Novas por contido

Lei de medidas no emprego público, recortes nos servizos públicos e porén a Xunta mantén inalterable as partidas orzamentarias para subvencións aos medios de comunicación.

No DOG do 08/06/2012 publícouse a resolución da Secretaría Xeral de Medios que convoca axudas económicas, en réxime de concorrencia non competitiva, destinadas a empresas xornalísticas e de radiodifusión para o ano 2012. Desta resolución coñécese a cantidade destinada para tal fin  posto que as bases foran xa publicadas con anterioridade no DOG do 23/05/2012. Comparativamente co ano 2011, tamén dos datos sacados do DOG, obsérvase que a cantidade destinada non varía: 1.720.035€.

Entre os criterios para recibir estas axudas, observamos que o principal é o número de persoas lectoras, ouvintes ou visitantes (no caso de medios electrónicos). Xa que logo, foméntase públicamente o "status quo" do actual escenario informativo, no que os grandes grupos volverán a arrasar levándose cartos das arcas públicas; algún dos cales é xa de sobra coñecido pola súa teima nos ataques á dignidade do colectivo das traballadoras e traballadores públicos e a súa desaforada defensa das políticas da Xunta de Galiza.

Ao marxe das axudas que se establecen a través desta resolución, hai que ter en conta a cantidade de diñeiro de díficil control e seguimento que supón a publicidade institucional que contratan as diferentes consellarías: anuncios e campañas que teñen pouco de informativas e moito de botarse flores sobre as políticas desenvoltas.

Dentro do actual panorama económico, e particularmente dentro da Administración galega, ás empregadas e empregados públicos resúltalle incomprensíbel que se recorte en servizos públicos esenciais e nos seus propios dereitos para manter outros gastos superflúos como a subvención aos medios privados.

Durante as mobilizacións contra a Lei de medidas, e froito das asembleas, propúxose un proxecto de lei de contramedidas; entre elas estaba acabar coa prensa subvencionada. Esta medida non só suporía un evidente aforro, senón un acto saludábel na liberdade de prensa e na contribución a facer do xornalismo en Galiza unha feramenta para a información obxectiva e veraz, non sometida a presióńs políticas que compran portadas cos cartos (e os recortes) de todas e todos.

Outras novas recentes

Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...