Inicio
CIG-Autonomica
  • 20120511.gaias.18.jpg
  • 20120501.Pontevedra.2.jpg
  • 20120501.Vigo.1.jpg
  • 20120511.gaias.13.jpg
  • 20120209.san_caetano.delegados.5.jpg
Domingo, 12 Agosto 2018

Para setembro a negociación do acordo de mellora no emprego e carreira profesional

Despois de que a CIG puxera enriba da mesa que non se poden negociar incrementos ridículos como os derivados dos acordos de Madrid e obviar a necesidade de establecer unha carreira profesional, Función Pública ponnos un borrador enriba da mesa. Isto, que nun principio pode parecer razoábel, deixou de selo en canto Función Pública amosou a súa intención de negociar e pechar o asunto en poucos días, en pleno mes de agosto, coa maior parte dos/as empregados/as públicos/as de vacacións. Función...


Xoves, 09 Agosto 2018

Os axentes forestais e ambientais continúan a visibilizar unha folga indefinida marcada polos servizos mínimos

Reclámanlle á Xunta un acordo que mellore as súas condicións laborais

Os axentes forestais e ambientais da Xunta que están en folga indefinida dende o pasado día 1 de agosto para reclamar un acordo laboral que permita mellorar as súas condicións de traballo continúan a desenvolver accións reivindicativas, de reparto de información e de solicitude de apoio dos grupos parlamentarios da oposición para visibilizar un paro marcado por uns servizos mínimos do 100%.

O seu obxectivo é que a...


Mércores, 01 Agosto 2018

Carreira profesional e acordo de mellora no emprego

Na tarde do venres 27 recibimos un correo no que por orde do director de función pública daban traslado ás organizacións sindicais dous documentos, con indicación de que podiamos presentar alegacións antes do martes 31:

  • Unha nova versión dunha proposta de ampliación do mal chamado acordo de estabilización.
  • Unha primeira versión dun futuro plan de carreira profesional.

A existencia dunha carreira profesional, ou sen utilizar ese nome o establecemento dun sistema de promoción real, tanto...


Mércores, 01 Agosto 2018

Folga axentes forestais e medioambientais: desconvocada en Medio Ambiente

(video do Comité de Folga)

O Comité de folga de axentes forestais e medioambientais decidiu desconvocar a folga indefinida na parte de Conservación da Natureza (medio ambiente). Mantense a folga indefinida que comezou o mércores 1 de agosto. O Comité de folga espera a prometida nova proposta da Administración que inclúa as principais reivindicacións das organizacións sindicais.

Ao remate da xuntanza que tivo lugar o martes 31 en San Caetano, a Xunta segue a...


Martes, 31 Xullo 2018

CIG e UGT denuncian a Medio Ambiente na Inspección de Traballo por vulnerar a seguridade laboral

Representantes de CIG e UGT presentaron o luns 30 de xullo denuncias nas catro delegacións provinciais da Inspección de Traballo contra a Consellaría de Medio Ambiente por incumprimentos en materia de protección e seguridade no traballo. Dende a representación sindical reclámanlle á autoridade laboral que corrixa canto antes as “graves deficiencias” detectadas.

Os sindicatos solicítanlle á Inspección que inste o departamento autonómico a cumprir a normativa en materia de...


Luns, 30 Xullo 2018

Centro de maiores de Taboadela, pechado por falta de persoal

O centro de atención a persoas maiores de Taboadela xestionado pola Administración Pública, tivo que pechar o centro de día, na tarde do xoves 26 de Xullo, debido a falta de persoal. En concreto, adiantou o horario de peche en catro horas, facéndoo de xeito drástico ás 15:00 por non ter persoal, cando o horario de peche é das 19:00 horas. Esta situación acontece por non substituir de xeito sistemático ao persoal que está a desfrutar das súas vacacións ou permisos.

Despois de levar dende o...


Venres, 27 Xullo 2018

Axentes forestais e medio ambientais maniféstanse diante da Xunta na segunda xornada de folga

Denuncian os mínimos no Xulgado e interpelan a organizacións políticas e sociais para sumar forzas

Axentes forestais e medio ambientais secundaron masivamente as dúas primeiras xornadas de paro convocadas por CIG e UGT para o 25 e 26 de xullo en toda Galiza. O xoves 26 manifestábanse ademais polas rúas de Compostela, desde a Dirección Xeral de Montes (San Lázaro) até San Caetano, para demandar unha negociación real. Xunto a isto os sindicatos presentamos denuncia pola imposición duns...


