Novas por contido

A CIG-Autonómica presentou unha denuncia ante a Inspección de Traballo contra Medio Rural pola carencia de instalacións propias para o persoal do Servizo de Prevención e Defensa contra Incendios Forestais (SPDCIF) de Ourense, e máis concretamente no Distrito Forestal XIII Valdeorras – Trives, comarca forestal: Terra de Valdeorras.

A denuncia baséase na falta de instalacións propias no SPDCIF na zona de Valdeorrras, onde os traballadores e traballadoras vense obrigados a mudarse de roupa de traballo no coche, chegando incluso as veces a facelo na mesma rúa, a non ter un lugar onde resgardarse, e mesmo a facer a quenda de noite no mesmo coche, coincidindo moitas veces ata cinco persoas no vehículo, estando polo tanto, baixo unhas condicións de traballo inaceptábeis.

As instalacións das que dispón o persoal do SPDCIF na comarca de Valdeorras é a mesma Casa Grande de Viloira, sendo éste o edificio administrativo que serve coma oficina de Emprego, Sala de Exposicións, Fundacións, etc, non dispondo de zona axeitada para o aseo, así como o descanso do persoal.

Dende a CIG-Autonómica vimos a denunciar que mentres o persoal do SPDCIF na comarca de Valdeorras están sen instalacións, a propia Conselleria do Medio Rural dispón dunhas infraestructuras de titularidade pública na base do helicóptero, sito no campo de fútbol de Vilanova (Barco de Valdeorras), permanecendo pechadas durante todo o ano, agás no verán, período no que fan uso delas o persoal contratado por SEAGA. A través desta denuncia vimos de solicitar a apertura das instalacións de Vilanova e o acceso das mesmas ao persoal do Servizo de Prevención e Defensa contra Incendios Forestais da comarca de Valdeorras.

A CIG-Autonómica manifesta do mesmo xeito que os traballadores e traballadoras do SPDCIF da comarca de Valdeorras, están sendo discriminados respecto ao persoal da comarca forestal Terra de Castro Caldelas - Trives, pertencente tamén ao mesmo Distrito Forestal, dado que sí dispoñen de instalacións axeitadas, construídas pola propia conselleria nestes derradeiros anos.

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos. De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta. Hai que facer constar que cando nós alegamos por ter...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.