Inicio
Luns, 18 Marzo 2024

A CIG solicita que se volva a abrir o buzón de postos do concurso de corpos especiais

Despois dun breve prazo para formular alegacións, Función Pública pechou o buzón sen responder a máis da metade das alegacións sobre os postos.

De todas as alegacións formuladas pola CiG en relación aos postos do concurso de traslados de corpos especiais (inclusións, exclusións, etc) de máis da metade non temos resposta.

Hai que facer constar que cando nós alegamos por ter coñecemento de que determinados postos que non están no listado inicial deberían aparecer porque son vacantes, o que ...


Venres, 15 Marzo 2024

Que pasa coas gardas dos axentes do Servizo de Patrimonio Natural?

O Servizo de Patrimonio Natural en Ourense un ano máis queda sen periodo extraordinario ao comezo da tempada de pesca, e repetirá a tempada de caza sen reforzo do persoal. Do resto, a pesar das demandas de ampliación, seguen co periodo recortado de dous meses

Unha das tarefas fundamentais dos axentes ambientais que traballan no Servizo de Patrimonio Natural é a vixilancia e control das actividades de pesca fluvial e a cinexética, e para iso compre o reforzo coa ampliación horaria coas ...


Venres, 15 Marzo 2024

Segue o nepotismo de xefa territorial de Sanidade de Ourense

A CIG pide o cese da xefa territorial de Ourense da Consellería de Sanidade por repartir a dedazo os postos de nivel sen “as funcións” e sen mover ao persoal ao posto adxudicado

Na CIG-Autonómica denunciamos a situación que dende fai anos está a acontecer nesta xefatura e específicamente no Servizo de Inspección de Servizos Sanitarios de Ourense.

Neste servizo, a data de hoxe, están creados un total de 31 postos:

  • 3 xefaturas de sección (nivel 25)
  • 7 xefaturas de negociado (nivel 18)
  • 9 ...

Venres, 15 Marzo 2024

Xubilación anticipada para o persoal axente ambiental, XA!

A CIG insta a xubilación anticipada para o persoal das escalas de axentes ambientais á Xunta de Galiza e na Lei básica que se está a tramitar no Congreso dos Deputados/as

A CIG insta á Xunta de Galiza para que dea cumprimento do Acordo sobre as condicións de traballo dos axentes forestais e medioambientais de Galicia asinado coas organizacións sindicais CIG, CCOO e UGT o 11 de outubro de 2018 para que procedan a solicitude de implantación de coeficientes reductores para o persoal das ...


Xoves, 07 Marzo 2024

8 de Marzo: a Xunta de Galiza e o seu PLAN DE “IGUAL DÁ”

Este é o primeiro 8 de marzo no que o persoal da Xunta de Galiza vai contar cun Plan de Igualdade aprobado pola administración da Xunta e os sindicatos CCOO, CSIF e UXT, co voto en contra da CIG

Porque votamos en contra? Porque este Plan non recolle nin un mínimo de medidas que poidan mellorar a situación das traballadoras na Xunta de Galiza; porque asinar o Plan, tal e como se fixo, é unha oportunidade perdida de adoptar unhas medidas para conseguir avances reais en igualdade; porque non se ...


Martes, 05 Marzo 2024

Concurso de traslados: que pasa co do persoal veterinario da Xunta de Galiza? E do resto de escalas?

A Dirección Xeral de Función Pública négase a meter no concurso de corpos especiais, que se vai publicar este 11 de marzo, ao persoal veterinario pero non o xustifica nin dá razóns. A consecuencia é que xa temos ata tres promocións en destino provisional e máis de 700 compañeiros e compañeiras pendentes dunha mobilidade ou dun destino definitivo que nunca chega. 

Tendo en conta que segundo manifestou o Director Xeral de  Función Pública para todos os procesos selectivos as tomas de ...


Xoves, 15 Febreiro 2024

E as condicións de traballo do persoal non docente dos centros de ensino, "pa" cando?

O 12 de febreiro quedou aprobada unha nova modificación parcial da RPT de Educación co voto en contra da CIG e a abstención do resto das organizacións sindicais (CCOO, CSIF e UGT).

O voto en contra da CIG non é tanto pola RPT en si, se non que se debe a que para a xustificación de creacións e amortizacións de postos seguen a empregar os ratios da Circular do ano 1994 coa que non concordamos por considerala desfasada e que non se axusta á realidade dos centros e tampouco foi negociada en ...


Martes, 13 Febreiro 2024

Retiran os tempos de programación educativa e, temos que estar caladas?

O Consorcio exerce presión sobre as súas traballadoras ante a mobilización pola eliminación das titorías e tempo para a programación educativa

Ante a mobilización convocada pola CIG mañá 14 de febreiro ás 11 horas diante dos Servizos Centrais do Consorcio e Política Social en Compostela, o Consorcio de Igualdade e Benestar enviou ás familias e ás traballadoras unha carta comunicando que a información trasladada nos últimos días polas compañeiras de “non ter titorías é unha ...


Luns, 12 Febreiro 2024

Aprobado o Acordo de condicións laborais do persoal do SPIF

O Acordo de condicións laborais do persoal do SPIF foi aprobado na Comisión de Persoal do luns día 12 de febreiro

Despois dun tempo de loita e mobilización para conseguir a negociación real dun Acordo de condicións de traballo para os compañeiros e compañeiras do Servizo de Prevención de Incendios Forestais de Galiza (SPIF), a Administración convocara para o pasado 8 de febreiro unha primeira xuntanza coa que se iniciou un proceso negociador con Función Pública que, tras varias idas e ...


