Novas por contido

- Prevista a súa publicación antes de rematar o mes de febreiro.
- Con moitas prazas vacantes retiradas negándosenos os argumentos das consellarías.

- Haberá un concurso "específico" para determinados postos.

- Nalgúns aspectos, feito para primar a libres designación.

- Hai prazas dotadas pero sen crear na Relación de Postos de Traballo dende fai anos e que por tanto non sairán no concurso.

O concurso de corpos xerais pasou pola Mesa Xeral do luns 18 de febreiro, e, coa Comisión de Persoal convocada para o mércores 20, agardamos que estea publicado no DOG antes de rematar este mes.

Será lembrado como concurso do recorte, das prazas agochadas, amortizadas e até reservadas que xenerará numerosas comisións de servizo. Teoricamente promovido pola Dirección Xeral da Función Pública pero na realidade impulsado pola de Orzamentos, coa clara intención de xenerar novas vacantes para amortizar postos.

 

Por se non abondase coa eliminación de postos, retiran determinadas prazas, como as habilitacións, supostamente para convocar un posterior concurso "específico", o que nos lembra o ocurrido coas xefaturas de servizo na primeira lexislatura de Feijoo: pasaran a ser de concurso co bipartito pero o novo goberno retirounas do concurso porque ían convocar un específico para estes postos, sendo o resultado final a reforma da Lei da Función Pública para que os servizos volvesen a ser de libre designación. É o mesmo goberno, con xustificacións similares, e os antecedentes non nos facilitan a boa fe.

As bases, que nunca serán a gusto de todos e todas, favorecen nalgúns aspectos ao persoal que ocupou ou ocupa postos de libre designación, quenes non terán que agardar dous anos no último destino para poder concursar:

  • Grao persoal: a puntuación máxima obtense co grao 30 (director/a xeral), algo que non está ao alcance de quen non teña un bo padriño.
  • Traballo desenvolvido: calquera funcionario/a que fose libre designación vai conseguir un extra de puntuación para os postos de concurso equivalente a bonificarlle cun 233% cada ano traballado en LD.
  • En medidas de conciliación, ao tempo que rexeitan atender certas circunstancias que demandamos, bonifican a reunificación co cónxuxe ou parella ao noso entender excesivamente (equivalente a 3,3 anos de antigüidade).
  • Seguen sen aceptar valorar a formación por horas reais en vez do actual sistema de tramos. Tampouco aceptan ampliar as modalidades formativas ou os certificados de competencia.
  • Castiga aos funcionarios/as que, polo mal funcionamento da propia Administración, estiveron forzados a botar anos en destino provisional.

 

En definitiva, os responsábeis políticos da Administración Galega van impoñernos un concurso de traslados sen ter en conta as numerosas alegacións presentadas pola CIG.

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...