Retribucións

O director xeral de Función Pública está a enviar as primeiras resolucións desestimatorias das solicitudes de recoñecemento extraordinario do grao I do sistema de carreira profesional presentadas polo persoal funcionario interino, laboral temporal ou indefinido, así como do persoal laboral fixo que non quere funcionarizarse.

Contra a resolución desestimatoria, as persoas afectadas poderán interpoñer recurso de alzada perante o conselleiro de Facenda no prazo dun mes contado a partir da notificación da resolución desestimatoria.

A CIG dispón dun modelo de recurso de alzada, polo que as persoas interesadas en presentalo poden contactar coa CIG. Unha vez presentado o recurso de alzada, o prazo máximo da administración para ditar e notificar a resolución será de tres meses. Transcurrido este prazo sen que recaiga resolución, poderase entender desestimado o recurso, co que se poría fin á vía administrativa.

En previsión das futuras sentenzas que se produzan, a CIG convida a todo o persoal funcionario e laboral (independentemente do seu actual vínculo fixo/temporal), a solicitar por vía administrativa o complemento de carreira profesional.

O sistema de carreira profesional pactado por CCOO, UGT e Xunta ven a ser unha especie de retribución de sexenios, como xa teñen os docentes. E así como o dereito a cobrar os trienios depende unicamente do tempo traballado (non da relación contractual), o dereito á carreira (ou sexenio), non llo quixeron recoñecer ao persoal funcionario interino, laboral temporal ou indefinido. Tampouco ao persoal laboral fixo que non quera funcionarizarse.

En marzo do 2019 o Tribunal Superior de Xustiza de Galiza admitiu a trámite o recurso contencioso-administrativo presentado pola CIG contra a Orde do 15/01/2019 do Acordo de Concertación do Emprego Público de Galiza pactado pola Consellería de Facenda e os sindicatos CCOO e UGT. Ademais están en trámite os recursos contra a Orde do 28/03/2019 do acceso ao grao I do sistema de carreira profesional e a Orde do 08/04/2019 de confección de nóminas.

A CIG busca cos seus recursos unha declaración de anulabilidade ou nulidade parcial das ordes, que permita a extensión do dereito a todo o persoal.

Dado que non é posíbel solicitar o complemento de carreira por vía do aplicativo de xestión establecido pola Xunta de Galiza, reservado só ao persoal funcionario de carreira e ao laboral fixo que se comprometa a funcionarizar, o resto dos colectivos só poderían solicitalo persentando unha instancia no rexistro da Xunta, con copia selada para o interesado/a. A data límite para solicitalo é o 29/07/2019.

Publicada no DOG do 29/03/2019 a Orde do 28 de marzo de 2019 pola que se publica o Acordo para a implantación do réxime extraordinario de acceso ao grao I do sistema de carreira profesional do persoal funcionario de carreira da Administración xeral da Comunidade Autónoma de Galicia e do persoal laboral fixo do V Convenio colectivo único para o persoal laboral da Xunta de Galicia.

Recentemente tense aprobado no Concello de Compostela a súa carreira profesional, a CIG foi pioneira na súa demanda dende hai tempo, e consigueuse un Acordo, como sempre, mellor que o da Xunta de Galiza. Na mesma liña do que defendimos na Xunta, este é un acordo específico de carreira profesional, sen mesturar outros temas, e que permite conquerir melloras laborais ostensibles. Por exemplo:

PRIMEIRA NA FRENTE: É unha carreira integradora; pois recolle a todo o persoal: funcionario de carreira, funcionario interino, laboral fixo ou laboral temporal.

Función Pública enviounos o proxecto de orde sobre o procedemento para o acceso ao réxime extraordinario do grao I do sistema de carreira profesional do persoal empregado público da Administración xeral da Comunidade Autónoma de Galiza. Descargar.

Temos ata o martes 12 para enviar alegacións. Se queres dicirnos algo, contacta coa CIG.

O procedemento refírese ao persoal funcionario de carreira. E como novidade, xa que o acordo non o prevé ata que se funcionaricen, tamén van incluír ao persoal laboral fixo ao que se lle recoñecerá o grao I de xeito provisional "mentres non se convoquen os procesos de funcionarización", tendo a consideración de pagamento "a conta". Non aprobar a funcionarización suporá a suspensión dos pagamentos, aínda que non se establece de xeito expreso si nese caso terán que devolver os importes cobrados.

Se podíamos considerar como unha chantaxe condicionar a carreira profesional á funcionarización, comezar a pagar de xeito provisional sen levantar a condición segue sendo outra chantaxe, poñendo ademais o caramelo na porta do colexio.

Tanto o persoal funcionario de carreira como o laboral fixo teñen que cumprir unha serie de requisitos que constan no texto da Orde, e que se suavizan con respecto aos fixados no Acordo de concertación, xa que moito persoal non os cumpría, tal e como sinalamos nesta nova.

O persoal funcionario interino, o persoal laboral temporal e indefinido, está excluido deste sistema extraordinario.

A carreira profesional é parte do Acordo de concertación que asinaron CCOO, UGT e o PP de Feijoo, co voto en contra da CIG. O Acordo ten aspectos positivos, pero tamén negativos que ao noso ver non compensan os positivos. Descargar boletín explicativo do Acordo.

Desplegando artillería mediática para vender un pacto da vergoña sobre a carreira profesional, os medios reflicten as declaracións de Feijoo e dos sindicatos amarelos: mentira tras mentira.

