Novas por contido

A CIG RECLAMA A MEDIO RURAL EXPLICACIÓNS DO ACCIDENTE NO QUE FALECEU UN TRABALLADOR EN LABORES DE EXTINCIÓN E A CONVOCATORIA DO COMITÉ DE SAÚDE LABORAL DO SERVIZO DE PREVENCIÓN E EXTINCIÓN DE DEFENSA CONTRA INCENDIOS FORESTAIS.


Como consecuencia do fatídico accidente aéreo no que faleceu un piloto con base en Beariz (Ourense), nas labores de extinción do incendio na zona de Monterrei, a CIG exixe a Medio Rural a investigación inmediata do acontecido e que o mesmo Conselleiro de explicacións perante o Parlamento Galego do lamentábel accidente.

A CIG esíxelle a Medio Rural, como ven facendo en repetidas ocasións, o cumprimento das medidas de seguridade laboral xa non só aos traballadores dos medios aéreos, senón a tódolos traballadores e traballadoras que veñen a integrar o operativo de prevención e extinción de incendios forestais. Estamos constatando as deficiencias existentes nas citadas medidas en tódalas categorias profesionais, co risco que iso representa para as persoas que xornada tras xornada están a  traballar en condicións extremas nos incendios forestais.

A CIG ven a denunciar asimesmo, o desmantelamento do servizo de prevención e extinción da Xunta de Galiza nun momento no que está ardendo a nosa comunidade polos catro costados. Decir que entre o 24 e o 25 do mes de setembro cesaron un bó número de operarios, quedando o servizo descuberto en moitas das categorias, co risco que iso representa para o medio ambiente así como para a sociedade en xeral. O operativo existente neste intre non é suficiente para extinguir o número de incendios, dándose a circunstancia que lumes que comenzan a media tarde non están rematados ata o día seguinte. Medio Rural dispón dos medios tecnolóxicos precisos para coñecer a climatoloxía con cáseque unha semana de antelación, polo que foi coñecedora do que se viña enriba, considerando dende a CIG unha deixadez de funcións por parte do goberno galego.

Por outra banda, a CIG exíselle a Medio Rural que convoque urxentemente o Comité de Saúde Laboral do Servizo de Prevención e Defensa contra Incendios Forestais de cara a investigación do sinistro, revisión dos protocolos de emerxenza e da entrega por parte de Medio Rural da avaliación de riscos de todo o persoal, obriga ésta que aínda a Xunta de Galiza non ten cumprido e que dende a CIG vimos solicitando reiteradamente.

Outras novas recentes

Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Mércores, 27 Marzo 2024

Concursos de traslados de consumo, axentes ambientais e gardacostas: admitidos/as-excluidos/as provisional

Dende a Dirección Xeral de Función Pública comunítanos que o vindeiro día 5 de abril publicarán en DOG as resolucións polas que se aproban as relacións provisionais de persoas admitidas e excluídas dos concursos para a provisión de postos de traballo vacantes de: Escala de axentes de inspección, especialidade de consumo. Escala de axentes facultativos ambientais e axentes...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...