Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...


  • Deuse conta das 10 avaliacións de centros de traballo incorporadas no segundo semestre do ano 2018.
  • Revisouse o informe de investigación do accidente de traballo mortal de J.V.Q. Neste punto desde a CIG consideramos que existen deficiencias na forma e no fondo. No aspecto formal esta revisión chega moi tarde (accidente ocorrido en outubro de 2017) e por indicacións da inspección de traballo; polo que solicitamos que se dea coñecemento de inmediato dos accidentes graves e moi graves aos delegados/as de prevención para estar presentes na investigación. No referente ao fondo do accidente, esiximos que se evite o traballo en solitario; especialmente en tarefas de extinción e se activen medidas de aviso de socorro a través das novas tecnoloxías e dispositivos de comunicación existentes.
  • Segundo o servido de prevención e tras pasar por todos os distritos as enquisas da exposición de riscos laborais a campos electromagnéticos, non se detectou ningunha situación que superara os riscos admisibles. As Organizacións Sindicais presentes quedaron en revisar esta situación e propoñer lugares para revisar “in situ” os riscos a campos electromagnéticos.
  • Revisouse requirimento 25/17 da Inspección de Traballo e Seguridade Social referente a avaliación dos vehículos das brigadas permanentes e dos vehículos motobomba. Para dar cumprimento a este requirimento pasouse enquisa a todos os vehículos afectados e comezaron a correxirse algunhas das deficiencias detectadas. Desde a CIG solicitamos que se actualicen os datos de todos os vehículos da consellería tal e como se fixera no ano 2018 e se defina un plan de renovación do parque móbil con indicación das prioridades a ter en conta na substitución de vehículos.
  • No referente as medidas correctoras sobre o risco de picaduras das carrachas remitíronse aos distritos forestais trípticos informativos e modelos para solicitar medidas preventivas (pendente de incluír novos elementos). Desde a CIG solicitamos que se fagan extensibles estas medidas a todo o persoal de campo da consellería.
  • No tocante ás medidas correctoras sobre o risco das picaduras de vespa velutina acordouse establecer un protocolo para identificar o persoal de maior risco en base á zonificación, actividades que desenvolvan e temporalidade desas actividades. Unha vez detectado o persoal afectado encargaríanse os Kits correspondentes e realizaríase a formación axeitada para o seu emprego.
  • Revisouse a petición da CIG referente ao uso de pneumáticos de inverno en vehículos alugados das oficinas agrarias e veterinarias en zonas de montaña para diminuír o risco en determinadas condicións meteorolóxicas e de estado dos camiños, xa que na actualidade tan só se poñen pneumáticos normais para todos os vehículos. O presidente do comité indicou que entendía a petición pero que na actualidade o prego de condicións do aluguer nor permitía o cambio e que tería que contemplarse en vindeiros contratos. En todo caso, e tendo en conta o número reducido de vehículos afectados, tentaría buscarlle unha solución.
  • Ante a queixa das organizacións sindicais polo estado das instalacións e centros de traballo en determinados lugares, acordouse facer unha petición ás xefaturas territoriais do estado de todos os centros de traballo para ter unha radiografía do estado actual. En base a ese informe traballarase nun plan de mellora das instalacións.
  • Dentro de rogos e preguntas o presidente do comité indicou que a dotación de taquillas está pendente da dotación orzamentaria e do inicio do correspondente expediente de contratación. Con respecto á orde de uniformidade está pendente dun informe de orzamentos.
  • Ante os numerosos puntos que quedan pedentes e que non foron incluídos na orde do día, acordouse celebrar o seguinte comité na primeira quincena de abril.
  • Para calquera dúbida ou aclaración dos puntos tratados no comité, ponte en contacto con nós: contactar coa CIG.