Pontevedra

No DOG do 6 de maio publican a Resolución do Sergas pola que se fai pública a relación provisional de persoas admitidas e excluídas e a baremación provisional no proceso de actualización das listas de substitución de persoal funcionario de escalas sanitarias (Lei 17/1989) das seguintes clases:

  • Clase de inspector/a médico/a.
  • Clase de inspector/a farmacéutico/a.
  • Clase de farmacéutico/a inspector/a de saúde pública.
  • Lista xeral de licenciado/a sanitario/a: medicina e ciruxía, farmacia, ciencias químicas, ciencias biolóxicas, psicoloxía.
  • Clase de subinspector/a sanitario/a.
  • Clase de ATS/DUE.

O prazo para reclamar é de dez días hábiles contados dende o seguinte á publicación.

A Dirección Xeral de Función Pública anunciou no seu web as datas previstas para a realización dos primeiros exercicios de promoción interna do SPDCIF, correspondentes a OEP do 2016:

- BOMBEIRO/A FORESTAL CONDUTOR/A DE MOTOBOMBA (IV-033): Data prevista para o primeiro exercicio: 31/05/2019. Na EGAP.

- EMISORISTA DE DEFENSA CONTRA INCENDIOS FORESTAIS (V-10C): Data prevista para o primeiro exercicio: 01/06/2019. Na Facultade de Dereito da USC.

- BOMBEIRO/A FORESTAL (V-014): Data prevista para o primeiro exercicio: 01/06/2019. Na Facultade de Dereito da USC.

- VIXILANTE FIXO/A DE DEFENSA CONTRA INCENDIOS FORESTAIS (V-10B): Data prevista para o primeiro exercicio: 01/06/2019. Na Facultade de Dereito da USC.

- BOMBEIRO/A FORESTAL CONDUTOR (V-14A): Data prevista para o primeiro exercicio: 01/06/2019. Na Facultade de Dereito da USC.

No DOG do luns 29 de abril vén de publicarse a Resolución pola que se fan públicos a data, hora e lugar para a realización do primeiro exercicio do proceso selectivo de promoción interna ao corpo superior da Administración xeral de Galiza, subgrupo A1.

O exercicio terá lugar o día 11 de maio de 2019, ás 10:00 en chamamento único, na Facultade de Dereito da Universidade de Santiago de Compostela (avenida Dr. Ángel Echeverri, s/n, Campus Vida, Santiago de Compostela)

As persoas aspirantes deberán levar DNI, lápis do número 2 e goma de borrar.

No DOG do venres 26 de abril publican as seguintes convocatorias de procesos selectivos:

No mesmo DOG publican a Resolución do Tribunal de promoción interna ao corpo de xestión-A2, pola que fixan a data e lugar de realización do primeiro exercicio: 11/05/2019, na Facultade de Dereito da USC.

En canto a CIG deu conta de que parte dos candidatos do SEPGA están no lado escuro da forza e se sentan nas negociacións, non como representantes do persoal funcionario senón da empresa, sáltalles o chip, cortocircuítan, e comezan a falar de extorsión, de subvencións, de horas sindicais. Este discurso xa o coñecemos porque foi sempre o que utilizou a empresa.

Intentan facernos crer que nós os acusamos de que eles van negociar asuntos so subgrupo A1 sendo delegados de dito subgrupo. Pois non. Para a CIG un delegado do A1 pode negociar asuntos relativos ao A1. O que non pode un delegado do A1 e sentarse na mesa representando á empresa e defender os recortes. Intentar desviar a atención disto non cola.

Por qué están tan nerviosos en SEPGA?

O Acordo de concertación do emprego público de Galiza (DOG 28/01/2019) asinado por CCOO, UGT e o goberno de Feijoo, co voto en contra da CIG, entre outras prevé un proceso de funcionarización voluntario do persoal laboral fixo.

O sistema de selección consistirá na superación dun concurso-oposición. As preguntas dos exercicios da fase de oposición estarán sacadas dunha batería de preguntas que será pública.

