Outras informacións e conflitos xerais

Sentarse nunha mesa non é o mesmo que sentarse a negociar. A actitude que na xuntanza do día 18 de xuño mantiveron os representantes da administración foi igualiña que as anteriores: de desprezo ao traballo, bloqueo negociador sen aportar nada que mellore as condicións de traballo, de vincular unha pequena suba salarial en produtividade a cambio do aumento do período extraordinario de quendas de 12h. Porén a publicidade e a demagoxia si que a teñen avanzada e anuncian subas de ata 4000 euros por efectivo no Parlamento galego e noites de “disponibilidade” na casa. Ningunha organización sindical seria pode aceptar para os traballadores un exceso horario tan esaxerado coma este (mais 2000h/ano) nin as subas salariais unicamente vinculadas a realización das esaxeradas quendas de 12 horas, que recordemos, son de traballo continuado no monte das que pola especial prestacion do servizo (incendios, emerxencias ambientais...se amplian moitas veces por mor da falla de persoal de relevo).

Resumo do acontecido na xuntanza:

O Director Xeral inicia a reunión con dúas ofertas.

  1. Aumento da produtividade a 448 euros mensuais (en total).
  2. E para cando naquelas xornada laborais onde os traballadores se teñan que desprazar fora da comarca forestal de referencia terán dereito o cobro dunha media dieta (14,10).
  • Segue mantendo a oferta dos niveis. Suba de niveis:
    Ano 2019 subida de 1 para cada un dos tres niveis da escala.
  • Ano 2020 suba doutro nivel, quedando ao fin axente: 16, zonal: 18, territorial:20.

Dende a CIG xa advertíamos no CIG-Informa sobre a reunión con Función Pública que para que queríamos inimigos si tiñamos amigos como CC.OO e UGT, máis preocupados de defender a empresa que as/aos compañeiras/os.

O despropósito absoluto ocorreu o día 5 de xuño de 2018, cando a CIG pregunta a presidencia de Intercentros (CC.OO) porqué non se incluíu na orde do día a celebración de asembleas, SOLICITADAS POLO PERSOAL QUE DEMANDA QUE ESTÁ A FACER O COMITÉ INTERCENTROS, para explicar a xuntanza con FP. A resposta de CC.OO é que como non hai acordo entre as diferentes OO.SS non se inclúe (nun acto dictatorial absoluto, si no estoy de acuerdo no juego) co apoio de UGT.

O día 12 de xuño, logo de que a CIG esixira un intercentros extraordinario, lévase a pleno a proposta de facer asembleas para explicarlle a postura de FP as e aos traballadores e, outra vez, os sindicatos do réxime (CC.OO, UGT) néganse a facelas, esta vez coa escusa de que non hai nada que informar.

Seis meses despois da proposta da CIG para o persoal laboral, os sindicatos CCOO e UGT súbense ao carro reivindicativo. Benvidos.

Ante a pasividade do resto de sindicatos, en decembro de 2017 a CIG solicitou a Función Pública a apertura inmediata dunha mesa de negociación co fin de dar cumprida resposta ás lexítimas reivindicacións do persoal laboral da Xunta de Galiza. En tanto non se recuperasen todos os dereitos roubados coa castración do V Convenio, esa solicitude de negociación ía acompañada dunha proposta de acordo para o persoal laboral que contemplaba os seguintes puntos:

DESCANSO SEMANAL: 60 horas ininterrumpidas (48 horas de descanso + 12 horas entre xornadas)

FINS DE SEMANA E FESTIVOS: Garantía de que se librarán de xeito efectivo a metade das fins de semana e dos festivos en cómputo anual.

COMPENSACIÓN POR TRABALLO EN FIN DE SEMANA: 16 días hábiles de libre disposición.

DÍAS DE ASUNTOS PROPIOS: Garántese o goze dos mesmos días de asuntos particulares que o persoal funcionario e laboral que traballa en oficinas administrativas.

