Novas por contido

Compostela é a segunda cidade galega en número de persoas desempregadas

A cidade de Compostela ven de acadar, segundo a EPA, o 27,2% de traballadores e traballadoras en situación de desemprego, só superada pola cidade de Ferrol que lembremos leva décadas castigada polas mal chamadas reconversións da construcción naval. A situación que esta a padecer Compostela está a arrastrar ao conxunto dos concellos da nosa comarca.

En liñas xerais os concellos estanse a limitar a facer seguidismo das políticas de recorte emanadas dende os gobernos que o PP exerce con maioría absoluta tanto na Xunta como no goberno do estado, e polo tanto acrecentando as desigualdades sociais, a desprotección social e o empobrecemento.


O desemprego na maioria dos concellos da comarca incrementouse dende 2007 entre o 70% e o 110%

A nosa comarca depende fundamentalmente de tres actividades económicas: o emprego publico, á construcción e o sector turistico. Neste panorama os recortes de persoal e económicos nas administracións públicas, o colapso da "burbulla inmobiliaria" e a diminución dos ingresos provintes do turismo, -engadido o escasísima presenza histórica do tecido industrial- están a conducir á comarca ao abismo, xa que estes sectores arrastran outros como o comercio, o téxtil, o metal, a pequena hostelaría, ... De aí que nestes últimos tempos foran tantos os EREs, os despedimentos e as rebaixas de salarios e condicións laborais.

Aínda tendo en conta que as capacidades de lexislar en materia laboral por parte dos concellos non é moita, fronte ao anterior temos que constatar a case nula iniciativa dos gobernos municipais de cara a estabelecer medidas que revirtan esta situación ou medidas que servan para minimizar os seus efectos sobre as clases populares. Tamen é un dato constatabel que case ningún goberno municipal da comarca ten alzado a voz contra as políticas de recortes que sistematicamente se nos veñen impondo.

Mención aparte merece a situación de corrupción e colapso que se está a evidenciar no goberno municipal de Compostela, mais pendente de fuxir das responsabilidades penais que de adoptar medidas que reconduzan a gravísima situación que estamos a padecer.

Paralos e reverter esta situación depende de nós

Cando boa parte dos gobernos locais, galego, do estado ou institucións europeas están ao exclusivo servizo do gran capital financeiro, comportándose como auténticos monicreques da banca, aos traballadores e traballadoras e ás clases populares só nos queda, para defendérmonos, pasarmos á ofensiva na defensa dos nosos dereitos en todo os ámbitos, empezando pola rúa. O que queren é vernos na casa e que cunda o discurso derrotista de que non se pode facer nada.

Evento no facebook para compartir e difundir.

Manifestacións 12 de xuño:

  • Compostela, ás 20:00h, con saída da Praza Roxa
  • Ribeira, ás 20:30, con saída da Praza do Peixe

 

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...