Novas por contido

Día tras día convócanse no DOG lotes de libres designacións mentres os concursos de traslados se atrasan nas súas previsións máis e máis. A pesar destas numerosas convocatorias son varios os postos de libre designación que se atopan cubertos en comisión de servizos de xeito máis definitivo que provisional.

Cómpre facer fincapé en que o atraso na convocatoria pública destas prazas, ademais de contravir a propia normativa autonómica, crea cadeas de comisións de servizo en postos de niveis inferiores. Estas cadeas impiden a adscrición provisional de decenas de compañeiros e compañeiras que se atopan “a dispor” sen praza asignada.

Por outra banda, de cara aos concursos de traslados quedan outras tantas prazas sen convocar porque se atopan apalancadas, o que reduce o exercicio do dereito á mobilidade do persoal funcionario da Xunta de Galiza. Unha mobilidade que hoxe en día é a única carreira á que pode aspirar dada a negativa da Función Pública a negociar o desenvolvemento dunha auténtica carreira profesional.

No DOG do 03/01/2011 publicouse a Resolución do 3 de xaneiro de 2011 pola que se ordena a publicación da modificación das relacións de postos de traballo dos departamentos da Xunta de Galicia en cumprimento do disposto na Lei de medidas Fiscais e Administrativas. Como consecuencia disto, modifícanse de oficio todas as RPTs con relación á cobertura polo sistema de libre designación dos postos de traballo de xefaturas de servizo ou equivalentes.

Por outra banda, tendo en conta a actual normativa das comisións de servizo (Resolución do 27 de marzo de 2006), en postos de libre designación autorizaranse por un período máximo de 6 meses, sendo requisito imprescindible que a orde da convocatoria estea publicada no DOG ou xustificada a súa remisión.

Xa que logo, a CIG-Autonómica vén de solicitar un listado dos postos de xefatura de servizo ou equivalente que a data a de hoxe seguen vacantes e cubertos en comisión de servizo, razóns da súa demora e expectativa de convocatoria e outra dos postos non vacantes, cubertos igualmente en comisión de servizo.

Este pedimento fundaméntase na defensa do dereito ao posto e a unha mobilidade eficaz de todo o persoal funcionario, así como vixiar o cumprimento da normativa como organización sindical presente nos órganos de negociación da Xunta de Galiza. Un dereito de difícil exercicio dado a escaseza na convocatoria de concursos de traslados e o apalancamento de postos; un dereito, tamén, difícil de vixiar dada a escasa información que ofrece a aplicación de seguimento das comisións de servizo e máis a imposibilidade por parte das organizacións sindicais de ter coñecemento da situación de vacante/non vacante dos postos, e máis desde que esta columna desapareceu dos listados das RPTs.

Outras novas recentes

Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...