Mércores, 25 Xullo 2018

A Xunta actúa con mala fe negocial na folga de Axentes Forestais e Medioambientais

O luns 23 ás 13:11 h, a Consellería de Medio Ambiente e Ordenación do Territorio convocou unha xuntanza para o vindeiro xoves día 26 ás 10:00hs, mediante correo electrónico do xefe de Servizo de Xestión de Recursos Humanos da Consellería de Medio Ambiente e Ordenación do Territorio con motivo de análise dos cadros de quendas do persoal da Escala de Axentes Facultativos Medioambientais, de dita Consellería.

As organizacións sindicais CIG e UGT respondemos a dita convocatoria ás 11:00 h da...


Venres, 20 Xullo 2018

Nin 35 horas, nin o 100% das baixas. O que non recolle o novo acordo

No novo texto do acordo de mellora, tal e como vimos contando, a Administración e os sindicatos que asinaron o anterior vense obrigados a introducir melloras estéticas de cara a vendelo ao persoal despois de que dende a CIG destaparamos que se estaba a argallar un novo acordo onde non se recollía ningunha mellora máis que a ridícula suba pactada en Madrid (outra vez por debaixo do IPC).

XORNADA DE TRABALLO

Se no acordo de Madrid perdeuse a oportunidade de establecer a xornada universal de...


Venres, 20 Xullo 2018

Servizos mínimos abusivos para a folga de Axentes Forestais

CIG e UGT veñen de denunciar os servizos mínimos abusivos decretados pola Xunta de cara á folga de Axentes Forestais e Medio Ambientais convocada para os vindeiros días 25 e 26 de xullo, que será indefinida a partir do 1 de agosto se non se avanza nas negociacións. Así se lle comunicou este xoves na xuntanza celebrada con Función Pública e as Consellerías de Medio Rural e Medio Ambiente e Ordenación do Territorio, para “negociar” estes servizos mínimos.

CIG e UGT aseguran que a postura da...


 

BLACK FRIDAY co número de prazas

Das 14.750 prazas que aparecen no Acordo a Xunta oferta a irrisoria cantidade de 789 para a Administración Xeral da Xunta, incluídos, persoal funcionario e laboral, libre, consolidación e promoción interna.

Tendo en conta que nin as prazas de consolidación nin as de promoción interna contan a efectos da taxa de reposición de efectivos, temos que en realidade esta magna OEP é de 414 prazas, menos do 3% do folleto de propaganda da Xunta e os outros sindicatos.

Qué é o que non vai nesta Oferta de Emprego?

  • Non vai o proceso de estabilización.
  • Non vai unha promoción interna digna.
  • Non vai a 1ª parte da consolidación.
  • Non vai a promoción interna cruzada entre corpos xerais e escalas (excepto para dúas escalas).
  • Non vai un número de prazas suficiente para cubrir as necesidades do servizo.
  • Non van as prazas de corpos, escalas e categorías de persoal laboral onde a temporalidade é máis alta.

Na Comisión de Persoal do día 29 de novembro, Función Pública informa:

  • Entrega relación de prazas de consolidación amortizadas.
  • Tentarán chegar a transaccións no Parlamento para engadir a categoría de condutor de motobomba en C2.
  • A promoción interna será por concurso-oposición, ainda que non veña no decreto de OEP.
  • Prazas de estabilización: serán na OEP-2018, a negociar no 1º trimestre do 2018. Incluirá un mínimo do 40% de prazas para estabilización.
  • Funcionarización: comezará a negociación. Constituirán un grupo de traballo en decembro, 2 por sindicato, para determinar as prazas. Haberá que facer: a modificación da RPT, preparar o decreto de funcionarización, e realizar o concurso de traslados.

A CIG vota EN CONTRA e explica o sentido do voto.

