Novas por contido

Os representantes da Consellería do Mar informaron de que están pendentes de que se negocie coa Dirección Xeral de Orzamentos da Consellería de Facenda unha solución ao bloqueo dos compromisos previos alcanzados coas organizacións sindicais, tendo en conta que a Consellería dispón de dotación de crédito suficiente para asumilos. Co obxecto de non adiar outras reformas que xa gozan do visto e prace de Facenda, a Consellería do Mar prantexa unha reforma parcial da RPT.

Os compromisos pendentes de execución son a homologación do nivel dos postos da escala de biólogos, á asignación de pluses aos postos de persoal laboral comprometida en febreiro de 2009 e á extensión á Consellería do Mar do acordo para o persoal funcionario dos centros de ensino.

Por outro lado, a Consellería informou ás organizacións sindicais de que nesta proposta de RPT non aparecen os postos afectados polos procesos de consolidación do persoal laboral, senón que serán incluídos cos postos na mesma situación no resto das consellerías nunha RPT global por parte da Consellería de Facenda.

Desde a CIG-Autonómica, dado que a propia Consellería manifesta que existe crédito dispoñible demandamos que se cumpran os compromisos adquiridos con anterioridade pola consellería no que atinxe a:

  • Modificación dos niveis dos postos de traballo da escala de biólogos, demandando a súa reclasificación ao nivel 24
  • Extensión do acordo para o persoal funcionario dos centros de ensino aos centros dependentes da Consellería do Mar
  • Asignación de complementos de singularidade de posto a varias prazas de persoal laboral, segundo o acordado coas organizacións sindicais en febreiro de 2009.

Alén disto, desde a CIG opoñémonos á inclusión na RPT de requisitos que non foron esixidos no proceso selectivo nin no momento da provisión dos postos, como é o caso da esixencia de “Permiso de Conducir B”.

Manifestamos o noso desacordo coa preferencia da Consellería por mellorar as condicións económicas dos postos de libre designación, que contrasta coa austeridade exhibida para os postos provistos por concurso.

Así mesmo, expresamos a nosa oposición a que as Xefaturas das Bases Operativas do Servizo de Gardacostas pasen a ser postos de libre designación.

Outras cuestións manifestadas polas organizacións sindicais, ademais do cumprimento dos acordos previos acadados coa consellería, foron a demanda de que se lle facilite formación ao persoal laboral do grupo IV (oficial de segunda) que desenvolve tarefas de mostraxe no mar.

Por último, cómpre sinalar que a Consellería demandou ás organizacións sindicais que sexa valorada a conveniencia de crear unha categoría específica para o persoal laboral de grupo IV que fai tarefas de mostraxe no mar.

Descarga as alegacións da CIG

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.