Novas por contido

A CIG denuncia á Consellaría do Medio Rural ante a Inspección de Traballo por non cumprir a Lei de prevención de riscos laborais nos distritos forestais.

Os funcionarios e funcionarias da Xunta de Galicia que traballan directamente na extinción de incendios forestais, axentes forestais, técnicos/as de Distrito e Xefes de Distrito non teñen avaliación de riscos laborais dos seus postos 15 anos despois da publicación da Lei de Prevención de Riscos Laborais.

Estes funcionarios/as realizan funcións como a dirección de extinción dos incendios forestais, a coordinación e direción de medios dos Distritos, control das actividades forestais, traballo en espazos naturais con flora e fauna silvestre, toma de mostras en verquidos contaminantes, envelenamentos, inspección de canceiras...entre outros.

Con gardas que chegan ata as 24 horas seguidas e vehículos con máis de 10 anos e 200.000 km, Falta de medios e Equipos de Protección Individual (EPI) que non cumplen as prescripcións mínimas en materia de seguridade. Como exemplo o uniforme dos axentes forestais que é 100% acrílico e constitúe un grave risco para o traballo en incendios forestais. Deficiencias organizativas e falta de formación específica...
Todo isto constitúen riscos claros en materia de seguridade, riscos hixiénicos (físicos, químicos e biolóxicos), riscos psicosociais (carga de traballo e exercicio da autoridade)...

O 29/10/2009 e, despois de insistir perante o Servizo de Prevención da Xunta de Galiza e os Comités de Seguridade e Saúde Laboral,  dende a CIG, facemos a primeira denuncia ante a inspección de traballo de Ourense, gañamos e inspección obriga finalmente a Xunta realizar as avalicións de riscos dos postos.
A Xunta de Galicia presenta as avaliacións iniciais de riscos perante o INTSS (26/02/2010) pero non as leva aos centros de traballo, non informa aos traballadores/as nin toma nengunha medida para a subsanación das deficiencias.

Hoxe, 14 de Xullo, en plena campaña de incendios forestais estes funcionarios/as aínda non recibiron un EPI (equipo de protección individual) e roupa de traballo axeitada para as suas labouras na extinción de incendios forestais. Polo que  A CIG DENUNCIA DE NOVO á Consellería de Medio Rural  ante inspección de traballo para que se cumpla a lei e exerza o deber de protección dos seus traballadores/as, tomando as medidas preventivas que correspondan para a minimizar os riscos.

Esta é a política contra incendios forestais deste Goberno do Partido Popular, que non lle importa o monte galego poñendo, si fai falta, en perigo a vida dos seus propios traballadores.

Esta é outra demostración máis da inoperancia deste Conselleiro e o Director Xeral de Montes, algo que dende a CIG xa denunciamos con motivo do desmantelamento das Brigadas de Investigación de Incendios Forestais, dotadas con persoal que coñece perfectamente o monte galego, para asinar acordos con forzas de seguridade do Estado.

Outras novas recentes

Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.