Inicio
CIG-Autonomica
  • 20120621.cadea_humana.san_caetano_6.jpg
  • 20120511.gaias.15.jpg
  • 20120511.gaias.3.jpg
  • 20120209.san_caetano.delegados.5.jpg
  • 20120501.Compostela.4.jpg
Luns, 19 Agosto 2019

Deixen de empregar os servizos públicos "para chantaxes políticas"

Esiximos que se garanta o pago de soldos e carreira profesional a todo o persoal da Xunta

Ante as declaracións do conselleiro de Facenda nas que alertaba de supostas dificultades para afrontar o pago dos salarios persoal da administración xeral da Xunta derivadas da débeda estatal con Galiza, dende o sector de Autonómica da CIG-Administración instámolo a non empregar os servizos públicos nin ao seu persoal “para chantaxes políticas”, ao tempo que esiximos que se garanta o pago de todos ...


Mércores, 14 Agosto 2019

A CIG denuncia o empeoramento do material e vehículos do servicio de incendios e pide dimisións

A CIG vén de rexistrar escrito perante a Secretaría Xeral Técnica de Medio Rural esixindo documentación da contrata con TRAGSA referente aos materiais e vehículos das novas brigadas do Servizo de Prevención contra Incendios Forestais (SPIF).

Logo da recente incorporación do persoal de brigadas no SPIF, de nova contratación, coñecemos algúns datos unha vez os tivemos diante dos nosos ollos, diante da total opacidade e descontrol en todos os eidos que nos brindou a Consellería do Medio Rural ...


Luns, 12 Agosto 2019

A Xunta resposta á presión é abre unha mesa de negociación para o persoal técnicos dos distritos

A Xunta resposta á presión e abre unha mesa de negociación de traballo do persoal técnico dos distritros forestais sen Función Pública. A Consellería de Medio Rural convocou cos representantes sindicais o venres 9 de agosto de 2019 á Mesa de negociación demandada dende maio de 2018 e logo de varias mobilizacións do persoal.

As organizacións sindicais levamos á mesa as demandas dos enxeñeiros técnicos forestais e enxeñeiros de montes, que traballan na coordinación e xestión forestas e das ...


Xoves, 08 Agosto 2019

A Dirección Xeral de Patrimonio Cultural, campeona mundial da externalización

Segue e segue coas encomendas de xestión a Tragsatec do traballo técnico de arqueoloxía

Está claro que na Consellería de Cultura non queren ao persoal funcionario, non valoran o traballo dos técnicos e incluso non cumplen as leis de patrimonio nin de protección de datos. Xa é a terceira vez que asinan unha encomenda de xestión coa empresa Tragsatec, e a terceira vez que a CIG o denuncia.

O pasado luns día 15 publicaban no DOG a nova encomenda para o segundo semestre do ano, por valor de ...


Mércores, 07 Agosto 2019

A CIG denuncia a falta de medios humanos no operativo de alto risco de incendios forestais da Xunta

O plan de Prevención e Defensa contra os Incendios Forestais de Galiza (PLADIGA 2019), foi aprobado polo consello da xunta do 2 de maio, e o Presidente Feijoo fixo público o documento cos datos dos medios humanos dispoñibeis para a campaña de alto risco de incendios forestais que comenzou o pasado 1 de xullo.

Nese documento detállase unha cifra que chega aos 7.000 efectivos para a loita contra o lume, homes e mulleres que pertencen a medios propios da Xunta de Galiza, concellos, ...


Martes, 06 Agosto 2019

Compensacións de domingos ou como darlle a razón á CIG

Nestes días aparece un informa de un sindicato da vergoña, de eses que asinaron un acordo de traballo coa Xunta do PP para eliminar calquera dereito do persoal laboral, eliminando o concurso de traslados, as oposicións por concurso-oposición, a promoción interna, etc... onde se fai unha proposta de compensación dos hararios para o persoal a quendas.

A proposta, en resumo é:

  • 75% compensación por traballo en domingos e festivos
  • Traballar como máximo a metade dos domingos e festivos
  • O ...

Martes, 30 Xullo 2019

Novo pau á Xunta pola concesión arbitraria das comisións de servizo

Nas comisións de servizo non abonda con que a persoa adxudicataria cumpra os requisitos de idoneidade, senón que, cando sexan varias as persoas solicitantes, é necesario que se exterioricen as razóns polas que se elixe a unha das persoas peticionarias e se lles notifique a todas elas a decisión final para darlle posibilidade de impugnación. Iso vén a decirlle á Xunta de Galiza, por segunda vez, o Tribunal Superior de Xustiza de Galiza.

A nova sentenza do TSXG 341/2019, do 3 de xullo, ...


Martes, 30 Xullo 2019

A CIG solicítalle ao director territorial da Inspección que faga cumprir á Xunta os requirimentos en materia de seguridade

Medio Rural acumula varios incumprimentos polas eivas no servizo de incendios forestais.

