Novas por contido

A CIG solicita información sobre a licitación deste contrato nos termos que se solapan coas funcións propias dos empregados e empregadas públicas.

No DOG do 25/05/2012 sae publicado o anuncio de licitación para a contratación do servizo para o apoio nas tarefas de análise e sistematización dos expedientes propios do Xurado de Expropiación de Galicia. O valor estimado do contrato é de 346.156,40 € e o prazo de execución de 12 meses, con posibilidade de prórroga.

Consonte á información do prego de cláusulas técnicas, o obxecto é o tratamento dus 5000 expedientes (escaneado e marcaxe, obtención de datos xerais da expropiación, carga de datos, análise, obtención de datos do mercado...) Para iso se demanda como mínimo 1 administrativo/a e 4 persoas con algunha das seguintes titulacións: arquitectura, arquitéctura técnica, enxeñería superior, enx. téc. forestal, enx. téc. agrícola ou licenciado/a en Dereito. Todas elas categorías para as que existen profesionais dentro da propia Xunta e, no caso de ser necesario, listas de contratación.

Vai dúas semanas volviamos denunciar a outra cara da mesma moeda da externalización dos servizos públicos: as encomendas de xestión. Desta volta, atopamos a outra variante coa que a Xunta soe deixar aparacados aos empregados e empregadas públicas nas funcións que lle son propias: as asistencias técnicas. Parece que para iste xeito de entender os servizos públicos non existen tantos remordementos orzamentarios como para facer uso das listas de contratacións públicas

Hai que ter en conta tamén que, desde o punto de vista económica, unha asitencia técnica soe cobrar bastante menos que o peroal propio pero o resultado final da factura é moito maior xa que se atopa unha desmesurada plusvalía para a empresa adxudicataria; unha empresa que, sensu estrito, funciona coma unha ETT. Por outro lado, atópanse as consideracións sobre a lei de protección de datos, xa que se están a manexar datos persoais nos expedientes de expropiación desde unhas mans que son alleas ao deber de sixilo e ao coñecemento da normativa e do funcionamento das Administracións públicas, propio das empregadas e empregados públicos.

Dada a opacidade deste tipo de contratos en canto a que parte delas pode ser realmente desenvolta por persoal propio así como a problemática laboral de indefinicións que se crea sen que se esixa ningún tipo de responsabilidade política ou penal, a CIG-Autonómica solicitou información sobre este proceso de licitación. Entre a información demandada atópase a súa xustificación técnica, na que conste que non poden ser asumidas por medios propios, así como as medidas que se tomarías para evitar futuros problemas de demandas laborais de indefinición.

Non entendemos compatible os continuos recortes sobre os empregados e empregadas públicas co mantemento e potenciación de determinadas figuras de externalización dos servizos púlbicos, non sendo que o que se busque sexa acabar coa figura do empregado e empregada pública para fomentar o negocio cos serivzos públicos e a arbitrariedade na súa xestión. E por suposto, seguimos a reclamar á Xunta a posta en marcha dunha comisión de control para estes casos.

Nota remitida aos medios

Outras novas recentes

Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...