de evacuación do edificio. Estanse formado grupos de acción e se van dar charlas informativas a todos os funcionarios. Tamén haberá xuntanzas cos medios externos (bombeiros, protección civil, etc..)