Novas por contido

Comunícanos Función Pública a data do 30 de novembro para o acto de elección de destino para os seguintes procesos selectivos:

  • Corpo auxiliar da Xunta de Galicia, subgrupo C2 (OPE 2009). Ver listaxe de postos

  • Corpo de xestión de administración da Xunta de Galicia, subgrupo A2, escala de xestión de sistemas de informática (OPE 2011) Ver listaxe de postos

  • Corpo facultativo de grao medio da Xunta de Galicia, subgrupo A2, escala de enxeñeiros técnicos de obras públicas (OPE 2009) Ver listaxe de postos

Salvo o corpo auxiliar para o que a elección de destino se ofertará destino definitivo, para as escalas de A2 informática e ETOPS ofertarase en destino provisional. Cómpre destacar que estos destinos provisionais son a consecuencia da desmesurada demora na convocatoria dos diferentes concursos de traslados que supera ampliamente o prazo legal.

Engade Función Pública no seu comunicado unha serie de observacións ao respecto dos postos que decaen das listaxes orixinais. O máis destacable é con relación á escala do A2 informática do que eliminan unha serie de prazas porque "van ser modificadas sustancialmente e/ou amortizadas" na vindeira elaboración da RPT da Axencia de Modernización Tecnolóxica. Desde a CIG-Autonómica denunciamos esta práctica habitual, por parte das diferentes consellarías ou entes, de "apartar" postos baixo esta xustificación sen que haxa unha negociación en marcha nin unha data orientativa para levala a cabo. Por outra banda, a dita actitude resulta paradigmática da privatización galopante de certos servizos públicos onde as amortizacións están sendo moi agresivas por parte da Xunta.

Decaen das listaxes orixinais os seguintes postos:

  • A2 informática: CU.C04.00.006.15770.006, ED.C02.00.004.15770.012, ED.C02.00.004.15770.049, TR.C02.00.005.15770.036 e TR.C02.00.005.15770.049. Motivo da Administración: estas prazas van ser modificadas sustancialmente nas súas características e/ou amortizadas.

  • A2 ETOPs: MA.X99.10.001.15001.018 Motivo da Administración: está ocupado por un funcionario interino con estabilidade (disposición transitoria 8ª do Texto Lexislativo 1/2008 do 13 de marzo), polo que éste tería que ser readscrito, e tendo en conta que o destino se adxudica ao persoal de novo ingreso con carácter provisional e non definitivo, procédese a excluir o dito posto da relación orixinal.


Outras novas recentes

Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...