A CIG-Autonómica reuniuse o martes 30 de xullo na Coruña co director territorial da Inspección de Traballo e Seguridade Social (INTSS) de Galiza para solicitarlle que a Xunta de Galiza cumpra cos requirimentos realizados pola propia Inspección en materia de seguridade laboral. 

Cómpre lembrar que a Xunta de Galiza acumula incumprimentos dos requirimentos da Inspección de Traballo en materia de ...


Martes, 30 Xullo 2019

Promoción interna ao C2: xa van 3 convocatorias deixando prazas desertas

56 aprobados para 97 prazas ofertadas. Dos dous procesos anteriores, no convocado no 2009 só se cubriron 89 das 158 prazas ofertadas e no do 2015 131 das 139.

Está claro que a Xunta non quere promoción interna: tres procesos en 10 anos e a metade das prazas sen cubrir. Unha promoción concebida como se fosen exames de acceso libre fronte á que fan outras Administracións onde se valora e forma ao seu persoal funcionario. Vergoña


Luns, 22 Xullo 2019

Carreira profesional: o 29 de xullo remata o prazo de solicitude

O vindeiro luns 29/07/2019 remata o prazo para solicitar o acceso ao réxime extraordinario do grao I do sistema de carreira profesional. Nese senso, lembramos que dende o 18 de xuño a CIG ten a disposición de todo o persoal excluido do sistema de carreira profesional pactado por CCOO, UGT e Xunta un modelo de solicitude para presentar por rexistro. Unha vez presentada por rexistro, a Xunta ten tres meses para dar unha resposta. Se a resolución é desestimatoria, o paso seguinte é a ...


Ao remate da mobilización, na que participou o secretario xeral da CIG, Paulo Carril, a actriz ourensá Nate Borrajo encargouse da lectura dun manifesto no que se critica que os distintos Gobernos do PP na Xunta “nunca puxeron en práctica o Plan Forestal, aprobado por consenso en 1992, nin é capaz agora de aprobar un novo plan que implique a posta en marcha dunha política forestal certeira e axeitada para Galiza”. De igual xeito acontece -segundo denuncian- coa política ambiental referente á xestión dos recursos cinexéticos e piscícolas, así como co coidado dos espazos naturais protexidos e a súa biodiversidade.

Ao mesmo tempo, consideran que o acontecido o pasado 15 de outubro como consecuencia da vaga de lumes que asolou parte do país “ten que marcar un punto de inflexión e facer recapacitar á Xunta, xa que a combinación dun alarmante abandono do rural, a escasa ordenación forestal e o reto do cambio climático está a provocar un novo e moi perigoso escenario no que xa non soamente son os bens de carácter forestal e ambiental os que están en risco, senón que é a poboación a que corre perigo”. 

O abandono do medio rural, a escasa ordenación forestal e o cambio climático poñen en risco non só os bens naturais senón tamén a poboación

Tamén se censura que o actual Goberno da Xunta, “do mesmo xeito que non pon en valor os recursos naturais”, estea a desprezar os empregados/as públicos/as deste sector, “negándolles sistematicamente unha formación axeitada, habilitación de medios e regulación laboral para poder exercer un servizo público de calidade”.

Lembran que os axentes, funcionarios/as públicos/as da Xunta, teñen asignadas as funcións de policía e custodia do medio natural, control da xestión dos recursos cinexéticos e piscícolas, xestión e ordenación dos recursos forestais, concienciación en materia ambiental e prevención e loita contra os incendios forestais.

Tamén se encargan de exercer a dirección técnica da extinción de incendios, dirixindo e coordinando sobre o terreo todos os medios das diferentes Administracións e entidades públicas e privadas que participan nas labores. “Por desgraza, o exceso de carga de traballo neste ámbito, que supón un exercicio de alta responsabilidade e profesionalidade, non ten parangón con ningún outro homólogo a nivel europeo”.

Persoal con condicións especiais

Segundo explican, as funcións que desenvolve o colectivo abarcan as 24 horas dos 365 días do ano, polo que é preciso unha programación especial das quendas para garantir a cobertura. Esta especificidade fai que non se lles poida encadrar dentro do marco horario ao uso da maioría do corpo de funcionarios/as. Polo tanto, estas especiais condicións de traballo regúlanse mediante un acordo entre a Xunta e as organizacións sindicais. O actual acordo, que tiña unha vixencia de tres anos, foi aprobado no ano 2004 e caducou en 2007, polo que foi denunciado polas organizacións sindicais, aínda que até o de agora a Xunta negouse a abordar a súa negociación.

Indican que durante a vaga de lumes de outubro de 2017 a falta deste acordo fíxose evidente, xa que a necesidade dun novo marco onde se contemple unha distribución horaria máis eficaz, segura e conciliadora é unha realidade incontestable. “Pero a Xunta respondeu pretendendo impor un aumento do 50% das gardas anuais, aumentando así a excesiva carga de traballo anual”.

