Novas por contido

Co obxectivo de abordar as distintas problemáticas que padecen estas/os traballadoras/es públicas/os.

Unha representación do comité de empresa de Política Social de Pontevedra entregou onte por rexistro unha carta dirixida á conselleira, Fabiola García, co obxectivo de solicitarlle unha reunión urxente para abordar as diferentes problemáticas laborais que está a sufrir o persoal deste departamento.

Esta reclamación é froito do acordo do comité intercentros da Xunta de Galiza e dos comités de empresa de Política Social das catro provincias e chega despois de moitas semanas de concentracións diante dos centros dependentes deste departamento “sen que tiñamos conseguido que se nos escoite e se nos reciba”.

Dende a representación do cadro de persoal lembran que Política Social é unha consellaría “totalmente feminizada”, xa que máis do 75% do seu persoal son mulleres, maioritariamente con cargas familiares e unha media de idade en torno aos 55 anos. “Non entendemos que a conselleira participe dos actos de celebración do 8 de Marzo cando despois esquece aplicar as reclamacións dese día ao seu persoal”, censuran.

Ao mesmo tempo, lamentan que “despois do esforzo realizado por mor da covid, esforzo que continúa a data de hoxe, evidenciáronse aínda máis, se cabe, os problemas que sufrimos: falta de persoal, poucos descansos, lugares de traballo pouco adecuados á actual crise sanitaria, alta sinistralidade laboral, exames de oposición en pleno estado de alarma e despois dun ano esgotador a nivel físico e psíquico, excesiva temporalidade e contratos precarios (fins de semana, 1/3 xornada, etc)".

Por todo isto, ínstana a fixar unha xuntanza para poder expoñerlle as inquedanzas do persoal “porque ten que ter en conta que é o maior valor que ten a súa Consellaría, e que se está a ser maltratado psicoloxicamente con quendas abusivas e demasiado estrés laboral”.

Outras novas recentes

Venres, 12 Abril 2024

Educación retira a axuda por discapacidade ao seu persoal funcionarizado

A Consellería de Educación, de xeito unilateral e sen previo aviso, retirou a axuda por persoa con discapacidade a cargo que o persoal funcionarizado tiña recoñecida en base ao V Convenio Colectivo da Xunta de Galiza. O persoal laboral ten dereito a unha axuda de 180 € mensuais cando ten ao cargo unha persoa con discapacidade e con ingresos inferiores ao SMI. En teoría ese...
Luns, 15 Abril 2024

A AGASP e a Dirección Xeral da Defensa do Monte aplican criterios discriminatorios na selección para a formación

A Academia Galega de Seguridade Pública (AGASP), organismo autónomo de carácter administrativo adscrito organicamente á consellaría competente en materia de interior e xustiza, imparte formación ao persoal axente forestal (art. 4 da Lei 1/2007). A Dirección Xeral de Defensa do Monte, da Consellaría do Medio Rural, participa na organización da formación e nos procesos de...
Venres, 12 Abril 2024

Recurso de reposición ao concurso ordinario de traslados de ciencias+enxeñarías+arquitectura

A CIG presentou un recurso de reposición á Resolución que convocou o concurso ordinario para a provisión de postos de traballo vacantes de escalas de enxeñarías, arquitectura, arquitectura técnica e ciencias (administración especial). No recurso solicitamos unha relación das prazas que desapareceron do concurso, con información polo miudo de cada unha delas. Tamén da...