Novas por contido

A CIG gaña unha sentenza que obriga á fundación Centro Tecnolóxico Agroalimentario de Lugo (Cetal) a repetir un proceso selectivo para cubrir unha praza de Técnico Superior por utilizar dun xeito abusivo a entrevista persoal.

A convocatoria incluía dúas fases, a primeira na que se baremaba a formación, cun máximo de 18 puntos. E a segunda, unha entrevista persoal, que tamén puntuaba un máximo de 18 puntos.

A xuíza afirma que os principios de igualdade, mérito, capacidade e publicidade vense conculcados nun sistema de selección no que a segunda fase carece de obxectividade, “dado que se trata dunha entrevista persoal que ten natureza subxectiva obvia… e se converte en decisiva na puntuación total”.

Esta sentenza é do 31 de marzo de 2015 e a fundación Cetal segue sen executar a sentenza. Ante esta situación a  CIG presentou o 21 de outubro unha petición ante o xulgado para que requira á fundación a que acate a sentenza.

Os responsábeis políticos das Administracións utilizan todos os medios á súa disposición para furtar os principios básicos de igualdade, mérito, capacidade e publicidade á hora de acceder aos postos de traballo no sector público. E ademais néganse a acatar as sentenzas xudiciais. Menudo xeito de promover a boa imaxe e a confianza das cidadás e cidadáns na Administración.

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...