Novas por contido

O ultimo cambio de consellería do goberno da Xunta de Galicia unha vez serviu de excusa para incumprir a lei en materia de prevención de riscos laborais e supuxo o retraso de un ano e medio da constitución deste novo Comité de Seguridade e Saúde Laboral no que participamos as organizacións sindicais CIG, CSIF COOO e UGT e se trataron os seguintes temas:
Asumimos a Secretaría (CIG) despois de que ningún sindicato aceptara a mesma
Denuncia da CIG pola falta de convocatoria do CSSL dende o ano 2015 e o incumpremmento da encomenda do Intercentros de decembro do 2016, e irregularidade do desdobramento do CSSL en dúas partes.
Non se aproban os protocolos dos operativos Vespa velutina e Gripe aviaria xa que non se deu antes a documentación e se fixo na mesa.
Para as tarefas relacionadas coa Vespa velutina esiximos axilidade na formación específica, kits anafiláticos e probas de alerxia a himenópteros, adecuación de vehículos e todo o establecido na avaliación de riscos
Na Influenza aviaria denunciamos de novo rebaixas no material aportado ou/e a súa invalidez (mascarillas) e as revisións dos protocolos en materia de prevención de riscos xa que as medidas son insuficientes e posibilitan a trasmisión do virus ao menos a outras aves domésticas. Aínda que a administración resposta que como non é unha variante zoonótica (contaxio a humáns) acordase a súa revisión e análise para aprobación en convocatoria extraordinaria.
Deficiencias no traslado de animais nos vehículos. Recordase a carencia de locais adecuados para hixiene e cambiarse de roupa ao rematar xornada.Denunciamos a posibilidade de contaxio a outros animais ou o risco a adquirir e transmitir enfermidades diferentes no manexo de animais por falta formación preventiva e medios. Medios de transporte inadecuados e insuficientes
Proposta de medios materiais: Logo do estudo do desvencellado parque móbil a consellería propón o cambio 1/3 parte dos vehículos en propiedade do que se solicita polas ooss o reparto equitativo entre todo o persoal segundo a necesidades e funcións que tamén veñen descritas nas avaliacións de riscos.
Emisoras dixitais: Dende fin do 2016 co apagón analóxico o persoal atópase sen comunicación. Vanse licitar xa emisoras vehículos e portátiles para o persoal das Illas Atlánticas que estarán conectadas con centraliña e rede de emerxencias de Galicia. Solicitamos tamén emisoras persoais e dotación para todo o persoal que o precise. Reclamamos de novo a necesidade de teléfonos móbiles abertos e datos para o persoal campo.
Demandase roupa de traballo xa de boa calidade e coas características técnicas necesarias, recordase incumprimento convenio e acordos do CSSL anterior. Dende a CIG propuxemos o inicio da dotación por lotes comezando xa coas botas adecuadas para todo o personal de campo. Deixamos claro a igualdade en calidades e material preventivo tanto para persoal laboral e funcionario.
Insistimos tamén na precariedade preventiva nos Parques Naturais e no Parque Nacional das Illas Altlanticas.
Requírese o cumprimento da dotación obrigada de material de seguridade e organización traballo previsto no Plan de Acción 2015 e acordos do CSSL.
Dende a CIG reclamamos a unha maior axilidade nesta actividade preventiva pola cantidade de cuestións que levan un retraso inadmisible, que os riscos laborais non poden depender nin estar condicionados ao presuposto e propuxemos unha convocatoria extraordinaria do CSSL que se acorda celebrar a semana do 30 de maio e na que a administración debera dar conta dos avances comprometidos.

Outras novas recentes

Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...