1. A carreira profesional se lle vai aplicar a 21.500 empregados públicos. FALSO.

  • Dos 21.500 empregados públicos só se lle vai aplicar a carreira profesional a 8.395 FUNCIONARIOS DE CARREIRA.
  • FUNCIONARIOS INTERINOS: quedan fora 1.147 interinos, que só poderán acceder ao grao I da carreira profesional como pronto no 2024, xa que terán que agardar 5 anos. E non van poder acceder nunca ao resto de graos da carreira profesional.
  • PERSOAL LABORAL TEMPORAL E INDEFINIDO: quedan fora as case 5.000 persoas, e ningunha vai entrar na carreira profesional.
  • PERSOAL LABORAL FIXO: das 5.681 persoas deste colectivo, só os que opten por funcionarizarse e aproben van poder cobrar os importes da carreira profesional.

A Consellería de Facenda publicou no DOG do 13/07/2018 a Orde de confección de nóminas do ano 2018, con efectos de 1 de xaneiro do 2018.

Pese ao denso do tema (55 páxinas), o caso é que imos cobrar 1,5% máis bruto nas nosas nóminas, cos atrasos posibelmente nun só pago. Quedaría pendente outro 0,25%, que estaba condicionado ao obxectivo de cumprimento do déficit no 2017.

Esto significa que, grazas ao magnífico acordo dos gobernos do PP e os sindicatos CCOO, UGT e CSIF, e ao estar o IPC no mes de xullo xa no 2,3%, este ano volvemos a perder poder adquisitivo.

Como recibir un pago de entre 100 e 200 euros nunha única nómina por atrasos é algo que vamos notar, é de supoñer que nas vindeiras semanas poidamos ler nos boletíns as bondades dos acordos, xunto con bombardeo na prensa dicindo que somos privilexiados e case xa ricos.

A maiores dese pago único, o incremento do 1,5% bruto quedará consolidado, o que nos permitirá compensar a suba da luz, máis ou menos.

Se queres saber exactamente o incremento que che vai supoñer, colle a nómina de maio, multiplica o salario bruto por 0,015 para calcular o incremento mensual, e por esa cantidade por 7 para o pago único por atrasos.

A Consellería de Sanidade decidiu repartir un complemento de produtividade ás persoas dependentes da Subdirección Xeral de Inspección, Auditoría e Acreditación. Os importes máximos poden ir dende 4.800 €/anuais ata os 1.200 dependendo do posto e grupo.

A consellería actúa unilateralmente contravindo as súas obrigas de negociación fixadas na Lei 2/2015 do Emprego Público de Galiza.

A CIG enviou escrito a Función Pública e Sanidade esixindo información, negociación e suspensión de calquera medida mentres a consellería non cumpra as súas obrigas.

Incumprindo as obrigas de negociación coa representación sindical que fixa a Lei do Emprego Público de Galiza, a Consellería de Sanidade decidiu fixar os criterios e importes para o reparto dun complemento de produtividade entre o seu persoal da Subdirección Xeral de Inspección, Auditoría e Acreditación.

O persoal da subdirección recibiu un escrito de “aceptación de criterios de distribución de incentivos do persoal da subdirección xeral de inspección, auditoría e acreditación de servizos sanitarios 2018”, que debían asinar, asumindo así os criterios decididos sen negociación.

Todo isto é froito dun acordo asinado en setembro do 2017 pola Consellería de Sanidade e o Ministerio de Emprego e Seguridade Social para o control das incapacidades temporais no período 2017 a 2020. As bases do convenio marcan uns obxectivos e unhas retribucións diferenciados en concepto de “complemento de produtividade” diferenciado segundo a escala/grupo de pertenza do persoal funcionario.

Pero a Lei é clara: “serán obxecto de negociación [..] a determinación e aplicación das retribucións complementarias do persoal funcionario, [..] as que afecten ás retribucións do persoal funcionario [..]”, ou “a asignación deste complemento realízase conforme criterios obxectivos establecidos regulamentariamente coa necesaria información e participación dos órganos de representación sindical”.

A CIG dirixiu escrito a Función Pública e á Secretaría Xeral Técnica de Sanidade solicitando a suspensión de todo acto relacionado con este complemento de produtividade mentres non se proceda ao estrito cumprimento das obrigas de información e negociación que ten a Administración coa representación sindical das empregadas e empregados públicos.

Despois de asinar un acordo salarial onde este ano nos suben o 1,75% (un 1,5% ata xullo) sen cláusula de revisión salarial, desindexado dun IPC que previsiblemente será do 2%, cunha suba condicionada para os vindeiros anos polo incremento do PIB e o cumprimento dos obxectivos de estabilidade, que tanto un como o outro o Goberno xa prevé que non se van cumprir, CSIF, CCOO e UGT sorprendennos, uns dicindo que van convocar mobilizacións porque cobramos un 50% menos que noutras Comunidades Autonómas e outros falando de que hai que negociar novas subas salariais na Xunta de Galiza.

Cando se negociaba en Madrid e lles advertimos que esa suba era un insulto non pensaban o mesmo, porque eles si ían cobrar tanto xestionando o fondo de pensións dos empregados/as públicos/as do Estado como por formar aos seus propios delegados sindicais.

No día de hoxe, 23 de maio, o Partido Popular ven de aprobar os Orzamentos Xerais do Estado.

A suba das nosas retribucións é do 1,5%. (Acordo de Madrid asinado por CC.OO, UGT e CSIF)

A previsión de incremento do IPC para decembro de 2018 é 2%. (Datos Funcas)

Necesitamos algún dato máis?