Novas por contido

Mentras o Conselleiro de Medio Rural fai declaracións sobre o cumprimento da Lei de Prevención de Riscos Laborais, a Inspección de Traballo de Ourense, á instancias da CIG, constata o contrario e dálle un prazo de 2 meses para que facilite a información aos traballadores.

Novamente a Inspección de Traballo, esta vez en Ourense, volve a requirir á Medio Rural para que cumpra a lexislación en materia de prevención de riscos laborais. Se en decembro de 2009 o requirimento consistía en obrigar a que Medio Rural realizase a Avaliación de Riscos dos diferentes postos de traballo, agora, en agosto de 2010, consiste en que o resultado desa avaliación sexa facilitada á totalidade do persoal dos distritos forestais da provincia. 

Literalmente o requirimento da Inspección de Traballo foi feito á Xefatura Territorial de Medio Rural nos seguintes termos: "que no prazo de 2 meses se adopten as medidas oportunas para facilitar á totalidade de traballadores que prestan os seus servizos nos distritos forestais da provincia de Ourense, información sobre os riscos específicos que afecten ao seu posto de traballo ou función, e das medidas de protección e prevención aplicábeis aos ditos riscos".

En ambos casos, constátase o incumprimento por parte de Medio Rural, da Lei de Prevención de Riscos Laborais, o que pon de manifesto a actitude da consellaría de desprezo pola normativa e pola seguridade e saúde do persoal ao seu cargo, como temos vido denunciando reiteradamente. Nun traballo tan extremadamente perigoso como é o da extinción de incendios, en moitas ocasións podemos encontrarnos con: traballadores realizando o seu comeitdo con materiais e medios obsoletos, roupa de protección inadecuada, vehículos con 200.000 quilómetros e máis de 10 anos, roupa acrílica (moi inflamábel), e falla absoluta de formación e información.

Por outra banda, resulta tremendamente triste que unha Administración Pública funcione e cumpra a Lei só a base de denuncias dos traballadores e requirimentos da Inspección, en lugar de seren os primeiros en aplicala.

Dende a CIG-Autonómica seguimos esixindo de Medio Rural o respecto pola vida das persoas que están prestando servizos en tarefas tan necesarias para o noso país e a súa seguridade, para o que é imprescindíbel o cumprimento da normativa de prevención. Por iso non dubidaremos en ningún momento o volver efectuar as denuncias que fosen necesarias, tanto ante a Inspección de Traballo como ante os traballadores e traballadoras, e mesmo ante o conxunto da sociedade.


Outras novas recentes

Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...