Novas por contido

Dende a Cig de Ourense queremos expresar a nosa mais firme protesta ante a suposta contratación no ano 2013, sobre todo na perigosa temporada de alto risco, de brigadas municipais de prevención e extinción de incendios forestais por parte de diferentes empresas privadas.

Nos dende a Cig Ourense sempre manifestamos que o tema do lume forestal en Galiza é un tema moi complexo, pero o que si ten que ter unha perfecta claridade é desvincular totalmente o lume e todo o que o rodea de actitudes mercantilistas que fundamentalmente buscan o negocio económico.

Outro tema moi grave consiste en ter o sistema de prevención e extinción de incendios forestais con múltiples empresas para levar a cabo os traballos necesarios para unha labor tan importante e fundamental para a riqueza medioambiental e patrimonial da nosa terra.

Os datos demostran que por desgracia a nosa terra e concretamente a provincia de Ourense é o territorio de Europa que mais incendios soporta ao ano.

O operativo, que ata o ano 2005, fundamentalmente estaba composto ao 80 % por persoal da Xunta de Galiza e reforzado con contratacións temporais en épocas  de alto risco por parte da mesma Xunta de Galiza permitiu que iste sistema, aínda que soportando practicamente a metade dos incendios que se producían en España, conseguía reducir a superficie queimada por incendio a unha media de 2,6 Hectáreas.

A partir do ano 2006 en adiante a disgregación do operativo en múltiples empresas (SEAGA, TRAGSA, Natutecnia, ect...) trouxo unha diminución paulatina da eficacia na extinción de incendios chegando a valores, nos últimos anos de case 6,2 Hectáreas por incendio.

O noso sindicato parécenos que ante os datos aportados e contrastados non é de recibo fomentar cada vez mais a atomización dun servizo tan importante para a defensa do noso patrimonio forestal, xa que calquer atomización trae consigo de forma automática unha descordinación importante así como unha diminución manifesta da eficacia do servizo e aínda mais introducir nun drama tan grande para o noso territorio o concepto posible do lucro económico, a costa, dos nosos montes.

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...