Novas por contido

A Xunta de Galicia ultima o anteproxecto da Lei de Emprego Público de Galicia, onde entre outros graves recortes e retrocesos para o persoal da administración pública, temos que salientar a DEROGACIÓN DA LEI DA ESCALA DE AXENTES FACULTATIVOS MEDIOAMBIENTAIS.

Logo de máis de 20 anos de loita para procurar unhas mellores condicións para o colectivo de axentes forestais en apenas dúas semanas destrozan e dilapidan a súa base: a especialidade na titulación requirida. Ademais rebaixan a titulación mínima esixida nas  escalas, e a abren tamén a tódalas titulacións superiores.

Deste xeito nos quedamos de novo no Ciclo Medio, co que os esforzos do colectivo en canto a formación e a oposición pola integración da escala de axentes forestais na de axentes facultativos medioambientais quedan en nada.

Unha lei de Emprego Público imposta, sen negociación real, á que tódalas organizacións sindicais dixemos NON!

Convocámoste a asembleas en tódolos distritos, co obxecto de informarte e deseñar xuntos a loita e defensa do colectivo de axentes forestais e axentes facultativos medioambientais da Galiza.

Datas e horarios das asembleas en Ourense:

O CARBALLIÑO: Oficinas do Distrito Forestal XI, 3 de novembro ás 9:00 h

OURENSE: Oficinas do Distrito Forestal XII, Lonia s/n, 3 de novembro ás 12:00 h

BANDE: Oficinas do Distrito Forestal XV, 4 de novembro ás 9:00 h

VERIN: Distrito Forestal XIV, 4 de novembro ás 12:00 h

O BARCO DE VALDEORRAS: Distrito Forestal XIII, 10 de novembro ás 10.00 h

 

Outras novas recentes

Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...