Novas por contido

Función Pública abriu un prazo extraordinario de enmenda da solicitudes ao marxe das bases da convocatoria para a xente que ten obriga de participar no concurso [sic].

Nun exercicio de transparencia sen igual, Función Pública decidiu remitir unha notificación individual a todos aqueles participantes no concurso de traslados que tiñan a obriga de participar e solicitar todas as prazas da súa localidade, ben de destino actual ou anterior, e que están actualmente na situación de adscrición provisional ou a dispor derivada dun reingreso na Administración, cesados dunha Libre Designación ou por supresión do posto de traballo, tal e como indica a Lei de Función Pública de Galiza.

O total de persoas que recibiron esta notificación foron 90, dun número aproximado de 600 que están na situación antes indicada, coa obriga de concursar e con esas  determinadas condicións. As consecuencias de non facelo, tal e como obriga a normativa actual, son gravísimas, xa que supón quedar en excedencia voluntaria por interese particular, o que supón ir dous anos como mínimo á rúa. Nunha época de amortizacións e desmantelamento dos Servizos Públicos, como a que estamos a vivir actualmente, pode supor a práctica condena a perder a condición de funcionario de xeito indefinido.

A CIG non pide de ningún xeito que se produza esta situación, aínda que temos que lembrar que esta modificación da Lei da Función Pública que dá lugar a estas situacións foi aprobada polo polo Parlamento a instancia do PP. Non entanto, pedimos que se teña en conta e se fagan valer tamén os dereitos de todas e todos aqueles que se poidan considerar afectados por esta situación, o resto de solicitantes que pode ver condicionada a praza que obteñan na resolución do concurso por esta actuación unilateral e non publicada por parte da Dirección Xeral da Función Pública. Hai que valorar todas as situacións individuais e pensar nas consecuencias que poden ter.

Dende Función Pública se nos comenta que non era a intención causar ningún balbordo pero o caso é que se montou. Dende a CIG se lles pediu que se fixese pública esta situación, xa que todas as fases do concurso así o son, ademais da concorrencia competitiva que implica que así se ten que facer, en aras de que non se xudicialice nin se paralice este concurso. Non o van facer.

Asegura Función Pública que o persoal que recibiu a notificación non poderá variar de ningún xeito a súa solicitude inicial. Tamén temos que informar que sobre 12 ou 13 persoas recibiron esta mesma notificación, ao estar na mesma situación, no concurso de corpos especiais.

Dende a CIG, por último, informamos que os nosos servizos xurídicos están a estudar esta actuación por parte de Función Pública, así como as posibles consecuencias que esta pode conlevar. Así mesmo, estes mesmos servizos están a dispor de todos os nosos afiliados para que fagan a consulta que estimen necesaria no caso de que se vexan afectados por esta actuación.

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...