Lugo
 

As consellerías de Medio Rural xunto coa de Medio Ambiente e Ordenación do Territorio e a Dirección Xeral de Función Pública presentaron unha reordenación das condicións de traballo abusiva, nas que, polo interese no aumento do alto risco de incendios, pretenden incrementar as gardas nun 50%, pasando inadmisiblemente o computo horario anual a máis de 2200h. Sen a reducción horaria das gardas de 12 horas nunhas condicións durisimas de traballo, a falla de compensación en tempo, a ridícula suba de apenas 3 euros por garda (o aumento non seria admisible nin por 100 que quede claro).

Por outra banda, dende a CIG vimos anos reclamando a suba dos niveis mínimos, o recoñecemento das enfermedades profesionais, os coeficientes redutores que permitan a xubilación anticipada e a equiparación do complemento específico a outras escalas de funcionarios semellantes da administraión autonómica, ademais se necesita un plano formativo para o traballo na interface e nos lumes de quinta e sexta xerazón uque é por desgraza a actualidade.

Varias compañeir@s delegadas da CIG, tanto bombeir@s como axentes, asistiron este sábado en Madrid a esta histórica manifestación na loita por unha imprescindíbel e xusta mellora xeral nos servizos de extinción de incendios de todo o estado.

A manifestación convocada en principio pola PASBF- Plataforma asociativa de sindicatos de bombeiros forestais- da cal a CIG é organización colaboradora, a que posteriormente se foron sumando os principais sindicatos do estado, celebrouse polas rúas de Madrid nun ambiente reivindicativo á vez que festivo, xuntando por primeira vez na historia da profesión a colectivos de todo o estado baixo unha principal reivindicación de recoñecemento profesional logo do veto exercido polo Partido Popular e Ciudadanos ao proxecto de lei para acadar un estatuto básico de bombeir@ forestal.

Na tarde de onte, Mércores 25 de abril, rematamos a xeira de contactos cos grupos parlamentares con representación no Parlamento Galego pola presentación da Pnl - proposta non de lei-  de formación para o Spdcif.

Desta vez cos Grupos parlamentares do Psdg- Psoe, e Partido Popular.

Completamos asía as xa publicitadas na semana pasada, acadando o apoio e compromiso por parte tamén do Psdg e do Partido Popular, ao igual que xa o fixeran nos pasados días, Bng e En Marea.

Queda así apuntalada lexislativamente a formación que nos corresponde no Spdcif, traballo que xa comezaramos na CIG fai uns anos, e que desencadeara a convocatoria dos competencias profesionais.

O grupo parlamentar do PP comprometeu de forma clara e manifesta o seu apoio a esta Pnl, manifestando como clave a formación e experiencia do Spdcif.

Dende o Psdg, tamén acadamos o seu visto bo, e aínda que ían estudalo máis a fondo, manifestaron que lles parecía unha petición máis que razoábel , polo que non debería haber problema para  aprobala.

Agardamos pois  que unha vez saia adiante, o goberno da Xunta tome nota e execute estas medidas de formación, artellando esta de forma tal que nun período relativamente curto de tempo, todo o Spdcif esté formado nos módulos e unidades formativas que recolle o R.D 624/2013.

O DOG do 23/04/2018 publica a Resolución da EGAP pola que convocan as actividades de formación continua para o persoal ao servizo da Administración xeral da Comunidade Autónoma de Galiza, das entidades instrumentais do sector público autonómico e da Administración institucional (ver anexo II).

O número máximo de actividades que se poden solicitar limítase a cinco. O prazo de presentación de solicitudes será de 10 días naturais a partir das 8:00 h. do día seguinte ao da publicación desta resolución no DOG e remata o 3 de maio ás 23:55h. 

As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo http://egap.xunta.gal/matricula.

O "II Acordo para a mellora do emprego público e condicións de traballo", asinado en Madrid por CCOO, UGT e CSIF, pon en perigo a convocatoria do concurso de traslados horizontal.

Na enésima xuntanza polos criterios xerais dos concursos de traslados que tivemos o 18 de abril de 2018, Función Pública manifestou que pretende eliminar o concurso de traslados horizontal de persoal laboral recollido no V Convenio Convenio Colectivo.

A xustificación que dá Función Pública é que a convocatoria do concurso horizontal causará problemas na aplicación do acordo de estabilidade.

A solución de Función Pública pasa por contar co beneplácito das Organizacións Sindicais para recortar unha vez máis o V Convenio e eliminar de xeito “transitorio” o concurso horizontal. Así, na vindeira semana remitirá unha proposta neses senso.

A CIG rexeita recortar o V Convenio e considera un insulto e unha ofensa para o persoal laboral que despois de seis anos agardando polo concurso de traslados, Función Pública pretenda sacar adiante un concurso capado e só para os grupos IV e V.

A desfeita sería considerable tendo en conta que este podería ser o último concurso de traslados de moitos laborais de facerse efectiva a funcionarización que pretende executar Función Pública e da que non temos máis que o nome.

Dende a CIG esiximos con carácter inmediato un concurso de traslados de todos os grupos e categorías con carácter anual, tal e como recolle o V Convenio.

Agardamos non ser os únicos nesta demanda....

Bases xerais de concursos de traslados

Cinco meses e medio despois da anterior xuntanza, función pública convócanos a negociar estes futuros criterios comúns a todos os concursos de traslados sen que teñamos unha nova proposta, limitándose o Director Xeral de Función Pública (DXFP) a facer un repaso do estado do último borrador (de data 8/11/2018).

