Inicio
Xoves, 19 Novembro 2026

O sector dos coidados e a atención ás persoas en loita!

As traballadoras do sector de coidados e atención denuncian a precariedade da súa situación laboral e dos servizos que se prestan desde a Consellería de Política Social e a Consellería de Educación.

Centos de manifestantes marcharon en Santiago de Compostela o sábado 14 de novembro, reclamando a creación dun Servizo Público Galego de Atención ás Persoas que garanta servizos de calidade e condicións de traballo dignas para o persoal que os presta.


Venres, 13 Novembro 2026

Agacal, Gain e Intecmar quedan para a seguinte OEP de funcionarización

A directora xeral de Emprego Público comunicounos na Mesa Xeral do 10 de novembro de 2026 que o persoal de AGACAL, GAIN e INTECMAR quedará para a seguinte OEP de funcionarización (para a cal non teñen data) porque aínda non está integrado. A integración é un requisito previo para que o persoal que o desexe poida funcionarizarse.

Sen convocatoria á CIG para as negociacións das integracións

Na Comisión de Persoal do 27 de outubro de 2026 a CIG preguntou sobre a integración de GAIN, INTECMAR e ...


Luns, 09 Novembro 2026

Dúbidas ante a folga xeral do 11 de novembro

Respostas ás preguntas máis frecuentes para que todas as persoas traballadoras poida facer valer os seus dereitos

Desde a CIG tentamos responder ás principais dúbidas que xiran arredor da convocatoria de Folga Xeral do vindeiro 11 de Novembro para que todas as persoas traballadoras do país poidan facer valer os seus dereitos e secundar a mobilización con liberdade.

1. Cal é a miña situación laboral no día de folga?
Durante a xornada de folga, o contrato de traballo está suspendido, ficando ...


Luns, 09 Novembro 2026

A CIG convoca 17 mobilizacións por todo o país na xornada de folga xeral do 11N

A central nacionalista empraza a clase traballadora galega a visibilizar a parálise da actividade económica e laboral da xornada de 24 horas asistindo masivamente ás marchas

A CIG anunciou a convocatoria dun total de 17 mobilizacións por todo o país durante a xornada de folga xeral prevista para o vindeiro 11 de novembro baixo o lema 'Galiza en loita por unha vida digna' para esixir da Xunta de Galiza e do Goberno español un Plan de Choque que permita frear o deterioro das condicións de ...


Xoves, 05 Novembro 2026

Seaga paraliza o seu primeiro plan de igualdade após tentar aprobalo sen negociación efectiva

A sociedade mercantil pública autonómica cancelou dúas reunións consecutivas e deixou a negociación sen nova data. A CIG Administración Autonómica exixe retomar de inmediato os traballos, completar a diagnose e acordar medidas reais para o persoal.

A CIG, sindicato maioritario nos comités de empresa da Coruña, Lugo e Ourense, denuncia as actuación da Empresa Pública de Servizos Agrarios Galegos, S.A. (Seaga) na tramitación do seu primeiro plan de igualdade: catro horas de formación en ...


Xoves, 05 Novembro 2026

A CIG mobilízase para reclamar salarios dignos fronte á carestía da vida

A CIG-Administración reivindica o estabelecemento dunha cláusula de revisión ao IPC, medidas que faciliten o acceso á vivenda e mellores condicións laborais

Máis de 200 delegadas e delegados dos distintos sectores que integran a CIG-Administración Pública manifestáronse este mércores 4 de novembro en Compostela contra a perda de poder adquisitivo do persoal empregado público e para reivindicarlle ao Goberno galego e ao estatal medidas para reverter este ...


Xoves, 29 Outubro 2026

Primeira xuntanza con Educación por un Acordo para o Persoal Non Docente: unha perda de tempo

A CIG denuncia a falta de compromiso e de vontade negociadora da Consellaría e advirte de que non vai permitir que se siga adiando unha reivindicación histórica do persoal non docente.

As expectativas xeradas pola apertura dunha vía de negociación coa Consellaría de Educación para acadar un acordo que dea resposta ás demandas do persoal non docente quedaron frustradas na primeira xuntanza. A ausencia por enfermidade do director xeral e a incapacidade do subdirector para concretar un ...


Xoves, 29 Outubro 2026

BYE, BYE FABIOLA!

Hai despedidas tristes. Cando unha compañeira ou compañeiro de traballo abandona porque non pode manter á súa familia co salario que cobra, ou remata farta e con medo ás agresión que todas e todos sufrimos.

Nestes últimos tempos, marcados polos conflitos en ensino infantil 0-3, en menores, na discapacidade, en dependencia, en residencias, nos SAF, servizos esenciais para a cidadanía e que na súa meirande parte están en mans de empresas privadas pero pagados ...


Mércores, 28 Outubro 2026

Xuntanza para a modificación da Orde de horarios do Servizo de Gardacostas (23/10/2026)

Despois da reunión de mesa sectorial de hai un mes onde se abordou a modificación da Orde do 2 de maio de 2006 pola que se establece o réxime de prestación de servizos, horarios, vacacións, licenzas e permisos e compensacións económicas para percibir polo persoal do Servizo de Gardacostas de Galiza, é previo á levar o texto á Comisión de Persoal onde se aprobaría, a consellería convocounos a unha xuntanza para tratar de ultimar os cambios.

