Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...


Lembramos ademais que logo do acontecido cos lumes de outubro do ano pasado, que supuxeron un aumento da carga de traballo e tamén un aumento do período de alto risco de incendios polas condicións climatolóxicas cada vez máis duras, “agora pretenden incrementar a carga horaria e recortar dereitos en materia de permisos e licenzas e compensacións, en vez do aumento do cadro de persoal, que leva minguando dende comezos dos 90 e onde nos últimos anos co amparo da crise se multiplicaron as amortizacións ata chegar a apenas a 500 funcionarios e funcionarias”.

Logo de varios intentos de negociación, o Director Xeral de Función Pública, como interlocutor por parte da Xunta, non tivo en conta ningunha das propostas aportadas polas organizacións sindicais e, especificamente por CIG e UGT, co fin de mellorar as condicións de traballo e de funcionamento do servizo público.

Entre as demandas salientamos:

  • A redución dos excesos horarios anuais e tamén das quendas de 12 horas e da posibilidade actual de aumento ordinario de 4 horas mais por quenda.
  • A ampliación do cadro de persoal e cobertura das vacantes, baixas e vacacións.
  • A segunda actividade en servizo activo, importante nun colectivo de traballadores onde o 50% supera os 50 anos e unha terceira parte os 55, con tarefas de especial tensión e responsabilidade e esixencia física e perante condicións climáticas e rangos de temperatura extremos.
  • Instar ao estudo dos coeficientes redutores para anticipar a idade de xubilación, ao recoñecemento das enfermidades profesionais e a protección da seguridade e saúde coa minimización dos riscos e a aplicación dos plans de acción preventivos.
  • Unha suba de niveis (están situados no mínimo do grupo) e un coeficiente específico que retribúa o traballo a quendas, a penosidade, a toxicidade, a nocturnidade e a especial responsabilidade.

Este persoal traballa na coordinación e dirección técnica da extinción dos incendios forestais da Galicia e na xestión e control do patrimonio forestal, pero ten tamén como función prioritaria a custodia e control das especies en perigo e dos espazos naturais protexidos, control xeral de delitos e emerxencias ambientais, control e xestión cinexética e piscícola e incluso de pragas e especies invasoras como a vespa velutina.

Para atender estas cuestións traballan en horarios continuos e rotativos de 00 a 24h, de traballo efectivo no monte e, na maioría dos casos en solitario.

Porén, na última xuntanza mantida coas organizacións sindicais representadas na mesa sectorial de funcionarios, o pasado 13 de xullo, parece que dende a Dirección Xeral de Función Pública acéptase unha suba de niveis progresiva, pero sen garantía orzamentaria, a cambio da modificación do marco actual de traballo, na que se empeoran as condicións laborais de xeito fragrante e se divide ao persoal en válidos e non válidos para a extinción de incendios, primando o complemento de produtividade sobre a estabilidade salarial.

Estes recortes de dereitos xa comezaron a aplicalos de xeito “unilateral e inxusto” neste último ano, como o desleixo das vacacións e outros permisos e licencias que quedarían definitivamente agora, segundo recollen no borrador coa palabra "modulados".

Cobro de produtividade

Establecen diferenzas entre funcionarios dunha consellería a outra creando un servizo “de primeira” con cobro de produtividades e outro de segunda, e con dous sistemas de carteleira que se poden activar e desactivar ao antoxo das xefaturas con apenas 48h de antelación que dificultan calquera organización da vida persoal.

O “de segunda” é o caso do Servizo de Conservación da Natureza onde non se garante un período de gardas para a cobertura horaria e do servizo publico, onde se amortizan prazas de seguido e nin sequera se cobren as vacantes xeradas nestes anos, a pesar de que iso é posible ao estar contemplados na Lei de emerxencias de Galicia que os exclúe das taxas de reposición planeadas na Lei de medidas de 2012.

Mobilidade funcional obrigatoria

Articúlase tamén unha “mobilidade funcional” obrigatoria para este persoal que debe pasar a cubrir as carencias da Consellería de Medio Rural na extinción de lumes coa instrución de dobre carga mantendo incluso as súas funcións habituais o que é imposible de executar e poder cumprir os tempos de reacción na chegada a un incendio forestal ou de interface.

Este desprezo cara o persoal que traballa na area de conservación do medio é especialmente visible no planeamento dos servizos mínimos que xunto co plasmado na proposta de acordo de condicións de traballo supoñen unha proba definitiva da intención do desmantelando deste servizo público, de competencia exclusiva da comunidade galega, ao tempo que se veñen a reforzar os corpos e forzas de seguridade do estado Español no control do medio ambiente.

Lonxe de propor cuestións serias e artellar unha estrutura de servizo publico con visión de futuro neste país onde se teña en conta a todo o persoal que traballa na extinción de incendios e na protección do medio ambiente, incluídos bombeiros forestais e persoal técnico, co fin de dar resposta temperá a actuación perante os incendios e outras emerxencias ambientais, o que fai a Xunta de Galiza é tratar de impor aos axentes ambientais e forestais un profundo recorte dos dereitos plasmados na LEPG e no EBEP, e mesmo planea eliminar ou “retraer” compensacións por quendas e o salario percibido polo traballo en período extraordinario de gardas.

Denuncia no xulgado dos abusivos servizos mínimos

Tras da convocatoria de varias mobilizacións en Santiago de Compostela e tres documentos de achegas presentados e tras celebrar asemblea de traballadores, CIG e UGT convocaron estas xornadas de folga para os días 25 e 26 en tódalas quendas e folga indefinida a partires do 1 de agosto.

Diante da imposición por parte do Goberno Galego duns servizos mínimos “desmobilizadores e torticeiros” presentamos na mañá do xoves 26 denuncia perante o xulgado porque consideramos que son abusivos no caso da Consellería de Medio Rural (servizo de incendios) onde acadan o 100%, e ridículos, pois dividen as parellas de servizo con risco para a seguridade persoal, na Consellería de Medio Ambiente e Ordenación do Territorio, onde apenas chegan ao 20%.

Entendemos que o que se busca é a división destes profesionais tentando ademais dificultar o dereito de folga. Lembramos que, porén, desde o día 14 de xullo o Comité de Folga non recibiu ningunha proposta de xuntanza.

Por iso denunciamos a “mala fe negociadora que emprega un xefe de servizo de persoal convocando a todas as Organizacións Sindicais a unha reunión para tratar as quendas, cando iso é materia de negociación do comité de folga cos interlocutores validados legalmente”.

Apoio social

Diante desta situación solicitamos o apoio social e político de Galiza aos/ás axentes ambientais e forestais da Xunta de Galicia “nun exercicio activo na defensa dos servizos profesionais e na defensa do noso patrimonio forestal, natural e cultural”.

Agardamos sumar así forzas de cara a conseguir unhas condicións de traballo dignas para estes empregados públicos e para o mantemento deste servizo esencial que garanta un medio ambiente adecuado e saudable a toda a cidadanía.