A Dirección Xeral de Función Pública achegounos os borradores das baterías de preguntas, separadas por grupos e por temas, para que aleguemos, segundo nos indican, "sobre a súa redacción ou estilo". Temos de prazo ata o 30 de abril para o grupo I, e ata o 3 de maio para os grupos II a V. Se o consideras, podes contactar coa CIG.

Descargar a batería de preguntas:

O martes 23 de abril tivemos a primeira xuntanza pola RPT de Medio Rural. A Secretaria Xeral Técnica dixo que a modificación era debida aos cambios na estrutura e a creacion das 549 prazas de reforzo de verán de bombeiros forestais pero que non ían tocar as oficinas agrarias comarcais nin os distritos polo de agora, a espera dun estudo de carga de traballo e organización desta administración periférica que dá servizo ao rural galego. As RPT de AGACAL e Fogga din que as están a preparar e negociaranse despois desta.

Recoñecen que a documentación que nos presentaron estaba chea de erros e aínda así presentamos na xuntanza máis de 100 alegacións xerais e específicas. Con este mal facer por parte da Administración vai ser difícil que se convoque o concurso de traslados antes do verán.

Sobre as amortizacións, a pesar de dicir que non van tocar os postos ata reorganización, amortizan sen explicación de 181 postos de traballo, o que consideramos inadmisible.

Sobre a creación de prazas do SPDCIF manifestan que foi un “erro” que viñeran para 12 meses e que serán de 5 no 2019 e de 6 no 2020.

Aínda con todo, non souberon explicarnos a diferencia de 1 millón de euros entre as creacións e as amortizacións e de onde van a sacar os cartos para as creacións.

Antes do venres presentaremos unhas primeiras achegas por escrito e estaremos a espera de que nos envíen documentación corrixida, xustificada e cunha memoria económica en condicións. Destacar o pouca participación das outras organizacións sindicais pois remitíronse a indicar que ían presentar alegacións por escrito, sen expoñer ningunha na mesa de negociación, e pedir algunha aclaración puntual e do SPDCIF. Feito que sumado aos erros da documentación e a hora tardía de convocatoria (12:30h) fixo que non se puidera avanzar moito na negociación desta RPT.

Despois de máis de 7 anos sen actualizar a estrutura da consellería e adaptala as propias leis que o goberno do Partido Popular aprobou nestes anos, a Consellería do Medio Rural manifesta que foi un “erro” a dotación orzamentaria para todo o ano das 549 prazas de persoal bombeiro forestal. Con esa palabra despachouse a Administración ao inicio da negociación, ademais de declarar na mesa de negociación que as oficinas agrarias non eran motivo de negociación nestes intres.

A Consellería de Medio Rural presentou ás organizacións sindicais unha relación de postos de traballo mal feita e chea de erros. Así, hai uns días, coa documentación que nos achegou a consellería, na CIG valoramos positivamente a creación de 549 prazas de 12 meses que agora os servizos de persoal da consellería manifestan que foi un “erro”, e que unicamente son de 5 meses, e que o documento económico estaba mal (orzamentaban para 12 meses).

Aínda así, negáronse a facer unha declaración manifestando o tempo exacto que vai traballar o persoal de alto risco, nin cando vai comezar.

Ante estes datos e con este novo cambio de rumbo, a palabra máis repetida polo conselleiro de Medio Rural, “PREVENCIÓN”, é só fume, pois a improvisación da Consellería de Medio Rural queda outra vez en evidencia ao non seguir as recomendacións do Comité de expertos/as derivado da Comisión Parlamentaria polos incendios forestais, nin do propio ditame da Comisión, nas que destacan a necesidade de actuar na prevención. A consecuencia é que as novas prazas creadas unicamente traballarán no “alto risco” en extinción de lumes, imposibilitándose o traballo na prevención.

A non creación das prazas como de 12 meses cambia por completo a valoración da CIG desta RPT, a cal incluso amortiza prazas de persoal bombeiro de 12 meses e logo créaas de 5 meses. Pero isto non é o único, amortizan moreas de prazas dos servizos periféricos, como nas oficinas agrarias e distritos forestais, servizos de infraestruturas ou postos base nas xefaturas territoriais. Rexeitamos amortizacións de postos nos servizos que deben atender á cidadanía do rural, fin definitivo desta consellería, coa finalidade de crear postos de estrutura; e opoñémonos á amortización de postos de persoal bombeiros de 12 meses.

