Novas por contido

Despois de todo un ano insistíndolle a Función Pública, logramos un mínimo de transparencia nos datos que nos facilitan das concesións das comisións de servizo. Aínda así, non existe o campo de tempo de duración, número de renovacións e tempo acumulado total.

Actualmente as organizacións sindicais temos unha aplicación telemática de consulta das diferentes comisións de servizo por data de concesión. Esta aplicación vén a substituír a obriga legal da Administración de facilitarlle á representación dos traballadores públicos esta información. O problema atopábase en que durante un ano a aplicación estivo funcionando de xeito deficiente: non coñecíamos a data de concesión, os filtros non funcionaban, non podíamos exportar os datos...

Actualmente pódese filtrar por data de concesión, consellaría, localidade e nivel e tamén exportar a un arquivo externo. Despois dunha charla informal co servizo responsable conseguimos tamén unha mellorara á hora de pedir información adicional sobre determinados expedientes.

En calquera caso, o verdadeiro problema das comisións de servizo non é a publicidade da concesión senón a terrible arbitrariedade na súa adxudicación e a ausencia regular de concursos de traslados. Isto último o levamos denunciando desde a CIG-Autonómica de xeito continuo nos nosos boletíns, demandando concursos anuais e unha concesión de comisións por criterios obxectivos. Por suposto, isto tivo nula resposta pero nós somos moi insistentes.

Outras novas recentes

Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Mércores, 20 Marzo 2024

Procedemento de acreditación dos méritos do concurso-oposición de estabilización dos subgrupos A1, A2, C1 e C2 e grupos I, III e IV

No DOG do 20/03/2024 publican: - RESOLUCIÓN do 13 de marzo de 2024, da Dirección Xeral da Función Pública, pola que se fai público o procedemento para a acreditación dos méritos de determinados procesos selectivos extraordinarios de estabilización derivados da Lei 20/2021, do 28 de decembro, para o ingreso, pola quenda de acceso libre e mediante o sistema de...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...