Novas por contido

Na Mesa Xeral do 11 de marzo, e na xuntanza previa co director de función pública do día anterior, a maiores da RPT de AMTEGA e diversos asuntos de gardacostas, tratáronse os procesos selectivos de diversas escalas, e outros asuntos de interese:

Procesos selectivos a escalas de químicos, biólogos, estatísticos, letrados e enxeñeiros superiores e técnicos industriais

Función Pública comunica algún cambio, pero que non afectan ao que sería a estrutura dos procesos. Estes son os cambios:

  • Modifican o número de prazas de estatística que pasan a ser do 50% para promoción interna. En canto a letrados, queda pendente a resposta de se aceptan ou non que haxa promoción interna.
  • Presentan unha nova proposta de temario específico para biólogos, químicos e para enxeñeiros superiores e técnicos industriais. O resto de temarios específicos están pendentes de resposta das consellerías.
  • Están pendentes de tomar a decisión de se aceptan nota de corte nas bases. Dirano para a Comisión de Persoal.
  • Van consultar con educación se a licenciatura en Ciencias do Mar habilita para presentarse a biólogos.
  • En estatística non haberá material auxiliar no primeiro exercicio. En todo caso quedará á decisión do tribunal.
  • Químico por consolidación: a fase do concurso quedará 35-5 para os dous méritos baremábeis.

A CIG mantén as súas alegacións, que resumimos en:

  • Forma de acceso: concurso-oposición
  • Promoción interna do 50%, horizontal e vertical.
  • Primeiro exercicio: é a única proba obxectiva (agás letrados, que non hai ningunha), polo que demandamos máis peso desta proba.
  • Segundo exercicio: substituír suposto práctico de desenvolvemento por suposto práctico test.
  • En letrados non hai ningún obxectivo, e hai máis exercicios que noutras administracións, polo que propomos substituír un dos actuais por un test.
  • Nota de corte nas bases.
  • Proba de galego (ou mellor en galego)
  • Temario: baseado en normas de dereito positivo, máis concreto.

Os primeiros exercicios non serían antes do 1 de outubro.

Outros asuntos

  • Concurso de corpos xerais: publicación da puntuación provisional moi probabelmente a semana do 14. A toma de posesión podería ser antes do verán.
  • Destino dos procesos selectivos rematados: en marzo ou, máis probabelmente, en abril.
  • Persoal investigador laboral: a semana do 14 enviarán un borrador do réxime que regulará a este persoal.
  • Comisión de seguimento do acordo de vacacións, permisos e licenzas: para a semana que ven remitirán unha proposta de acordo de constitución desta comisión.
  • Extra 2012 e 2013: non queren dar data do pagamento da extra do 2012; respecto das sentenzas que estamos a gañar da extra do 2013, limítanse a dicir que están a analizar as sentenzas e o custe que suporía devolvelo de oficio.
  • Decreto de listas: din que tentarán convocarnos a semana do 14.
  • Criterios para cambio de categoría para o concurso do persoal laboral: convocarán xuntanza na semana do 14.
  • Proceso selectivo veterinarios: enviarán o borrador das bases no mes de abril.
  • Bombeiros forestais: están a ver se hai incremento de gasto para a Xunta e, se houbese, non aceptarían o cambio de denominación.

 

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...