Desgraciadamente a Xunta non parece concordar coa necesidade de regularizar e reordenar as condicións laborais destes empregados públicos, “e despois dunha serie de intentos para consolidar as negociacións entre a Dirección Xeral de Función Pública e as organizacións sindicais CIG e UGT a situación entra en vía morta, polo que nos vemos obrigados/as a programar un calendario de mobilizacións que inclúen a convocatoria dunha folga indefinida”.

Continúa a folga indefinida

Os axentes forestais e ambientais galegos están en folga indefinida dende o día 1 de agosto, e están a exercela cuns servizos mínimos abusivos que foron denunciados no Xulgado, xa que a Consellaría de Medio Rural incluíu a todo o colectivo nos servizos mínimos, conculcando o exercicio dun dereito fundamental como é o de folga.

Inciden en que a pesar das funcións que realizan de alta perigosidade e responsabilidade non están pedindo nada máis que o que xa teñen recoñecido outros colectivos dentro da Xunta. Nas súas nóminas, o complemento específico establecido por motivos de turnicidade, nocturnidade e perigosidade é inferior en máis de 200 euros mensuais ao de compañeiros/as de servizos similares. A cantidade de horas traballadas en cómputo anual tamén é superior á de calquera funcionario/a (nalgúns casos en máis de 200 horas).

Así mesmo, as retribucións económicas por gardas extraordinarias de 12 horas de duración realizadas en días laborais, fins de semana e festivos son moi inferiores ás de outros funcionarios/as homólogos, así como para os membros do mesmo sector doutras comunidades autónomas.

Ademais, reclaman o recoñecemento dunha segunda actividade a partir dos 60 anos, así como unhas condicións horarias dignas que garantan tanto a seguridade como a calidade do servizo sen renunciar á conciliación familiar e laboral. E que se apliquen medidas de acción en materia de prevención de riscos laborais; que se vixíe a saúde do persoal cos protocolos axeitados e cun catálogo de enfermidades profesionais; a posibilidade da conciliación laboral, persoal e familiar, que lles é vetada; e a aplicación de coeficientes redutores que permitan a xubilación anticipada.

Pero a Xunta segue a desprezar a este colectivo profesional “porque no fondo despreza tamén o noso monte xa que para eles/as nunca foi unha prioridade”. “O actual Goberno ten o monte abandonado, monte que supón as dúas terceiras partes do noso territorio e está chamado a ser un protagonista de primeira orde na calidade do noso medio ambiente e da nosa economía”.

Desmantelamento dos servizos públicos

Diante disto, censuran que a irresponsabilidade dos dirixentes da Xunta está a provocar que en pleno mes de agosto, “por primeira vez na súa historia os axentes teñan que estar en folga indefinida para defender a súa dignidade profesional e un servizo público de calidade”.

Lembran que sempre se considerou a estes funcionarios/as o espello onde se reflicte o interese real dos gobernos da Xunta polo patrimonio natural do país, “e así acontece en todas as partes do mundo”. Polo que sosteñen que aqueles Gobernos que apostan e cren na defensa dos seus recursos naturais teñen os encargados/as da súa xestión e custodia ben formados, equipados e apoiados polo que son, profesionais ao servizo dun país”.

Finalmente, aseguran que este desleixo intencionado co persoal público que defende o noso monte e o medio ambiente non é máis que o reflexo que o desmantelamento efectivo dos servizos públicos.

SABÍAS QUE A XUNTA...

-Nunca puxo en marcha o plan forestal nin apuntou e apostou por unha política forestal clara e decidida de valorización do monte, do medio rural e do medio natural no seu conxunto, apostando pola contra por especies de crecemento rápido, pirófitas e invasoras.

-Non é un bo exemplo de xestión dos montes públicos e dos conveniados con comunidades de montes.

-Non axuda á dinamización das comunidades de montes menos desenvolvidas.

-Non promove a concentración e a xestión conxunta dos minifundios da propiedade privada forestal.

-Non actúa de oficio no establecemento de medidas de prevención contra os incendios forestais para a protección dos núcleos de poboación.

-Fomenta a economía do lume mantendo no dispositivo de extinción unha amalgama de medios pertencentes a diferentes entidades públicas e privadas en vez de centralizalo no Servizo Público de Prevención e Defensa Contra Incendios Forestais.

-Enrócase en non asumir a necesidade imperiosa de establecer novas estratexias, así como a preparación e interactuación de todos os operativos de emerxencias nos grandes e altamente perigosos incendios forestais.

-Perdeu o rumbo nas políticas de conservación e custodia dos recursos naturais e da biodiversidade dos nosos ecosistemas máis senlleiros.

-Afonda na centralización cara ao Estado español das competencias galegas na xestión do monte e conservación do medio ambiente a través da UME, UMA e Garda Civil.