Na xuntanza que tivemos as organizacións sindicais coa consellería para tratar a RPT a CIG presentou mais de 100 alegacións concretas, que serán moitas máis cos “erros” da RPT, ademais da falla de xustificación funcional e memoria económica. En definitiva un desastre de RPT que anuncia atrasos no concurso de traslados de todo o persoal da Xunta de Galicia e que segue na liña de desmantelar servizos de atención e non dar solución nin afrontar con seriedade os problemas do rural da Galiza.

A CIG valora positivamente a proposta presentada polo conselleiro de Medio Rural para a creación de 549 postos de traballo para todo o ano de bombeiros forestais a través da Relación de Postos de Traballo (RPT) da Consellería do Medio Rural que se vai a negociar a semana do 22 de abril, dentro do Servizo de Prevención e Defensa contra os Incendios Forestais. As prazas previstas achéganse á proposta presentada pola CIG perante o Parlamento de Galiza para a duplicación de brigadas de prevención e extinción de incendios.

Dado o aumento da virulencia e extensión dos incendios forestais na Galiza, a súa frecuencia e dado que xa non se limitan a campañas concretas (verán) fai necesario un corpo permanente e profesional de bombeiros forestais na Galiza, 100% público. Segundo a documentación achegada por parte da consellería aos sindicatos da mesa de negociación para esta nova RPT, a consellería de Medio Rural crearía 549 postos de 12 meses que virían a substituír e ampliar as tarefas na prevención e extinción que estaban a ser realizadas pola empresa pública SEAGA. Porén, a CIG convocou unha manifestación día 24 de abril ás 11:00 h, co fin de que o tempo traballado en SEAGA puntúe para as listas da Xunta e que así se recoñeza a profesionalidade deste persoal de reforzo que era contratado ata o de agora pola empresa pública.

Dende a CIG celebramos o reforzo deste servizo público pero tamén insistimos na necesidade de traballar na prevención de incendios a medio prazo co reforzo dos servizos vinculados ao rural que freen o seu despoboamento. Compre unha actividade agraria e gandeira compatible co medio ambiente que reduza a carga de combustible dispoñible para o que recordamos a necesidade de medidas que a incentiven e o reforzo dos servizos de extensión gandeira e agraria que realizan as Oficinas Agrarias Comarcais da Consellería de Medio Rural que están sendo desmanteladas. Destacamos tamén a necesidade de reforzar os servizos forestais que desenvolvan medidas de cambio de modelo produtivo no monte que eviten a especulación e reduzan a superficie poboada por especies pirofitas.

A contratación de novos equipos de valoración da discapacidade hai meses, como medida paliativa para sacar adiante expedientes e minimizar así o tempo de agarda por valoración, foi unha montaxe da Xunta pra sacarse de enriba aos medios de comunicación que lles podían facer dano diante de calquera proceso electoral. Logo diso volvemos á mesma desatención e a xerar distanciamento coa sociedade, coma consecuencia do desmantelamento deses equipos que tampouco eran un luxo asiático, e volvemos a ter unha espera de un ano, ou ata dous, como en Pontevedra, para poder atender un expedente.

INDOLENCIA E INCOMPETENCIA A PARTES IGUAIS

Dicimos que é indolencia por parte da administración do PP mais tamén é unha bufonada diante dese electorado que logo carrexan dende aquelas residencias da terceira idade á urna de votación correspondente e cun voto na man, falamos de trampulleiros e trampulleiras que dominan ese xogo do engano con dependentes. Non é menor o asunto coma tampouco o é esa suma de incompetencias varias dun goberno ausente dos servizos sociais dende hai moitos anos. A evidencia está na multitude de concellos que claman dende hai anos por axudas para loitar contra a soidade dos anciáns ou enfermos e enfermas nos fogares do meio rural. Por provincias, naquelas décadas dos 80 e 90, Lugo e Ourense representaban os focos máis afectados, non imos analisar agora as causas, mais tamén isto caeu en picado demostrando o avellantamento de toda a sociedade galega, e a inversión da campana poboacional da que xa nos avisaban sociólogos de moito renome.