Luns, 12 Febreiro 2024

Aprobados os concursos de traslados de corpos xerais e de enxeñarías, arquitectura e ciencias

O luns 12 de febreiro quedaron aprobadas as bases dos concursos de traslados de corpos xerais e de enxeñarías, arquitectura e ciencias, os dous coa abstención de CIG. A publicación en DOG tardará unhas semanas, tempo no que aínda poderemos alegar ás prazas.

As bases destes dous concursos son case idénticas ás dos concursos dos últimos meses (incendios, axentes medioambientais, consumo e gardacostas). Pero nesta ocasión houbo un condicionante que impediu o voto favorable da CIG: a incerteza ...


Luns, 12 Febreiro 2024

O empobrecemento do persoal do Agacal

Nesta funcionarización expres que a Función Pública mete nunha mesa “multiasuntos” consolídade a discriminación salarial do persoal dos centros agrarios da Xunta.

Nos centros de AGACAL prometeron unha mesa de negociación de pluses no ano 2021, cando se aprobou tamén ás presas, a primeira relación de postos de traballo (RPT). 

Esta negociación finalmente non foi adiante a pesar de que logo das mobilizacións do persoal dos centros en maio de 2023, a Xerencia do Agacal e a Dirección Xeral da ...


b) Xefatura de departamento de sistemas (área de infraestruturas e telecomunicacións): Sobre a apertura á administración local seguen insistindo na necesidade de facelo. Opoñémonos en base á non reciprocidade das administracións locais. En todo caso, convenio cos concellos que sexan recíprocos. Non entendemos en que pode contribuír a esta praza o persoal dos concellos. Volvemos recalcar que están preparándolle o posto para alguén doconcello de Santiago, que tras eleccións municipais quedou sen carguiño… recordándolles que isto é un xeito para entrar pola porta de atrás, xa que no caso de cesalo neste posto quedaría integrado na Amtega. Seguen mantendo a necesidade de que sexa LD (sen prexuízo do que se estableza na normativa sobre LDs que está en negociación).

Respostan que volverán reconsiderar a necesidade de apertura a local e LD.

Homologación salarial do persoal do grupo III-91

Non temos claro quen o está a cobrar e quen non. Dinos que son arredor de 40 postos de persoal laboral (grupos I,II,III e IV) os que non o están cobrando. Queren unha solución global para todos. Dinnos que hai persoal que o ten orzamentado pero non o cobra por ter sentenzas en contra ou ben por non ter sentenzas (non o levaron ao xulgado). Insistimos en que se teñen orzamento hai que pagarllo e, aínda que haxa sentenza negativa, a administración, na súa potestade de autoorganización, pode facelo. Reposta: con sentenza negativa a administración non vai pagar, a única maneira de que llo paguen vai ser cun acordo. O acordo que propoñen consistiría nunha solución global para todos os postos que non o cobran (uns 40). A opción que dan é, que en base o orzamento dispoñible cada ano, se lles fose pagando a todos os afectados unha parte, para progresivamente acadar o 100 % da homologación salarial. Para tratar mellor o tema nunha vindeira reunión solicitamos que nos remitan un listado RPT no que en cada posto apareza a liña orzamentaria correspondente. Comprométense a remitir tamén a relación de códigos de postos que actualmente o están cobrando e cales non, e o custo total que suporía. Dinos o xerente que queren que este acordo se aprobe o antes posible (maio).

Postos de nova creación (RPT marzo 2015) sen cubrir (Programador-Vigo, Sección-Pontevedra, Sección-Ourense e Operador-Ferrol)

Incidimos de novo na urxencia da súa cobertura (por comisión de servizo ou concurso). Pomos como exemplo o departamento de Ourense, no que unha persoa está a facer as funcións do posto de xefatura de sección dende os inicios da AMTEGA sen cobrar por iso. Reposta: van intentar cubrilas.

Denegacións de teletraballo a Operadores de Ordenador

Expomos a necesidade de que o informe (favorable ou non) do centro directivo veña motivado e acompañado por un informe do centro de destino dado que coñece mellor as funcións e traballo que está a desempeñar o persoal. Resaltamos que máis do 95% das incidencias e peticións de servizo se resolven remotamente sen necesidade de desprazamento ao posto final. Ademais, dende a integración do persoal informático na AMTEGA, calquera operador pode acudir a resolver ese 5% das incidencias que requiran presenza física. Cunha adecuada organización e planificación do departamento sería posible que entre 3 ou 4 persoas tivesen teletraballo (condicionado ás necesidades do servizo). Resposta: isto non depende da dirección da AMTEGA senón de cada área, pero que trasladarán a cuestión ao responsable de área.

Concurso

Que depende de FP convocalo, non se sabe nada de datas. Que non debería haber problema en organizalo porque tampouco son moitos os postos. As OO.SS. resaltamos a necesidade de que os postos de Santiago teñan especificado o centro de destino. Dende a CIG suxerimos, xa que o persoal da AMTEGA é un colectivo pequeno, que por que non se implanta con eles o
concurso permanente (toman nota, pero depende de FP).