COMPLEMENTO DE ESPECIAL DEDICACIÓN: Este complemento debe ser incrementado en 150 €/mes, cantidade que equipararía o que cobra o persoal laboral que traballa as 24 horas do día os 365 días do ano co que cobra o persoal funcionario que ten unhas condicións semellantes (aínda que en ningún caso tan gravosas).

Na CIG alegrámonos de que agora, seis meses despois da nosa proposta, UGT e CCOO amosen un repentino interés por negociar, polo que dámoslle a benvida á loita polo recuperación dos dereitos roubados ao persoal laboral. Como din nos madriles, "nunca es tarde si la dicha es buena".

O sábado 26 de maio tivo lugar a VII Asamblea Nacional do sector de Administración Autonómica da CIG, co lema “Polos dereitos laborais e os servizos públicos. Pola dignidade na función pública”.

Lido polo Secretario Nacional saínte, Roberto Varela, e posteriormente aprobado o informe de xestión da executiva, procedeuse á elección dos órganos que dirixirán CIG-Autonómica durante os seguintes catro anos. Como reza o lema da Asamblea, “Polos dereitos laborais e os servizos públicos, pola dignidade na Función Pública”, na procura de sumar as forzas necesarias pola loita que nos ven en diante, pola recuperación dos dereitos roubados, presentáronse candidaturas de consenso co resultado seguinte:

 

As consellerías de Medio Rural xunto coa de Medio Ambiente e Ordenación do Territorio e a Dirección Xeral de Función Pública presentaron unha reordenación das condicións de traballo abusiva, nas que, polo interese no aumento do alto risco de incendios, pretenden incrementar as gardas nun 50%, pasando inadmisiblemente o computo horario anual a máis de 2200h. Sen a reducción horaria das gardas de 12 horas nunhas condicións durisimas de traballo, a falla de compensación en tempo, a ridícula suba de apenas 3 euros por garda (o aumento non seria admisible nin por 100 que quede claro).

Por outra banda, dende a CIG vimos anos reclamando a suba dos niveis mínimos, o recoñecemento das enfermedades profesionais, os coeficientes redutores que permitan a xubilación anticipada e a equiparación do complemento específico a outras escalas de funcionarios semellantes da administraión autonómica, ademais se necesita un plano formativo para o traballo na interface e nos lumes de quinta e sexta xerazón uque é por desgraza a actualidade.

Varias compañeir@s delegadas da CIG, tanto bombeir@s como axentes, asistiron este sábado en Madrid a esta histórica manifestación na loita por unha imprescindíbel e xusta mellora xeral nos servizos de extinción de incendios de todo o estado.

A manifestación convocada en principio pola PASBF- Plataforma asociativa de sindicatos de bombeiros forestais- da cal a CIG é organización colaboradora, a que posteriormente se foron sumando os principais sindicatos do estado, celebrouse polas rúas de Madrid nun ambiente reivindicativo á vez que festivo, xuntando por primeira vez na historia da profesión a colectivos de todo o estado baixo unha principal reivindicación de recoñecemento profesional logo do veto exercido polo Partido Popular e Ciudadanos ao proxecto de lei para acadar un estatuto básico de bombeir@ forestal.

Os martes 8 e 15 de maio, o persoal do centro de valoración da Discapacidade da Xunta en Pontevedra e os seus representantes sindicais, entre os que estamos as compañeiras da CIG quixemos mostrar o noso malestar pola situación laboral que está a padecer este servizo ao non poder levar un ritmo aceptable de recoñecementos e orixinar perxuicios as persoas que están a espera dunha valoración do seu grado de discapacidade.

A unidade de valoración da discapacidade de Pontevedra presenta unha acumulación  de arredor dos 10.000 expedientes para o recoñecemento da discapacidade. Esta acumulación provoca que as resolucións de recoñecemento cheguen aos tres anos dende a súa presentación a trámite.

