Novas por contido

Os medios de comunicación fanse eco estes días da paralización da Función Pública galega no referente aos procesos selectivos. Esta paralización que afecta aos procesos selectivos do ano 2008 foi denunciada innumerables veces pola CIG-Autonómica á vez que se facían as oportunas preguntas e se instaba á Administración a obrar con dilixencia nos foros de negociación e nos órganos da Función Pública da Administración autonómica.

Neste momento son especialmente graves os retrasos sufridos nos procesos selectivos para, Inspectores/as Urbanísticos/as, Subinspectores/as Urbanísticos/as, Conductores/as e Tractoristas, por poñer varios dos casos máis sangrantes.

Nestes últimos os opositores levan 6 meses dende que saíu a baremación definitiva e aínda non saben cando van tomar posesión sendo a convocatoria destas oposicións do ano 2006. ¡¡CATRO ANOS PARA RESOLVER UN PROCESO SELECTIVO!!

Respecto aos Inspectores/as e Subinspectores/as Urbanísticos/as acontece un feito extremadamente grave como é o desmantelamento progresivo da Axencia de Protección da Legalidade Urbanística. Esta é un dos poucos entes autonómicos que conta unicamente con empregados/as públicos/as da Xunta de Galicia, un dos poucos que non pode merecer a cualificación de chiringuito, pois non ten potestade para contratar persoal propio.

O desmantelamento da APLU implicou o retraso nos procesos selectivos as escalas que dotan de persoal a esta Axencia, como é o caso de Inspectores/as e Subinspectores/as Urbanísticos/as. E non só o retraso, senón que os aspirantes atópanse agora con que das prazas ofertadas, no caso dos subinspectores/as para o acto de elección de destino do día 12 de maio, se retiran varias delas, alegando Función Pública un certificado da Consellería de Medio Ambiente, Territorio e Infraestructuras, onde se asevera que esas prazas van ser obxecto dun cambio substancial e polo tanto non poden ser cubertas.

En realidade o cambio “substancial” que pretende esta consellaría é o de baleirar de contido a función inspectora destes postos ao clasificalos como de Arquitectos/as Técnicos/as de funcións facultativas.

A CIG-Autonómica quere manifestar o seu rexeitamento ás directrices políticas que implican tanto un desmantelamento da APLU como un menoscabo nos dereitos dos aspirantes que ven como un día antes e sen publicar no DOG, Función Pública a petición da CMATI retira eses prazas.

Outras novas recentes

Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...