Novas por contido

Na Mesa Xeral do 29 de xullo, e tras ser retirada a RPT de Traballo e Benestar, quedou como único da orde do día a modificación da RPT Santiago Apostol. Un proxecto que define pola desaparición deste centro de atención especializada e a creación do almacén de persoas discapacitadas C.A.P.D. Coruña.

Desde a CIG criticamos moi duramente  que se peche un centro referente na comarca educativa e socialmente e se cree un almacén de discapacitados amortizando as prazas de persoal educativo (8 prazas de educadores). Este tipo de política social desenvolvida pola Consellaría de Traballo e Benestar vai na liña de hai moitos anos atrás na que había reformatorios, asilos, colexios de subnormales, e coma neste caso, almacens de desfavorecidos. Tamén criticamos a ausencia da secretaria xeral Cristina Ortiz, que non considera de suficiente importancia este asunto.

Para a Administración esta Mesa foi un puro trámite burocrático, pois non se atendeu nin unha soa das multiples alegacións por parte da CIG e dos outros sindicatos, polo que a conclusión é que non merece a pena asistir a estas parafernarias, Compre recordar que ainda non se entregaron as copias das actas das reunións previas de “negociación” co comité de empresa e sindicatos, negociación que non existiu, pois dende un primeiro momento foi unha imposición sen vontade negociadora.

Tamén denunciamos que, pola contra, se crean un feixe de LD´S para enchufar ós amigos e non para poñer neses postos a persoas cualificadas.

Pola conselleria, e en resposta ás alegacións pola parte sindical, eludindo explicacións concretas,  limitase a dicir que xa se ten falado de todo isto pero que entenden que os sindicatos non esteñan de acordo con este cambio. Tamén indican que se dirimirá todo o que haxa que dirimir onde faga falla. Por outra banda, deixan entrever que haberá máis modificacións ("irase modificando a RPT segundo faga falla"). Cara a Setembro-Outubro haberá máis reunións.

Trala intervención da consellaría, desde a CIG criticamos que:

  • Non se exponen argumentos a todas as alegacións presentadas.

  • No Souto de Leixa de Ferrol se lles permite ter discapacitados de todos os graos e nunca se escoitou por parte da conselleria porqué o CAPD Coruña non.

  • Se aproben LD´S sen acordos cos sindicatos.


Por último, poñemos de manifesto que se cometeu un grave erro por parte da Administración ao comunicar a modificación sustancial das condicions do traballo dos/as traballadores/as do C.A.E.E. SANTIAGO APOSTOL, pois nesa comunicación se establece un prazo de dous meses para recurrir contra ela cando a lei dí que son 20 días, e que agora as/os traballadores/as están de vacacións e non hai maneira de comunicarllo.

Descarga as alegacións presentadas pola CIG

Outras novas recentes

Mércores, 20 Marzo 2024

Prazas para elección de destino Minas-Bibliotecas-Arqueologos-Museos-Obras Publicas-Arquivos (19/03/24)

A Dirección Xeral de Función Pública achega os listados de prazas que ofertará para a elección de destino dos seguintes procesos selectivos: A1 Minas A1 Bibliotecas A2 Bibliotecas A1 Arqueólogos A1 Museos A2 Museos A2 Obras Públicas A2 Arquivos Neste lote botamos en falta A1 de Arquivos.
Xoves, 21 Marzo 2024

Reunión do Comité de Seguridade e Saúde Laboral de Política Social

Riscos para a saúde moi elevados nas escolas infantís O venres tivo lugar unha nova xuntanza do Comité de Seguridade e Saúde Laboral de Política Social, no que estaban presentes os representantes das consellería de política social, servizo de prevención propio da Xunta, servizo de prevención alleo (Qualtis), representantes do Consorcio e delegadas e delegados de prevención...
Venres, 22 Marzo 2024

Prazas para elección de destino Agrupación profesional-Subalterno (22/03/24)

A Dirección Xeral de Función Pública achega un listado de prazas que ofertará para a elección de destino do proceso selectivo da agrupación profesional - subalterno. A localidade dos postos pode verse no código que vai nas posicións 11 a 15 do código (XX.XXX.XX.XXX.XXXXX.XXX) No mesmo arquivo que poñemos a túa disposición para descargar, vai tamén a RPT íntegra con todos os...