Novas por contido

Despois da xuntanza mantida o 21/10/2010 coa Secretaría Xeral de Traballo e Benestar, a Administración revela as súas intencións de privatizar parte do centro C.A.E.E. "Santiago Apóstolo" da Coruña, comezando pola amortización de 19 postos de traballo de persoal laboral.

O argumento da Secretaría Xeral de Traballo e Benestar para xustificar a privatización é os rapaces discapacitados asistidos  no "Santiago Apóstolo" estarían supostamente mellor atendidos en centros privados que nos centros públicos propios da Consellaría. Desde a Secretaría Xeral abundouse tamén na falsa teoría de que o privado é máis barato que o público.

Baixo estes argumentos demagóxicos e desde posturas contrarias aos servizos públicos, o fin procurado pola Consellaría é debilitar a calidade do servizo, xustificando a privatización. Así, comezarase coa amortización de 19 postos de traballo de persoal laboral cualificado, profesional, con experiencia na atención a nenos discapacitados e coñecedores da problemática destes, o que prexudicará inevitablemente a calidade do servizo.

Esta amortización xunto coa derivación de parte dos rapaces a centros privados e a creación dun centro privado feito con cartos públicos sobre os actuais terreos do centro e a folla de ruta da Consellaría no seu afán privatizador.

Desde a CIG-Autonómica:

  • Solicitamos a retirada da proposta da administración.

  • Solicitamos a creación inmediata dun novo servizo no centro, que atendería a rapaces maiores de 21 anos. Hai que ter presente que hai unha semana anunciaron nos medios escritos a creación para o periodo 2012-2013 dun centro residencial para adultos de xestión privada.

  • Espuxemos o baixo custe que tería ofertar este novo servizo posto que as prazas xa estaban orzamentadas e só sería cuestión de adecentar un pavillón dos que xa hai levantados e infrautilizados, poñéndoo en funcionamento.

A Secretaría Xeral de Traballo e Benestar non aceptou nin tan só estudar as propostas dos representantes dos traballadores, limitándose a afirmar os representantes da Administración que os orzamentos da Xunta non son un “chicle”.

Na CIG-Autonómica seguiremos a traballar para impedir a privatización do centro, defendendo un servizo público de calidade que os nenos e nenas do centro merecen e impedindo que os cartos dos galegos e galegas vaian a parar ás mans de quen fai negocio con temas tan sensibeis.


Descarga da nota de prensa da CIG-Autonómica

Outras novas recentes

Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...