Novas por contido

O luns, 26 de marzo, tivo lugar unha xuntanza ordinaria do comité intercentros de saúde laboral no que se trataron os seguintes temas: debate sobre a memoria da actividade preventiva do ano 2011, modificación dos comités de prevención, roupa de traballocampaña de vixiancia da saúde.

Debate sobre a memoria da actividade preventiva do ano 2011

Accidentabilidade

Durante o ano 2011 prodúcese un aumento dos accidentes a finais de ano. A Consellería de Medio Rural é na que se producen a maioría dos accidentes graves. No apartado de accidentes veñen recollidos 70 en Comarcas Forestais, este dato non é aclaratorio posto que non especifica en que categorías se producen. Pídese o SPRL que aclare este dato.

Na consellería de Traballo, a segunda en número de accidentes, istes non están ben disgregados por categorías, pídese ao SPRL (Servizo de Prevención de Riscos Laborais) que aclare este dato.

A importancia da segregación de datos de accidentes por  categorías ven dado por que a acción preventiva débese facer por categorías e Servizos.


Avaliación de Riscos

Realizáronse tódalas avaliacións programadas e a maiores as solicitadas polos distintos CSSL (Comités de Seguridade e Saúde Laboral)

O Xefe do SPRL, informa de que estase a traballar nunha mellora do formato das Avaliacións de Riscos, na procura de que sexan  facilmente integrables no traballo diario. Incrementarán o número de fichas por posto.

Volvemos a repetir por enésima vez que, é importante que se realicen as avaliacións de riscos, pero que máis importante é que se leven a cabo as medidas correctoras dos Plans de acción. Gastánse recursos en facer avaliacións de riscos que por incumprimento das obrigas da Administración non teñen consecuencias en materia de prevención. E dicir, todo sigue sen arranxarse.

Vixilancia da Saúde

No momento da finalización da Memoria faltaban os datos de Ourense, polo que  o número de revisión médicas realizadas débese incrementar con eses datos.

O SPRL modificará o método de asignación de posto nas adscrición por causas de saúde. Avaliaranse os postos e consideraranse as tarefas que se podan desenrolar.

Pídese a apertura dunha Mesa de Negociación para tratar as adscricións por cambio de posto da lei 25/95.


Formación

Persoal de novo ingreso. O persoal de novo ingreso fai formación en PRL. Detéctase que algúns empregados de novo ingreso non realizou a formación, decídese que se fagan as xestións oportunas para solucionar isto.

Na Consellería de Medio Rural programarase a formación en función das solicitudes do CSSL.


Outros

Informan dende o SPRL  que se potenciaran os Plans de Medidas de Emerxencias e os simulacros, intentarase que se realicen polo menos cada tres anos.


Modificación dos Comités de Prevención

A administración propón a redución de CSSL a un por Consellería e o de Incendios. Opoñémonos taxantemente. En primeiro lugar, supón unha redución do número de delegados/as o que dificultaría inda mais a labor en materia de prevención. En segundo lugar, a representación nestes comités ven dada dunhas eleccións sindicais, e ata que se volvan a producir non se poden modificar a representatividade.

Escrito de solicitude de roupa de traballo

Este punto retírase posto que xa foi aprobado pola Paritaria.

Varios

Informan dende o SPRL que  MUGATRA foi a adxudicataria do concurso para a prestación dos servicios en Materia de PRL.  En breve, comenzará a campaña da VIXILANCIA DA SAÚDE.

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...