Na nosa intervención, a CIG fai tamén un repaso das nosas demandas, expostas nas catro xuntanzas que xa tivemos e nos tres escritos de alegacións presentados, e que mantemos no seu conxunto:

  • Os méritos específicos están sobrevalorados e non existe alternativa mediante formación a quen non teña experiencia.
  • Os incrementos de grao tamén están sobrevalorados pois cada un equivale a un ano de servizos.
  • O traballo desenvolvido está excesivamente desequilibrado: o valor de un ano traballado en nivel 26, que resulta equivalente a un ano de servizos, ten o mesmo valor que multiplicar por 17,5 o valor de un ano en nivel 10.
  • Para a reunificación familiar non se teñen en conta os concellos limítrofes cando na localidade interesada non existen postos. E non contemplan ter persoas maiores a cardo ou discapacitadas.
  • A formación non pode caducar aos 10 anos. E teñen que incorporar as escolas de idiomas e as titulacións académicas.
  • ...

Nestes últimos días, a CIG foi recibida polos grupos parlamentares de Bng e En Marea , logo que solicitaramos xuntanza para presentar a Pnl de Formación no Spdcif que rexistrada no Parlamento días atrás.

Seguindo a senda das accións iniciadas aló por Febreiro do 2016, cando conseguiramos logo tamén de presentación de Pnl o apoio de tódolos grupos parlamentares para que se incluíra dentro da programación formativa a cualificación profesional  "operacións de vixilancia e extinción e apoio as continxencias do medio natural e rural", vimos agora de rexistrar Pnl (proposición non de lei) para que o Spdcif teña acceso aos módulos formativos que compoñen esta cualificación profesional.

Dende a CIG levamos varios anos explorando tódalas vías para que o Spdcif teña a formación que lle corresponde profesional e legalmente.

Unha vez encadradas na categoría profesional que nos corresponde  -pendentes de modificación da Rpt-, seguimos facendo camiño.

Comeza a andar o grupo de traballo para a elaboración dos pregos de roupa, un ano despois do previsto e logo de ter presentado achegas e numerosas queixas por parte das OOSS polas carencias e incumprimentos así como a pésima calidade do escaso material reposto nos últimos 10 anos.

Este grupo de traballo do Comité de Seguridade e Saúde Laboral esta conformado por un delegado de prevención de cada organización sindical e as xefaturas provinciais.

A roupa de tarballo e calzado, polas características de traballo no exterior, de identificación perante os cidadáns, de riscos biolóxicos e penetración de espiños, que ten que ser portada durante toda a xornada...son un Equipo de Protección Individual imprescindible para o persoal que traballa nos nosos montes e ríos ademais dos centros como recuperación de animais ou parques naturais... Porén o persoal técnico non esta no primeiro documento nin se prevé a súa dotacion inmediata dende a consellería polo que, dende a CIG reiteramos este EPI para todo o persoal que fai tarefas de campo segundo a avaliación de riscos laborais, como tamén xa o temos demandado no CSSL da CMAOT e nas achegas presentadas aos documentos iniciais.

O luns 16 de abril asistimos a unha xuntanza convocados pola Dirección Xeral da Función Pública (DXFP) á que asistiu tamén por parte da Consellería do Medio Rural, o director xeral de Ordenación Forestal, a xecretaria xeral técnica e o subdirector de persoal. Pola parte social asistiron as catro organizacións sindicais con representación no sector.

Comezou a xuntanza o DXFP cun breve relatorio no que explicou os puntos básicos a tratar na xuntanza. Temos que dicir que chegamos sen documentación previa. Os tres puntos eran os seguintes:

  1. Aumento do tempo de traballo ao persoal fixo discontinuo de tres meses, sendo este progresivo: catro meses no 2018, cinco meses no 2019, seis meses no 2020.
  2. No ano 2019 todo o dispositivo de extinción da Xunta será xestionado por medio Rural. As funcións de extinción neste momento asumidas por Seaga, pasarán a ser contratadas pola Xunta, facéndose a cobertura polo decreto de listas. Estas prazas comezarían no 2019 tendo nese ano ao igual que os fixos discontinuos 5 meses, e 6 meses no 2020.
  3. Reestruturación do número actual de compoñentes das brigadas de 7 a 5.

O xoves 12/04/2018 asistimos a unha xuntanza convocados por Medio Ambiente interesada en coñecer as posturas dos representantes dos traballadores sobre as funcións da escala de gardas de recursos naturais.

En realidade, o que busca Medio Ambiente é trasladar ás organizacións sindicais un problema creado por eles mesmos cando unilateralmente, sen negociación, decidiron crear a escala na Lei de medidas fiscais e administrativas do ano 2018 (coñecida como Lei de Acompañamento). Tres meses despois de publicada a lei, decátanse de que o texto publicado recolle unhas funcións diferentes das aprobadas polo Parlamento, ao esqueceren, segundo afirman, de transcribir unha emenda que fora aceptada en trámite parlamentario.

A CIG reclamou o cumprimento do acordo pactado entre Sindicatos e Administración no ano 2008 polo que se procedería á reclasificación do actual grupo V de vixiantes, acordo incumprido pola Administración. Lembramos as nosas alegacións á Lei de Acompañamento do 2018, onde defendiamos a retirada da creación da nova escala, a renegociación total desta, incluíndo as funcións, e o cumprimento do acordo do 2008. O Partido Popular tirou para adiante sen facer o máis mínimo caso ao solicitado polos representantes dos traballadores.