Novas por contido

CONCURSO XERAL

Van pasarnos o listado dos 55 postos retirados das resultas por “modificación substancial” (25) ou “proposta de amortización” (30). Tomas de posesión a finais de marzo.

Sobre as LDs din que aínda están renunciando pero con esas prazas non se vai facer 2ª resultas (quedan para o próximo concurso) E mentres sae ese “novo concurso” irán para o mercado negro das comisións de servizo.

Sobre as persoas que non renuncien din que van informar negativamente de todas as comisións que pidan para que non poidan volver a LD en comisión de servizo mentres apalancan unha sección... excepto nalgúns casos (dos que non dan exemplos).

Do posto que por erro meteron na resolución definitiva din que están a buscar unha solución e que a semana que vén van informar de como pensan solucionalo (pero pasa en todo caso por solucións individuais sen modificación da resolución).

Dos postos de sección A1-A2-C1 do Servizo de prevención que pecharon a A1-A2 por mandato xudicial, van remitir a sentenza (botouse en falta unha publicación no DOG avisando do cambio nos postos).

TOMAS DE POSESIÓN DEFINTIVAS: Enviarán os postos por correo e teremos ata o martes, 11 de marzo, para alegacións. Os actos de elección de destino e as tomas de posesión serán conxuntas coas do concurso xeral que estiman que nun par de semanas poidan sacar para adiante.

  • A2 LIBRE 2009 (15 persoas en provisional): van ofrecer 20 e pico de postos de niveis 16, 18 e 20 sobrantes do concurso.
  • C1 CONSOLIDACIÓN 2008 (60 persoas en provisional): teñen só 34 postos sobrantes do concurso de traslados polo que van a incluír 45 máis sobrantes das resultas das resultas (niveis 14 e 16 en Compostela)

PROCESOS SELECTIVOS:Teñen previsto mandar borradores nos vindeiros meses das seguintes convocatorias: a) da OPE 2011: Bibliotecas, Arquivos, Minas, Telecomunicacións, Topografía  b) da OPE 2013: Letrados/as e c) promoción interna acumulada de corpos xerais das OPEs 2009, 2011 e 2012.

INSTRUCCIÓNS FLEXIBILIDADE e TELETRABALLO: Nuns días achegarán o borrador (semana do 10 ao 14 de marzo).

ORDES DE INTEGRACIÓN: Van enviar un modelo de orde e tratar a integración de preto de 150 traballadoras e traballadores dos seguintes chiringuitos extintos (Fundación Galicia Emigración, IET, EPOS, Axencia Humanitaria, xerentes das Fundacións Comarcais e Xestures)

RPTs: En marzo-abril van levar á Mexa Xeral: modificación da Consellaría de Presidencia e da AGASP (Academia Galega de Seguridade Pública), a de Traballo e Benestar e a da CMATI. Non informan de cando irá á Mesa a proposta de RPT do persoal laboral de centros de Educación.

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...