Novas por contido

A Inspección de Traballo resolve a denuncia que presentou a CIG no mes de xullo e require á Xunta, e ao responsable en COVID, Emilio de la Iglesia Lema que dote de máscaras a todo o persoal que traballa nos centros administrativos sexa cal sexa a súa función, escala ou categoría.

Así na súa resolución da denuncia contra a Vicepresidencia primeira e Consellería de Presidencia, Xustiza e Turismo, a Inspección de Traballo sinala a esta persoa coma responsable de asegurarse da dotación de máscaras e medidas preventivas a todo o persoal.

Dende a CIG xa solicitamos o arranxo esta cuestión no ultimo Comité de Seguridade e Saúde intercentros que tivo lugar o día 30 de xullo (do cal é o presidente) e a resposta foi que non era preciso facilitarllas a todo o persoal. Mentres, a Xunta viña facendo unha dotación desigual deste medio de protección empregando argumentos como “non é un EPI e polo tanto non estou obrigado a proporcionalo”. Se ben é certo que as máscaras cirúrxicas non son EPI, porque non protexen ao portador/a si protexen ao resto das persoas traballadoras e usuarias polo tanto son unha medida preventiva colectiva...Agora a Inspección danos  a razón a CIG e obrígao a actuar.

A Xunta fíxose a remolona dando argumentos tan irracionais como que os departamentos administrativos eran lugares privados e non daban acceso ao público ou que con gardar os 1.5 metros de distancia era suficiente.

Pero chegou a Inspección de Traballo e púxoos firmes: “Aquí se cumpre o que di o DOG e o DOG di que a máscara e obrigatoria en todo momento (fóra do ámbito doméstico privado).”

E así, en varios requirimentos da Inspección de Traballo tralas denuncias da CIG (como as das escolas infantís de Política Social), recoñécese a obriga de facilitar máscaras a todo o persoal independentemente do mantemento da distancia de seguridade interpersoal , da presenza de mamparas e o emprego de xel hidroalcólico. Un avance claro que elimina o custe da súa adquisición para as persoas traballadoras e garante a seguridade de todos/as coa obriga de quen ten que dotar en número e calidade adecuada ,e responsabiliza a empresa do uso correcto deste medio de protección colectivo fronte ao coronavirus.

E nós que seguimos na teima,  vimos de pedir a extensión a todos os centros e todas as consellerías mediante un escrito ao presidente do CSSL do intercentros,xa que non podemos seguir a saturar a Inspección de Traballo pero non podemos permitir máis actitudes irresponsábeis co seu persoal mentres lle pide ”sentidiño” á poboación galega.

A acta da Inspección desartella todos os enganos da Administración e vai directa a manter a seguridade e a salubridade do persoal, pois aínda que se cumpra a distancia dos 1.5 metros, o quefacer diario nos obriga a movernos polas dependencias, ir ata a fotocopiadora, entrar, saír, e aí temos que empregar sempre máscara como un elemento de protección laboral polo que é a Xunta (a nosa empresa) está obrigada a dotarnos delas.

Agora toca facelo público e reclamalo en todos os departamentos. Son moi defensores das leis e da legalidade cando lles interesa, agora toca apandar…

Outras novas recentes

Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...