Inicio
Xoves, 25 Abril 2024

A CIG demanda o aumento de efectivos de axentes ambientais e que se cumpran os compromisos adquiridos

Tras a primeira xuntanza do Consello da Xunta, o presidente Rueda falou de que “hai unha grande intencionalidade” detrás dos lumes acontecidos estes días. Polo tanto dende a CIG demandamos en consecuencia o aumento de persoal para poder facer fronte a elevada actividade incendiaria.

Dende a CIG denunciamos que actualmente dos 387 axentes ambientais pertencentes a Consellería do Medio Rural tan só 15 forman parte da Unidade de Investigación de Incendios Forestais (UIFO). Esta unidade foi ...


Venres, 19 Abril 2024

A Xanela (boletín de CIG-Autonómica, abril/2024)

Neste boletín de CIG-Autonómica falamos de:

- Concursos de traslados e as 1.100 prazas bloqueadas- Concurso específico- Campaña pola xornada de 35 horas semanais e as semanas de 4 días- Lentitude dos procesos selectivos- Condicións de traballo do persoal non docente de centros de ensino- Como recibir información da CIG-Autonómica.


Luns, 15 Abril 2024

A AGASP e a Dirección Xeral da Defensa do Monte aplican criterios discriminatorios na selección para a formación

A Academia Galega de Seguridade Pública (AGASP), organismo autónomo de carácter administrativo adscrito organicamente á consellaría competente en materia de interior e xustiza, imparte formación ao persoal axente forestal (art. 4 da Lei 1/2007). A Dirección Xeral de Defensa do Monte, da Consellaría do Medio Rural, participa na organización da formación e nos procesos de selección.

A AGASP vén de convocar a actividade formativa “Análise de incendios forestais”, de 120 horas e 40 prazas, ...


Luns, 15 Abril 2024

O Consorcio ordena facer a programación do período de adaptación... na casa?

A CIG-Autonómica denuncia ante a autoridade laboral a decisión da Xunta e máis do Consorcio de cargar ás traballadoras coas horas de programación sen reducir o horario de atención directa. 

O Consorcio impuxo, dentro da xornada de 35 horas semanais, que toda a xornada de traballo fose de atención directa ás crianzas. Esta medida supón un novo atentado contra os servizos públicos, dado que afecta á calidade do servizo ao eliminar a programación educativa, as xuntanzas coas familias, a ...


Venres, 12 Abril 2024

Recurso de reposición ao concurso ordinario de traslados de ciencias+enxeñarías+arquitectura

A CIG presentou un recurso de reposición á Resolución que convocou o concurso ordinario para a provisión de postos de traballo vacantes de escalas de enxeñarías, arquitectura, arquitectura técnica e ciencias (administración especial).

No recurso solicitamos unha relación das prazas que desapareceron do concurso, con información polo miudo de cada unha delas. Tamén da relación de prazas que teñen reserva. Ao tempo, reclamamos a convocatoria inminente das prazas de concurso específico, que ...


Venres, 12 Abril 2024

Emendas da CIG ás leis básicas de bombeiros/as forestais e axentes forestais e medioambientais

Dende a CIG, e con ánimo de mellorar os textos dos proxectos de leis básicas de bombeiros/as forestais e axentes forestais e medioambientais, enviamos aos grupos parlamentares do Congreso as nosas achegas a estes documentos dentro da fase de emendas.

Para nós estes textos son claramente mellorables porque poden chegar a limitar o ámbito de actuación e funcións de competencia da comunidade galega e non afondan en dar solucións aos principais problemas deste persoal que sí son cuestións de ...


Venres, 12 Abril 2024

Educación retira a axuda por discapacidade ao seu persoal funcionarizado

A Consellería de Educación, de xeito unilateral e sen previo aviso, retirou a axuda por persoa con discapacidade a cargo que o persoal funcionarizado tiña recoñecida en base ao V Convenio Colectivo da Xunta de Galiza.

O persoal laboral ten dereito a unha axuda de 180 € mensuais cando ten ao cargo unha persoa con discapacidade e con ingresos inferiores ao SMI. En teoría ese dereito íase manter parar o persoal laboral funcionarizado da citada consellería pero na práctica foille retirado. É ...


Xoves, 11 Abril 2024

O Consorcio Galego de Servizos de Igualdade e Benestar incumpre a normativa de conciliación da vida familiar e laboral

O Consorcio introduce unha cláusula nas resolucións de reducións de xornada que impide que o persoal poida desfrutar do dereito á conciliación mentres non se cubra con persoal substituto a franxa horaria na que reduce a xornada.

A CIG levamos anos denunciando a situación que se produce na concesións de reducións de xornada por conciliacións, incumprindo o artigo 37.7 do Estatuto das Persoas Traballadoras.

Agora, vimos de denunciar perante a Valedora do Pobo a conculcación, na práctica, ...


Mércores, 03 Abril 2024

A CIG solicita que o grao en Educación Social sexa a única titulación habilitante para exercer como educador/a social

A CIG presenta unha proposta para que se modifique a Lei de Emprego Público de Galiza de tal xeito que o grao en Educación Social sexa a titulación especializada única que habilite para o exercicio da profesión de Educador/a Social

A CIG vén de presentar perante a Dirección Xeral da Función Pública e ante as Secretarías Xerais Técnicas das consellerías onde está presente a figura dos/as Educadores/as Sociais (Consellería de Cultura, Educación, Formación Profesional e Universidades, ...


Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


O panorama que temos ata o de agora é o seguinte:

  • O persoal funcionario vai cobrar 22 días da extra e 7 días da paga adicional, que ven sendo un 12,5% do total da extra.
  • O persoal laboral vai cobrar 7 días da extra e 7 días da paga adicional, o que ven sendo un 5% da extra.
  • O Estado dita unhas instrucións para que o seu persoal saiba como ten que facer para cobrar, incluídos modelos de solicitude.
  • A Xunta envía unhas instrucións ás habilitacións, pero non ao persoal, e as consellarías fan o que consideran.
  • Nas instrucións se di claramente que todo/a aquel que teña unha nómina activa na Xunta a 31 de decembro de 2014 vai cobrar de oficio, e que o CIXTEC se vai encargar de remitir os listados a cada consellaría. Habilitacións, como as de Traballo e Benestar fan caso omiso das instrucións e esixen solicitude previa daquelas persoas que tiveran concursado, etc.


Polo tanto:

  1. Non se nos aclara onde esta orzamentado e en que norma legal se contempla a devolución do mes de abril (seguindo a Lei de orzamentos, todo o pagamento sería na nomina de xaneiro).
  2. Se discrimina ao persoal laboral que vai ver como a súa devolución é a terceira parte da do persoal funcionario.
  3. Non se informa ao persoal de se teñen que presentar solicitudes ou se a devolución se fai de oficio, ao contradicir as instrucións das habilitacións o que di a Lei de Orzamentos.
  4. Algunhas consellarías fan caso omiso das instrucións conforme todos os que teñan nómina activa van cobrar de oficio.


En resumo, caos mentiras e discriminación.

O procedemento para o pagamento

A Disposición Adicional 17ª da Lei 11/2014, de orzamentos xerais de Galiza para 2015, ordena a recuperación da paga extraordinaria e adicional de decembro de 2012 do persoal ao servizo do sector público da Comunidade Autónoma de Galiza.

Hai rebumbio no procedemento, supoñemos que a causa das contradicións existentes entre o que indica a Lei de orzamentos e as instrucións ditadas pola Intervención Xeral e pola Dirección Xeral de Planificación e Orzamentos. Segundo a Lei de orzamentos, terá que solicitar expresamente a extra toda persoa que xa non fose empregado/a publico/a na actualidade, pero tamén quen sendo, tivese mudado de centro pagador respecto do 2012. Poren, as instrucións da Intervención e da Direción Xeral indican que o pagamento será de oficio para o persoal en activo, incluíndo quenes mudasen de posto de traballo respecto do ano 2012. Estas, non precisarian nin solicitar o pagamento nin solicitar certificado algún, pois todo o procedemento sería interno entre CIXTEC, habilitacións e Subdireccion Xeral de Custos de Persoal.

Coas instrucións enriba da mesa, tan só terá que presentar solicitude expresa quen actualmente non estea en servizo activo (xubilación, contrato ou interinidade finalizada, falecemento ..).  Estas persoas dirixirán escrito á consellería, organismo ou entidade á que lle correspondera aboar a paga extraordinaria do 2012. A tal efecto, ofrecémosche un modelo para que, se o consideras, edites e presentes por rexistro, dirixido ao órgano de xestión de persoal da consellería, organismo ou entidade ao que lle correspondera aboar a paga no 2012. Descargar modelo.

A xenerosidade dos nosos gobernantes non nace da súa bondade; nace das numerosas sentenzas que as organizacións sindicais gañamos durante estes anos e que ordenaban o pagamento do tempo traballado e non cobrado, sentenzas maioritariamente recorridas ao Tribunal Supremo pola Xunta de Galiza. Finalmente os responsábeis políticos da Administración decidiron que xa abondaba de perder nos xulgados, e van devolvernos o diñeiro traballado e non cobrado que nos roubaron por aplicación da norma retroactivamente.

O importe é mínimo, pero é noso, pois corresponde a un tempo traballado e non cobrado:
- Persoal funcionario e estatutario: corresponde a 22 días da paga extraordinaria e 7 días das pagas adicionais do complemento específico, do mes de decembro de 2012 que foran suprimidos.
- Persoal laboral: corresponde a 7 días da paga extraordinaria e das pagas adicionais do mes de decembro de 2012 que foran suprimidos.

A diferenza existentes entre uns e outros está en que os periodos que xeneran as pagas extraordinarias non son idénticos.

En canto ás extras do 2013, 2014 e 2015, seguirán recortadas para o persoal ao servizo da Comunidade Autónoma de Galiza. No Estado e noutras comunidades, tan só tiveron recorte no 2012.

  • Modelo para solicitar a extra para o persoal ao servizo da Administración Autonómica de Galiza.
  • Instrucións da Intervención Xeral e da Direción Xeral de Planificación e Orzamentos.
  • Disposición Adicional 17ª da Lei de Orzamentos para o 2015.
Descargar