Novas por contido

Desde a entrada de funcionamento da Axencia de Modernización Tecnolóxica de Galiza (AMTEGA) son varios os golpes de timón que se ten dado na organización de persoal e moitas veces nin os mandos intermedios saben que decirlle ás traballadoras e traballadores sobre cuestións tan sinxelas como onde van traballar, a quen teñen que solicitar as vacacións ou de quen dependen. Estas circunstancias fan que entre o persoal informático rebautizaran esta axencia como mAMTEiGA.

Desde o 13 de marzo, que a CIG solicitou por escrito información sobre a súa posta en funcionamento e a reorganizacion/recolocación dos postos de traballo afectados, fixemos varios contactos telefónicos con responsables desta axencia ata que conseguimos unha data para unha xuntanza: o 9 de maio. En principio nese día achegaríannos o proxecto de RPT que foi sucesivamente presentado entre o persoal informático e que causou bastante polémica na participación do persoal externo e máis na reconfiguración dos postos.

Recentemente, mandaron unha notificación, canto menos aos xefes territoriais, informando de que o persoal informático pasaría a depender da AMTEGA o 9 de xuño con efectos administrativos e o 1 de xullo con efectos económicos. Porén, de momento ninguén notificou aos traballadores e traballadoras afectadas ese cambio como soe ser habitual nun cambio destas características. Algo que non resultaría moi complicado de facer elctrónicamente e máis para a axencia que supón que vai asumir todas as competencias informáticas da Xunta de Galiza e os seus entes instrumentais.

Desde a CIG-Autonómica, na última Comisión de Persoal, expuxemos estas queixas e solicitamos que se lle comunique aos traballadores este cambio. Por outra banda, insistimos na necesidade de impulsar canto antes a negociación da RPT de xeito que non se nos presente unha proposta pechada.


Outras novas recentes

Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.