Esta é unha Oferta de Emprego derivada do Acordo de Estabilización que asinaron CCOO, UGT e CSIF, e aínda que pretendan agora desvincularse o acordo abrangue as ofertas de emprego ordinarias e extraordinarias, tanto de estabilización como de promoción interna no período 2017-2020. E que é o que temos? Nin estabilización, nin promoción interna. Das 14.750 prazas anunciadas e recollidas no Acordo só 789 son para a Administración Xeral, tanto funcionarios como laborais, tanto de libre como de consolidación, da que só vai a 2ª parte, e de promoción interna.

1. Promoción interna.

Só no caso da promoción interna pendente sen executar dos corpos xerais de persoal funcionario das OEP 2015 e 2016 temos sen convocar as seguintes prazas:

PROMOCIÓN INTERNA SEN CONVOCAR OEP'S 2015-16
CORPO SUPERIOR A1 34
-Escala de Finanzas A1 8
-Escala de Sistemas e Tecnoloxías da Información A1 8
CORPO DE XESTION A2 20
-Escala de Xestión de Sistemas de Informática A2 8
CORPO ADMINISTRATIVO C1 60
CORPO AUXILIAR C2 86
TOTAL 224

E a maiores habería que sumar as 14 prazas non cubertas da última convocatoria da promoción interna ao corpo superior A1 e as 19 do corpo auxiliar C2. As respectivas bases indicaban que as prazas non cubertas acumularíanse á seguinte oferta de emprego. 

Pero nesta Oferta de Emprego Publico do 2017 o número de prazas é só o seguinte:

ANEXO IV: PROMOCIÓN INTERNA
ADMINISTRACIÓN XERAL XERAL DISCAP. TOTAL
 Corpo Superior (A1) 9 1 10
 Corpo Xestión (A2) 48 2 50
Corpo Administrativo (C1) 66 4 70
Corpo Auxiliar (C2) 18 2 20
TOTAL     150

Por tanto xa nin cumpren coa obriga de acumular as prazas non cubertas de anteriores promocións internas.

Só se convocan 150 prazas para todos os corpos xerais de funcionarios, nin escalas, nin corpos especiais, nin laborais, cando no ano 2012 en plena crise só para o corpo auxiliar se convocaron 150. Este é o xeito en que o PP, CCOO, UGT e CSIF entenden a mellora de emprego.

2. Promoción cruzada a subgrupo superior dende algunhas escalas.

Admiten unha das nosas alegacións sobre este asunto pero o limitan a dúas escalas:

Artigo 4. Promoción interna independente

1. Non obstante, no proceso de promoción interna para o acceso ao Corpo Superior de Administración Xeral (subgrupo A1), tamén poderá participar o persoal funcionario de carreira do Corpo de Xestión de Administración Xeral, da escala de inspectores/as de consumo (subgrupo A2) e da escala de inspección turística (subgrupo A2).

Defendemos que se permita a promoción interna vertical, horizontal e cruzada, funcionario-laboral, xeral-escala, reciprocamente en todos os casos.

3. Servizo de Prevención e Defensa contra Incendios Forestais e Consorcio Galego de Servizos Sociais.

No caso do SPDCIF prometeron un 20% das prazas, é dicir 158 e só convocan 105.

O mesmo ocorre coas prazas do Consorcio, que segundo eles son do Consorcio e Servizos Sociais e suman 180, un truco para sumar prazas dos dous ámbitos e que saian as contas.

4. OEP parcial e funcionarización.

Non vemos prazas para persoal laboral, nin de libre nin de promoción interna, habendo categorías con moi alta temporalidade e sen convocar oposicións dende hai anos.

Non vale con crear escalas de funcionarios onde antes había de laborais e convocar agora esas prazas e esquecerse da prometida funcionarización do persoal laboral fixo, que tantas veces prometeron.

5. Ocultación de información sobre o número real de prazas vacantes.

A Administración segue sen aportar datos nin desagregados nin xerais sobre o número de vacantes da Xunta dotadas orzamentariamente, pero segundo os datos da Xunta, hai un total de 4.875  interinos e temporais, polo que esta Oferta de Emprego non chega nin a cubrir o 20% das necesidades de cobertura definitiva de postos estruturais.

Descargar borrador do decreto da OEP-2017 aprobado na Comisión de Persoal do 29/11/2017