Novas por contido

O Grupo Parlamentario Popular presentou unha emenda ao proxecto de lei de orzamentos da Xunta de Galiza para o ano 2015 que introduce un novo recorte nas condicións laborais do persoal, neste caso do que presta os seus servizos no SPDCIF (servizo público de defensa contra incendios forestais). Será a maioría absoluta do PP a que aprobe e incorpore o articulado definitivo á lei de orzamentos.

O Comité Intercentros do persoal laboral da Xunta tivera unha xuntanza con todos os grupos parlamentares o pasado martes 11 de novembro. A pesares de que o grupo parlamentar do PP entendeu as penurias dos traballadores e traballadoras que traballan as 24 horas do día e os 365 días do ano, como consecuencia da suspensión do artigo 19.1º parágrafo do Convenio Colectivo (a saber, descanso de dous días continuados á semana e compensación dos domingos e festivos traballados), e sendo que a suspensión do dito artigo 19 non afectaba ao persoal do servizo contra incendios por teren estes o seu propio acordo, o PP introduce no último momento do trámite parlamentar unha disposición adicional, a décimo terceira, para incrementar a precarización das condicións de traballo.

Dita adicional, a maiores de manter a suspensión do artigo 19 do V Convenio, tamén suspende o artigo 3.3.8 do acordo polo que se establecen as condicións especiais de traballo do persoal do SPDCIF, o que supón que, coa entrada en vigor da lei dos orzamentos da Xunta de Galiza para o ano 2015, este persoal da loita contra incendios terá un descanso semanal de día e medio en lugar dos actuais dous días que tiñan ata agora.

Polo ben dos nosos bosques, polo ben de Galiza, tan só podemos desexar que veña un verán húmido e fresco, porque vai ser difícil exixirlle máis esforzo a quen chega a ter unhas xornadas laborais excesivas, mal comidos e mal bebidos no medio do monte, ao tempo que se lle reduce o descanso.

Se por nos fora, mandabámolos a eles a apagar o lume, a limpar cueiros, a atender as persoas con deficiencia ou dependencia, a limpar letrinas, .. Veriamos como o cansancio e a falta de descanso facialles mudar de opinión.

Outras novas recentes

Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...