Despois de que a consellería explique as últimas ...


Martes, 27 Outubro 2026

A Xunta pretende pechar en falso a negociación do persoal lingüista (grupo I-40) após dous meses sen facilitar os datos básicos

A CIG denuncia que a Consellaría de Cultura convoca a terceira mesa de negociación sen achegar a información sobre cargas de traballo, necesidades de persoal e externalizacións, nin ofrecer garantías contra a precariedade, a desregulación e as desigualdades salariais. 

O 20 de outubro, Casares, deputado do PP, anunciaba no Pleno do Parlamento un principio de acordo, acadado fóra da mesa de negociación. Na CIG consideramos que este anuncio non pode substituír o diálogo nin pechar un proceso ...


Venres, 23 Outubro 2026

Voto en contra do PP a máis cursos de galego e á xornada completa do persoal lingüista (Pleno do Parlamento do 20/10/26)

Un grupo nutrido grupo de lingüistas e unha representación da CIG acudimos ao Pleno do Parlamento o 20 de outubro, onde se debateu sobre a situación límite que está a soportar este persoal e a altísima demanda de formación en galego desatendida ano tras ano pola Escola Galega de Administración Pública (EGAP). O BNG presentou unha iniciativa para ampliar a dotación de cursos de galego impartidos pola EGAP e converter a media xornada e os 7 meses de traballo do persoal lingüista en xornada ...


HORARIO ESPECIAL PARA TODO O PERSOAL EN PRESIDENCIA

Esta modificación comporta unha serie de cambios substanciais nas condicións de traballo e horarios de todos os traballadores e traballadoras dos Rexistros Administrativos da Xunta de Galicia (rexistro, información e subalternos), xa que a pesar de que no borrador que nos deron hai meses para negociar aparecía neses postos a observación de “Cando vacante horario especial”, que nós nos negamos a que incluíran, agora mudan de opinión e poñen “Horario Especial”. Esto vai facer que en canto se publique no DOG calquer traballador ao que lle conste esta circunstancia na súa RPT vai ter que traballar de tarde, a xornada partida e sábados se así o considera o Secretario Provincial. Dan o mesmo as condicións anteriores de cando se concursou ao posto, o que queren facer é legal. E so o podemos parar dende a resposta sindical, tal e como xa o paramos no pasado cando tamén pretendían impoñer o “horario especial” e finalmente quedou “cando vacante horario especial”. Novamente temos que paralo.

AMORTIZAN 83 POSTOS DE TRABALLO BOTANDO Á RUA A 55 TRABALLADORES/AS

Xunto co anterior, pretende Presidencia amortizar 83 postos de traballo, 55 deles con traballadores/as en activo que pasarán a engordar as listas de desemprego. Dende a CIG-Autonómica viñemos denunciado ao longo do ano esta pretensión da Consellaría, tanto en diferentes concentracións nos diferentes xulgados de todo o país como nas negociacións que se estaban a levar coa administración e que nestes intres estaban estancadas pola negación da Consellaría a respostar ás alegacións presentadas pola CIG.

A nosa preocupación pola situación laboral deste persoal, nalgún caso con 20 anos de servizo continuado nos servizos de limpeza e mantemento dos xulgados dende a súa transferencia do Ministerio de Xustiza, comezou xa no mes de abril cando a Consellaría publicou as bases para a licitación do servizo de limpeza vulnerando claramente a lexislación vixente, xa que só indicaba a subrogación do persoal que dependía de empresas privadas, excluíndo ao que dependía diretamente da Xunta de Galiza, nun claro desprezo ao persoal do sector público que ademais de pasar ao paro o fará sen cobrar indemnización de ningún tipo polos anos prestados na Administración Pública.

Durante moito tempo o servizo estivo duplicado, por un lado as empresas privadas e por outro o persoal da administración pública, provocando incluso nalgún momento puntual enfrontamentos entre os diferentes colectivos polas funcións a desempeñar. Ata que finalmente, como ven facendo durante este catro anos este “goberno de esquerdas”, privatizan totalmente o servizo e botan a xente á rúa.

A CIG-Autonómica tentou en infinidade de ocasións tratar de solucionar esta problemática coa Consellaría cunha negativa constante por parte da mesma que, en palabras textuais do Secretario Xeral, comunicou que este tema era innegociable. Estamos a falar, por tanto, dunha imposición por parte da Consellaría de Presidencia que, sen ningún tipo de pudor, vai botar á rúa a 55 persoas e amortizar 83 postos de traballo. Así é como enfronta a crise económica a Administración da Xunta de Galiza, a conta de eliminar postos de traballo para, supoñemos, entre outras cousas pagar o “plus de altos cargos” aos privilexiados/as, mercar coches de “alta gama” e arranxarlle postos “a dedo” aos amigos/as.

O XOVES 18, TEMOS QUE DAR UNHA RESPOSTA SINDICAL. CONTACTA COA CIG.