O luns día 7 de maio ás 11:00 h diante dos edificios administrativos da Coruña, Compostela, Ferrol, Lugo, Ourense, Pontevedra e Vigo

A CIG, xunto cos sindicatos de Xustiza que se manteñen no comité de folga, convoca concentracións para o vindeiro luns día 7 de maio, ás 11:00 horas, diante dos edificios administrativos da Coruña, Compostela, Ferrol, Lugo, Ourense, Pontevedra e Vigo, en solidariedade cos compañeiros e compañeiras de xustiza. Nas mobilizacións, que coinciden co día no que se cumprirán os 3 meses de folga -90 días-, demandarán da Xunta de Galiza a negociación final do seu acordo retributivo, para que se poña fin ao conflito.

A CIG responsabiliza ao Vicepresidente da Xunta, Alfonso Rueda, pola actitude “incendiaria” que mantivo desde que comezou este conflito. Nese sentido exixe que se sente a negociar na mesa e que “poña por diante os intereses da xente, fronte os intereses do seu partido”. Negociar non é unha opción, senón unha obriga, tal e como se recolle no Lei de Emprego Público de Galiza. Por iso reiteramos que se poña a negociar ou que dimita.

O luns 16 de abril asistimos a unha xuntanza convocados pola Dirección Xeral da Función Pública (DXFP) á que asistiu tamén por parte da Consellería do Medio Rural, o director xeral de Ordenación Forestal, a xecretaria xeral técnica e o subdirector de persoal. Pola parte social asistiron as catro organizacións sindicais con representación no sector.

Comezou a xuntanza o DXFP cun breve relatorio no que explicou os puntos básicos a tratar na xuntanza. Temos que dicir que chegamos sen documentación previa. Os tres puntos eran os seguintes:

  1. Aumento do tempo de traballo ao persoal fixo discontinuo de tres meses, sendo este progresivo: catro meses no 2018, cinco meses no 2019, seis meses no 2020.
  2. No ano 2019 todo o dispositivo de extinción da Xunta será xestionado por medio Rural. As funcións de extinción neste momento asumidas por Seaga, pasarán a ser contratadas pola Xunta, facéndose a cobertura polo decreto de listas. Estas prazas comezarían no 2019 tendo nese ano ao igual que os fixos discontinuos 5 meses, e 6 meses no 2020.
  3. Reestruturación do número actual de compoñentes das brigadas de 7 a 5.

No DOG do 13 de abril coincidiron as publicacións das dúas convocatorias de acción social para o persoal da maior empresa do noso país. Con isto comeza e remata toda a acción social para o seu persoal a maior empresa do país.

Unha vergonza que a Xunta de Galiza, co seu orzamento e a situación económica actual, siga contemplando as mesmas dúas convocatorias para o seu persoal que no ano 2012. O Fondo de Acción Social fica recortado e nin sequera se plantexan recuperar a convocatoria nos termos que había no 2011 e só manteñen a axuda para a atención de persoas con discapacidade. Un agravio compartativo xa non só frente a empresas de menor tamaño senón fronte a outras Administracións públicas. Non é de estrañar que os compañeiros e compañeiras de Xustiza dixeran abonda.

Ollo ás datas, a das prazas reservadas para fillos e fillas do persoal nas escolas infantís da Axencia de Servizos Sociais remata o 27 de abril e a do falso fondo de acción social remata o 4 de maio para presentar a instancia web. Para máis información consulta as convocatorias:

Axencia Galega de Servizos Sociais

RESOLUCIÓN do 4 de abril de 2018 pola que se convoca o procedemento de adxudicación de prazas para fillos e fillas do persoal da Xunta de Galicia nas escolas infantís dependentes desta axencia para o curso 2018/19.

Consellería de Facenda

RESOLUCIÓN do 6 de abril de 2018, da Dirección Xeral da Función Pública, pola que se ordena a publicación dos criterios de repartición do fondo de acción social para o exercicio económico do ano 2017 relativos á axuda para a atención de persoas con discapacidade.