Novas por contido

O Consorcio Galego de Igualdade e Benestar fai un desleixo absoluto dos seus centros de maiores e deteriora, a mantenta, a atención as persoas usuarias dos mesmos.

No centro de día residencial de Taboadela non se cobren as baixas do persoal e, cando se fai, sempre é tras varias semanas de falta de persoal.

O centro acumula ao día de hoxe numerosas baixas médicas e moitas delas non se cubren o que prexudica claramente a atención aos residentes e sobrecarga notablemente ao persoal que os atende polo que, a pesar do esforzo do persoal, o servizo vese claramente afectado.

Isto leva acontecendo meses e anos máis e a CIG cada vez que acontece reclama aos servizos de persoal do Consorcio a súa cobertura que, no mellor dos casos, sempre se demora varias semanas tal e como relatamos anteriormente.

Mais coidamos que é digna de mención a última “desculpa” que nos deron cando solicitamos a cobertura dunha traballadora nesta mesma semana: teñen prioridade as escolas porque se traballa con nenos. Esta foi a resposta  dunha técnica de persoal que coloca o resto dos servizos por diante da atención ás persoas maiores.

Parécenos moi grave que se unha empresa que leva no seu nome a palabra igualdade faga discriminación grave e evidente entre o seu persoal usuario. Ademais parécenos gravísimo que esas palabra fosen pronunciadas por unha responsábel de persoal que é ademais delegada sindical da central CSIF.

Dende a CIG esiximos que o Consorcio cese inmediatamente na discriminación dos seus usuarios e proceda a realizar unha política de persoal negociada, eficiente e que permita atender o servizo coas garantías debidas.

Outras novas recentes

Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.